Татарстанда быел 30 норматив акт проектында коррупция факторлары ачыкланды
(Казан, 29 ноябрь, «Татар-информ», Алинә Фәйзрахманова). Татарстанда быел дәүләт хакимияте органнарында норматив-хокукый актларның һәм аларның проектларының коррупциягә каршы бәйсез экспертизасы нәтиҗәсендә 30 документта коррупциоген факторлары ачыкланды. Шул ук вакытта 3 328 проект тикшерелде.
«Әгәр җирле үзидарә органнары турында сөйләсәк, 26 303 муниципаль норматив-хокукый акт буенча коррупциягә каршы экспертиза үткәрелде, 208 актта төрле коррупциоген факторлар ачыкланды», — диде «Татар-информ» мәгълүмат агентлыгында узган матбугат конференциясендә ТР Президентының коррупциягә каршы сәясәт мәсьәләләре буенча идарәсенең баш киңәшчесе Салават Рәхимов.
Сүз карар кабул итү срокларының, шартларының яисә нигезләренең булмавы яисә билгесезлеге, дәүләт хакимияте органнарының яисә җирле үзидарә органнарының кабатлаучы вәкаләтләре булу, конкурс процедураларыннан баш тарту, лингвистик билгесезлек һ.б. турында бара.
Ачыкланган коррупциоген факторларның барысы да бетерелде, диде Рәхимов.