Новости за 15.02.2017

თეოლოგი ლევან აბაშიძე გადაცემა არჩევანის პირდაპირ ეთერში აცხადებს, რომ მას არ გაუკვირდება, თუკი საქართველოს საპატრიარქოში რუსეთის ხელია ჩარეული.

საქართველოს რესპუბლიკური პარტიის თავმჯდომარე, ხათუნა სამნიძე ამბობს, რომ ყველა ხელისუფლების პირობებში ეკლესიას პირდაპირი დაფინანსება აქვს ყოველგვარი მიზნობრიობის გარეშე, რაც გაუმჭვირვალე სიტუაციას ქმნის.

დედა სიდონია მის მიმართ გავრცელებულ და პირად ნომერზე მიწერილ მუქარებზე საუბრობს. მისი განცხადებით, გუშინ რუსთავი 2-ის ეთერში, კონკრეტულად კი გადაცემა არჩევანში გაკეთებული განცხადებების შემდეგ, ერთ-ერთი ვებ გვერდის საშუალებით გავრცელდა მუქარის შემცველი განცხადება.  

საქართველოს კათოლიკოს-პატრიარქის ფონდის ხელმძღვანელი, ლაშა ჟვანია რუსთავი 2-ს, კერძოდ კი გადაცემა არჩევანს ეკლესიის შიგნით არსებულ პრობლემებზე არასწორი და გადაუმოწმებელი ინფორმაციის ტირაჟირებაში ადანაშაულებს. ის აცხადებს, რომ საპატრიარქოს საკითხებზე საუბრის დეფიციტი არ არსებობს.

ტაბულას რელიგიის მიმომხილველი ლევან სუთიძე პროკურატურას აკრიტიკებს და აცხადებს, რომ ე.წ. ციანიდის საქმეში პროკურატურის მიერ გავრცელებულ ინფორმაცია "აბსოლუტურად დაუჯრებელია".  

პატრიარქი ორშაბათს საქართველოში დაბრუნდება. ამის შესახებ ინფორმაცია ცოტა ხნის წინ საქართველოს კათოლიკოს პატრიარქის ფონდის ხელმძღვანელმა ლაშა ჟვანიამ გადაცემა არჩევანის პირდაპირ ეთერში გაახმაურა. 

მოძრაობა თავისუფლებისთვის - ევროპული საქართველოს წევრი, სერგი კაპანაძე აღნიშნავს, რომ პროკურატურის ბრიფინგის შემდეგ, რომელზეც მამა გიორგი მამალაძის დაკავების შესახებ განაცხადეს, საზოგადოებაში გაჩნდა აზრი, რომ იყო პატრიარქის მკვლელობის მცდელობა. ის ფიქრობს, რომ ამ აზრის ჩამოყალიბების მთავარი დამნაშავეები სწორედ ხელისუფლების წარმომადგენლები არიან.

„კონკრეტული ინფორმაცია მქონდა ერთი თვის წინ პატრიარქის ქორეპისკოპოსის შესაძლო ლიკვიდაციის თემაზე,“ - ეს განცხადება საზოგადოებრივი კომუნიკაციების კვლევისა და განვითარების ცენტრის დირექოტორმა არჩილ გამზარდიამ გადაცემა არჩევანის პირდაპირ ეთერში გააკეთა.

თავისუფალი დემოკრატების წევრი ლევან სამუშია ხელისუფლებას ინფორმაციის დამალვის გამო აკრიტიკებს. მისი თქმით, პროკურატურის მიერ მამა გიორგი მამალაძის დაცვის მხარისთვის გაუცემლობის ხელწერილის ჩამორთმევით, მხარე ინფორმაციის გავრცელებაში შეიზღუდა.

ნაციონალური მოძრაობის პოლიტიკური საბჭოს წევრი ნინო კალანდაძე აცხადებს, რომ საქართველოს ხელისუფლება და პროკურატურა, ე.წ. ციანიდის თემის გამჟღავნებას და მასზე საუბარს არ აპირებდა. განცხადება ამის შესახებ კალანდაძემ გადაცემა არჩევანში გააკეთა. 

მამა ანდრია, რომელიც გადაცემა არჩევანის პირდაპირ ეთერში სატელეფონო ზარით, საკუთარი სურვილით ჩაერთო, მიიჩნევს, რომ მამა შალვამ პირდაპირ ეთერში მეუფე პეტრეს ცილი დასწამა. მამა შალვამ მეუფე პეტრე ეკლესიის დისკრედიტაციაში დაადანაშაულა.

„ქალაქში მკვლელია, სრული ამ სიტყვის მნიშვნელობით, ოღონდ ჩვენ არ ვიცით ვინ არის,“ - ასე აფასებს პუბლიცისტი თაკო ჩარკვიანი საპატრიარქოში განვითარებულ მოვლენებს.

ეკლესია ყველაფრისგან თავისუფალია, ეკლესია თვითონ თავისუფლებაა - ეს განცხადება მამა შალვა კეკელიძემ საპატრიარქოს ირგვლივ, ბოლო დროს განვითარებული მოვლენების შესახებ, გადაცემა არჩევანში გააკეთა.

საქართველოს რესპუბლიკური პარტიის თავმჯდომარე, ხათუნა სამნიძე აცხადებს, რომ დღეს საქართველოს ეკლესია არის „ღრმა სისტემური კრიზისის წინაშე“ და ეს 90-იანი წლებიდან მოყოლებული არსებულმა პრაქტიკამ გამოიწვია.

მამა თეოდორე გიგნაძე საპატრიარქოს ირგვლივ განვითარებულ მოვლენებზე და მამა გიორგი მამალაძის დაკავების ფაქტზე აღნიშნავს, რომ ეკლესიის ადმინისტრაციულ მმართველობაზე წვდომა არ აქვს და შესაბამისად, ამ ფაქტების შესახებ ტელევიზიის საშუალებით შეიტყო.

უკვე მეორედ ლევან ლობჟანიძის წინააღმდეგ ადიგენის საკრებულოს წევრებმა იმპიჩმენტის პროცედურა დააყენეს. შედეგი არც ამჯერად დადგა, რადგან საკმარისი მხარდამჭერები ვერ მოაგროვეს, ადიგენის საკრებულოს თავმჯდომარის გადაყენებას 1 ხმა დააკლდა.

ახალი ეპიზოდი ცენტრ პოინტის საქმეში - ახალი ბრალდება მაია რჩეულიშვილს ციხის საავადმყოფოში შუადღისას გააცნეს. პროკურატურის მასალებით, საქმე ეხება ჯგუფური თაღლითობას და გასული ორი წლის განმავლობაში მენაშენეებისგან მიღებული 258 ათას 092 ლარიდან, საჯარო რეესტრში მხოლოდ 21 ათას 915 ლარი გადარიცხვას.

გივი თარგამაძის ავტომობილის აფეთქების საქმე - ევროპული საქართველოს ერთ-ერთმა ლიდერმა ღიად ყოფილი პრემიერმინისტრი მას შემდეგ დაადანაშაულა, რაც საქალაქო სასამართლომ მისი საქმის ერთ-ერთი ბრალდებული გაათავისუფლა.

რესპუბლიკური პარტია ბიუჯეტიდან ეკლესიის დაფინანსების არსებული წესის გაუქმებას მოითხოვს. პარტიაში აცხადებენ, რომ ბოლო პერიოდის განმავლობაში ხელისუფლებისა და საპატრიარქოს კავშირები არაჯანსაღ ფორმას იძენს და სულ უფრო ბუნდოვანია, რა მიზნით გადაეცემა მილიონობით ლარი თუ ქონება ეკლესიას.

ქორეპისკოპოსი თეოდორე მისი და კიდევ რამდენიმე მაღალი იერარქიის სასულიერო პირის მისამართით გაკეთებულ ბრალდებებზე კომენტარს არ აკეთებს. ქორეპისკოპოსი თეოდორე, რომელსაც ჭყონდიდელის ეპარქიის მიტროპოლიტმა პეტრე ცაავამ გადაცემა არჩევანში ბრალი ფინანსურ მაქინაციებში დასდო, პატრიარქთან ერთად ბერლინში იმყოფება.

ე.წ. ციანიდის საქმე - ბრალდებული დეკანოზი ოჯახის უსაფრთხოების დაცვას ითხოვს. მის ადვოკატს დამატებითი ინფორმაცია არ აქვს, თუმცა გიორგი ფანცულაია ირწმუნება, რომ გიორგი მამალაძეს აქვს საფუძვლიანი ეჭვი, რომ შესაძლოა მის ოჯახს საფრთხე ემუქრებოდეს.

აჭარაში საქართველოს პრეზიდენტმა კამპანია მოითხოვე ქართული განაახლა. ქვეყნის პირველმა პირმა ხელვაჩაურში ორი საწარმო მოინახულა. გიორგი მარგველაშვილმა ავეჯის დამზადების პროცესში თავად მიიღო მონაწილეობა.

მიწის ნაკვეთი, რომლიც რუსთავი 2-ის საქმის მოსამართლის ოჯახს, სავარაუდო კორუფციული გარიგების სანაცვლოდ გადაეცა, დღეს უკვე ზვიად ჩოხელის სახელზეა. სანდრო ეულის 5 ნომერში მდებარე ნაკვეთი ნაზღაიძეებმა ჩოხელს ისე გადაუფორმეს, რომ შესაძლო კორუფციული სქემის არსებობით პროკურატურას გამოძიებაც კი არ დაუწყია.

რუსთავი 2-ის მხარდასაჭერად კვირას, ძველი პარლამენტის შენობის წინ, 14:30-ზე, საპარლამენტო და არასაპარლამენტო ოპოზიციის წარმომადგენლები შეიკრიბებიან. მიუხედავად იმისა, რომ აქცია აპოლიტიკური იქნება და მასზე პოლიტიკოსები სიტყვით არ გამოვლენ, ოპოზიციის წევრები მზად არიან მოქალაქეობრივი ვალის შესასრულებლად და რუსთავი 2-ის მხარდაჭერით, თავისუფალი სიტყვა დაიცვან.

სხვადასხვა პოლიტიკური პარტიის წარმომადგენლების აზრით, ნიკა გვარამიას მიმართ საგამოძიებო მოქმედებების განახლება და რუსთავი 2-ის საქმეზე გადაწყვეტილების მოლოდინი დროში შემთხვევით არ დაემთხვა.