«Татнефть» коллективы: Без һәрвакыт Равил Маганов белән горурланачакбыз
«Татнефть» компаниясе коллективы «Лукойл» компаниясе директорлар советы рәисе Равил Магановның туганнарының һәм якыннарының кайгысын уртаклашты.
Анда Равил Магановның бөтен гомерен нефть сәнәгатенә багышлавы билгеләп үтелә.
««Татнефть»тә эшләп чыккан кеше, ул Көнбатыш Себер ятмаларын үзләштерүгә зур шәхси өлешен кертте, илнең иң эре нефть компанияләренең берсе – «Лукойл»ны оештыручыларның берсе һәм алыштыргысыз җитәкчесе булды. Без һәрвакыт Татарстанның һәм «Татнефть» нең лаеклы улы Равил Маганов белән горурланачакбыз», – диелә кайгынамәдә.