Төркиядә бүгенге утыз татар язучысының хикәясе кергән антология басылып чыккан
Төркиянең абруйлы «Һәҗә» нәшриятында (Анкара) «Хәзерге заман татар хикәяләре антологиясе – XXI гасыр» җыентыгы дөнья күргән
«376 биттән торган җыентыкта утыз исән-сау язучыбызның яңа гасырда иҗат ителгән берәр хикәясе урын алды», - дип хәбәр итә Татарстан Язучылар берлеге.
Антологиягә кереш сүзне Татарстан Язучылар берлеге рәисе Ркаил Зәйдулла язган. Хикәяләрне төрек теленә Татарстан Язучылар берлеге әгъзасы Фатиһ Кутлу тәрҗемә иткән.
Китап шушы көннәрдә Төркиядә сатуга чыгачак. Тиздән әлеге антология, Татарстан Язучылар берлеге хозурындагы Әдәби тәрҗемә үзәге проекты буларак, Мәскәүдә урыс телендә дөнья күрәчәк, диелгән хәбәрдә.