Новости за 22.02.2017

ახალგაზრდა ქართველი დიზაინერი საკუთარ კოლექციას იტალიაში გასაგზავნად ამზადებს. ევროპული ბაზრისთვის სამოსი ქართულ ფაბრიკაში შეიკერა. შეთავაზება მარიამ გვასალიამ თბილისის მოდის კვირეულზე 2016 წლის შემოდგომაზე მიიღო.

რამდენიმე წელია თელავის მოსახლეობის ნაწილი წყალმომარაგების პრობლემის მოგვარებას ელოდება. ვითარება ზამთრის პერიოდში კიდევ უფრო რთულდება და ადგილობრივებს სასმელი წყალი გრაფიკითაც აღარ მიეწოდებათ.

ქობულეთში მცხოვრები მოსახლეობა დღეს საპროტესტო აქციით ნაგავსაყრელის მშენებლობის შეჩერებას ითხოვდა. ტერიტორიაზე, სადაც ნაგავსაყრელი უნდა განთავსდეს, მოსახლეობის სახნავ-სათესი მიწებია. ადგილობრივების თქმით, კომპანიის წარმომადგენლები თავდაპირველად მათ გარკვეული რაოდენობის კომპენსაციას დაპირდნენ, თუმცა თანხა შეუსაბამოა.

სტატუსშეჩერებული სტუდენტების რიცხვმა 35 ათასს გადააჭარბა. წელს კიდევ უფრო გაიზარდა იმ ახალგაზრდების რაოდენობა, რომლებიც ვერ აგრძელებენ განათლების მიღებას უმაღლეს სასწავლებლებში და ხშირ შემთხვევაში, ეს უსახსრობის გამო ხდება.

საკრებულოს ოპოზიცია რუსთავი 2-ის საქმის განმხილველი კოლეგიის თავმჯდომარისთვის მილიონიანი ქონების გადაცემის საკითხზე დავით ნარმანიასგან განმარტებებს ელოდება.

ვანო მერაბიშვილის ციხიდან შესაძლო გაყვანის ფაქტზე პროკურატურამ გამოძიება შეწყვიტა. ყველა დოკუმენტს კი, რომელიც ვანო მერაბიშვილის საკნიდან შესაძლო გაყვანის გამოძიების შეწყვეტის საფუძველი გახდა, მთავარი პროკურატურა სტრასბურგის სასამართლოში გაგზავნის.

რუსთავი 2 -ის წინააღმდეგ მიმდინარე სასამართლო პროცესები Amnesty International-ის ანგარიშში მოხვდა. საერთაშორისო ორგანიზაცია საქართველოში სასამართლოს დამოუკიდებლობის ნაკლებობაზე აკეთებს აქცენტს და ერთ-ერთ საქმედ სწორედ რუსთავი 2-ის სასამართლო პროცესები სახელდება.

ევროსასამართლოს მიერ ქართველი მოსამართლეების კანდიდატურების ჩაგდების შემდეგ, ქართული მხარე ახალი კონკურსის ჩასატარებლად ემზადება.

ფარული მიყურადების შესახებ კანონპროექტს მეორე მოსმენით პარლამენტი სავარაუდოდ კვირის ბოლოს განიხილავს. არ არის გამორიცხული მუხლობრივი განხილვის დროს დოკუმენტში ცვლილებები შევიდეს, თუმცა მთავრი საკითხი - სად იქნება ე.წ. გასაღები, მმართველ გუნდს გადაწყვეტილი აქვს.

მოსმენების შესახებ კანონის განხილვა უმრავლესობამ ოპოზიციის ხმაურიანი პროტესტის ფონზე დაიწყო. ევროპული საქართველოს დეპუტატებმა პროტესტის ფორმას მას შემდეგ მიმართეს, რაც პარლამენტის თავმჯდომარემ მათ სიტყვით გამოსვლის საშუალება არ მისცა. პოლიტიკური განცხადებების გაკეთების გამო, ირაკლი კობახიძემ მიკროფონი ყველა დეპუტატს გამოურთო.

მსახიობ გურამ ჯაშის ჯანმრთელობის მდგომარება დამაკმაყოფილებელია, თუმცა ის ამ დრომდე რეანიმაციულ განყოფილებაში რჩება.

ციანიდის საქმის მთავარი მოწმეები ილია მეორის თბილისში დაბრუნების შემდეგ საპატრიარქოში უკვე მეორე დღეა აქტიურად დადიან. ადვოკატების - ლილი გელაშვილის და ირმა ჭკადუას ვიზიტები პატრიარქთან, სავარაუდოდ, სწორედ ციანიდის საქმეს უკავშირდება.

დღეს დეკანოზი გიორგი მამალაძე ჩაფიძის კლინიკიდან ე.წ. მატროსოვის ციხეში გადაიყვანეს. 5 დღიანი მკურნალობის შემდეგ ექიმებმა ბრალდებული სასულიერო პირის ჯანმრთელობის მდგომარეობა დამაკმაყოფილებლად ჩათვალეს.

მეუფე პეტრე მამა გიორგის ცაავა ნანა კაკაბაძის მიერ გაკეთებულ განცხადებას ეხმაურება იმასთან დაკავშირებით, თითქოს ე.წ. ციანიდის საქმეზე დაკავებული დეკანოზის თავდებით გათავისუფლების მომხრე მხოლოდ ის იყო. მეუფეს განმარტებით, ეს მოსაზრება პირველად თავად პატრიარქმა გააჟღერა.

დედაქალაქის მერი საპატრიარქოში იმყოფება. დავით ნარმანია იქ ცოტა ხნის წინ მივიდა. ამ ეტაპზე უცნობია მისი საპატრიარქოში მისვლის მიზეზი. მას ჟურნალისტებთან კომენტარი არ გაუკეთებია.

Politicians assess the report of the international organization Amnesty International regarding the lack of judicial independence in Georgia

პოლიტიკოსები საერთაშორისო ორგანიზაცია Amnesty International-ის მიერ საქართველოში სასამართლოს დამოუკიდებლობის ნაკლებობის თაობაზე გამოქვეყნებულ დოკუმენტს აფასებენ.

The deputy chairman of the United National Movement`s political council Zaza Bibilashvili spoke  about the so-called secret surveillance bill and said that the bill that they have developed would put an end once and for all to this problem in Georgia.

ე.წ. ფარული მოსმენების შესახებ, ერთიანი ნაციონალური მოძრაობის პოლიტიკური საბჭოს თავმჯდომარის მოადგილე ზაზა ბიბილაშვილი ამბობს, რომ მათ მიერ შემუშავებული კანონპროექტი ერთხელ და სამუდამოდ დაუსვამდა წერტილს ამ საკითხს საქართველოში.

თბილისის პროკურატურაში თითქმის 5 საათიანი დაკითხვის შემდეგ, ჟურნალისტმა ელისო კილაძემ საგამოძიებო ორგანო დატოვა. საქმე ეხება ფარულ ჩანაწერებს, კონკრეტულად იმ დოკუმენტებს, რომელიც ქრონიკა პლიუსში ფარული ჩანაწერების საქმესთან დაკავშირებით გამოქვეყნდა.

The head of the Catholicos-Patriarch` foundation, Lasha Zhvania made comments for journalists. He has recently left the Patriarchate`s building.

საქართველოს კათოლიკოს-პატრიარქის ფონდის ხელმძღვანელმა, ლაშა ჟვანიამ ჟურნალისტებთან კომენტარი გააკეთა. მან ცოტა ხნის წინ დატოვა საპატრიარქოს შენობა. 

საქართველოს პრეზიდენტის ადმინისტრაციის უფროსი, გიორგი აბაშიშვილი აცხადებს, რომ ე.წ. მოსმენების კანონპროექტი ძალიან მგრძობიარე თემაა, რადგან საზოგადოებრივი ინტერესი ძალიან მაღალია. აქედან გამომდინარე, მისი თქმით, პრეზიდენტის ადმინისტრაციამ საპარლამენტო უმრავლესობას კონსულტაციები შესთავაზა, რაზეც დეპუტატებმა უარი განაცხადეს.

ე.წ ფარული მოსმენები - პარლამენტის სხდომაზე ეკა ბესელია აცხადებს, რომ არანაირი პრობლემა და საფრთხე სატელეკომუნიკაციო კომპანიების მუშაობას ამ კანონის ამოქმედების შემთხვევაში არ დაემუქრება.

პარლამენტის სხდომათა დარბაზში, დებატები ელექტრონული კომუნიკაციების შესახებ კანონის განხილვას მოყვა, რომელიც ე.წ. ფარული მოსმენების კანონპროექტთა პაკეტის ერთერთი შემადგენელი ნაწილია.