Новости за 03.02.2020

(Казан, 3 февраль, «Татар-информ»). Иртәгә, 4 февральдә, Казанда ТАССР юстиция министры Әнәс Таҗетдиновка истәлек тактасы ачылачак. Татарстан Премьер-министры Алексей Песошин ТР Министрлар Кабинетының шул хактагы карарын 2019 елның сентябрендә үк имзалаган иде.

(Казан, 3 февраль, «Татар-информ», Гөлнар Гарифуллина). Дөньяда коронавирустан 304 үлем очрагы билгеле. Бу хакта «Татар-информ» агентлыгында матбугат конференциясендә Роспотребнадзор хезмәтенең Татарстан буенча идарәсе җитәкчесе урынбасары Любовь Авдонина хәбәр итте.

(Казан, 3 февраль, "Татар-информ"). Бүген Рәсми Татарстан сайтында, Берләшкән Милләтләр Оешмасы (БМО) штаб-фатирыннан, «Россия төбәкләре һәм БМОның тотрыклы үсешенең максатлары» нотыгы турыдан-туры трансляция аша тәкъдим ителәчәк. Чарада Татарстан Республикасы Президенты Рөстәм Миңнеханов та катнашачак. Бу хакта республика җитәкчесенең матбугат хезмәте хәбәр итә.

(Казан, 3 февраль, «Татар-информ», Гөлнар Гарифуллина). Коронавирустан үлем күрсәткече, грипп һәм үпкә ялкынсынуы белән чагыштырганда, түбәнрәк. Бу хакта «Татар-информ» агентлыгында матбугат конференциясендә Роспотребнадзор хезмәтенең Татарстан буенча идарәсе җитәкчесе урынбасары Любовь Авдонина әйтте.

(Казан, 3 февраль, «Татар-информ», Марат Ишкильдин). Татарстанда хокук тәртибен һәм җәмәгать куркынычсызлыгы дәрәҗәсен күтәрү максатыннан урнаштырылган 1,2 мең видеокамерага 83 миллион сумнан артык акча сарыф ителәчәк. Дәүләт сатып алулары сайтында шул хакта мәгълүмат урнаштырылган.

(Казан, 3 февраль, “Татар-информ”, Гөлнар Гарифуллина). Каникуллардан соң Кытайдан Татарстанга кайтачак студентлар саны әлегә тәгаен билгеле түгел. Бу хакта “Татар-информ” хәбәрчесенә Роспотребнадзор хезмәтенең Татарстан буенча идарәсе җитәкчесе урынбасары Любовь Авдонина әйтте.

(Казан, 3 февраль, «Татар-информ», Гөлнар Гарифуллина). 31 гыйнвар көнне Казанга Кытай Республикасы Санья шәһәреннән соңгы рейс кайтты. 342 пассажир, 16 экипаж әгъзасының сәламәтлеге тикшерелгән, коронавируска анализ нәтиҗәләре тискәре булган. Бу хакта бүген «Татар-информ» агентлыгында матбугат конференциясендә билгеле булды.

(Казан, 3 февраль, «Татар-информ»). Алтынчы чакырылыш Татарстан Дәүләт Советы депутаты Габделхәй Кәримов 59нчы яшендә вафат булды. Бу хакта республика парламентының матбугат хезмәте хәбәр итә.

(Казан, 3 февраль, «Татар-информ»). Татарстанда «Куркынычсыз һәм сыйфатлы автомобиль юллары» илкүләм проектын гамәлгә ашыру барышында 40 юл челтәре объектында яңа технологияләр кулланылачак. Бу хакта ТР Транспорт һәм юл хуҗалыгы министрлыгының матбугат хезмәте хәбәр итә.

(Казан, 3 февраль, «Татар-информ»). 2019-nCoV коронавирус инфекциясе әйләнә-тирәдәгеләргә куркыныч тудыра торган авырулар исемлегенә кертелде. РФ Хөкүмәте Рәисе Михаил Мишустин шул хактагы карарны имзалады.

(Казан, 3 февраль, «Татар-информ»). Россиялеләрне төнлә шаулаган өчен 50 мең сумга штрафка тарта башларга мөмкиннәр. Дәүләт Думасы депутатлары Административ хокук бозулар кодексы һәм Торак кодексына тиешле төзәтмәләр пакеты әзерләгән. Бу хакта «Известия» газетасы яза.

(Казан, 3 февраль, «Татар-информ»). Россия Дәүләт Думасында Кытай интернет-кибетләреннән посылкалар кабул итүне вакытлыча – коронавируска бәйле вазгыять нормальләшкәнчегә кадәр туктатып торырга тәкъдим иттеләр. Бу хакта РИА Новости агентлыгы хәбәр итә.

(Казан, 3 февраль, «Татар-информ»). Бу атнада Рөстәм Закировның Казанда «Пошалым чаналары» җыр фестивале уздыра.

(Казан, 3 февраль, «Татар-информ», Александра Давыдова). Ирек Ризванов Казан шәһәре Мәгариф идарәсенең яңа җитәкчесе итеп билгеләнде. Шәһәр башлыгы Илсур Метшин Татарстан башкаласы мэриясендә узган эшлекле дүшәмбе киңәшмәсендә шул хакта хәбәр итте.

(Казан, 3 февраль, «Татар-информ»). Казанның Зөбәрҗәт күлендә коткаручылар аягы сынган чаңгычыга ярдәм күрсәткән. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

(Казан, 3 февраль, «Татар-информ»). Бүген, 3 февральдә, 13:00 сәгатьтә «Татар-информ»да  умартачылык паспортлары тапшыруга багышланган матбугат конференциясе булачак.

(Казан, 3 февраль, «Татар-информ»). Тукай районында 59 яшьлек ир-ат үз йортында янып үлгән. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

(Казан, 3 февраль, «Татар-информ»). Татарстан Президенты Рөстәм Миңнеханов АКШка эш сәфәре барышында якшәмбе кичендә Нью-Йорктагы Америка татарлары ассоциациясе активы белән очрашты. Президент Америка Кушма Штатларында җирле вакыт белән ике көн (2-3 февраль) булачак. Мәскәү белән Нью-Йорк арасында вакыт аермасы сигез сәгать тәшкил итә, дип белдерә республика Президентының матбугат хезмәте.

(Казан, 3 февраль, «Татар-информ»). Мәскәүдә татарлар Штабы гимны клипын презентацияләделәр. Бу хакта Штабның матбугат хезмәте хәбәр итә.

(Спас, 3 февраль, «Татар-информ», «Яңа тормыш»). Спас шәһәренең үзәк мәйданындагы Батырлар аллеясында патриотик флэш-моб үткәрделәр. Мондый чара районда әле беренче тапкыр гына уза.Чарада 200дән артык кеше катнашты. Бу турыда район басмасы хәбәр итә.

(Казан, 3 февраль, «Татар-информ»). Кичә, 2 февральдә, ТР Президенты Рөстәм Миңнеханов Нью-Йоркка эш визиты белән килде, дип хәбәр итә республика җитәкчесенең матбугат хезмәте.

(Саба, 3 февраль, «Татар-информ», «Саба таңнары» ). Саба районының Олы Шыңар авылында «Туган як» ҖЧҖ базасында «Агроф» ҖЧҖ компаниясе Франциядә җитештерелгән Manitou MLT-X 735 T LSU телескопик төягечен күрсәтте.

(Чирмешән, 3 февраль, «Татар-информ», «Безнең Чирмешән»). Чирмешән районының Шешминка авылында яшәүче пенсионерларга бушлай ипи бирәләр. Бу турыда район басмасы хәбәр итә.

(Казан, 3 февраль, «Татар-информ»). Якшәмбе, 2 февральдә Актаныш районында оешма-предприятие җитәкчеләре, мәктәп директорлары, җирлек башлыклары катнашында зур спартакиада узды. Бу турыда Актаныш муниципаль районы сайтында хәбәр ителә.

(Сарман, 2 февраль, «Татар-информ», «Сарман»). Сарман районында Мортыштамак авылының Мор буасында беренче тапкыр картинг буенча ярышлар үтте. Казан, Яр Чаллы, Алабуга, Түбән Кама, Урыссу, Баулы, Азнакай, Лениногорск, Сарман, Октябрьский районыннан һәм шәһәрләреннән барлыгы 83 пилот катнашты. Бу турыда район басмасы хәбәр итә.