Рөстәм Миңнеханов Казан педагогы Нурания Газиеваны 100 яшьлек юбилее белән котлады
Татарстан Рәисе Рөстәм Миңнеханов Казанда яшәүче Нурания Газиеваны 100 яшьлек юбилее белән котлады. Республика җитәкчесесе Телеграм-каналына очрашудан фото куйды.
Фото: © Республика җитәкчесесенең Телеграм-каналыннан
«Бүген Нурания Мөхәмәтовнаны 100 яшьлек юбилее белән котладык! Гомере буе укытучы булып эшләгән. 58 ел эшләү дәверендә лаеклы укучылар тәрбияләгән! <…> Сезгә сәламәтлек телим. Үз якыннарыгыз белән бәхеттә һәм шатлыкта яшәгез», - дип язган Миңнеханов. Ул шулай ук, июбилярга «ТАССР төзелүнең 100 еллыгы» медален тапшыруы турында хәбәр итте.
Нурания Мөхәмәтовна ярты гасырдан артык Казан шәһәренең Вахитов һәм Идел буе районнары мәктәпләрендә эшләде. Алар арасында - 42, 69, 98нче мәктәпләр, 27нче гимназия. 2 мартта аңа 100 яшь тулды. Ул социаль-икътисади потенциалны ныгытуга зур өлеш керткән һәм күпьеллык нәтиҗәле хезмәте өчен бүләкләнде. Республика җитәкчесенең матбугат хезмәте шул хакта хәбәр итә.
Нурания Мөхәмәтовна Газиева 1923 елның 2 мартында Төмән өлкәсенең Түбән Тәүде районы Киндерле авылында туган. 1961 елда ул Алабуга дәүләт педагогика институтын тәмамлый, гомер буе башта Төмән өлкәсендә, ә 1971 елдан Казанда төрле уку йортларында татар теле һәм әдәбияты укытучысы булып эшли.