Новости за 14.02.2017

მამა გიორგი მამალაძის ადვოკატი, მია ზოიძე, აცხადებს, რომ წერილი, რომელიც რუსთავი2-ის ეთერით გუშინ გავრცელდა, შინაარსობრივი ფორმით  ნამდვილად ემთხვევა იმ წერილებს, რომლებითაც მამა გიორგიმ არაერთხელ მიმართა სინოდს და პატრიარქს, რაც 2015 წლის დეკემბრიდან ხდებოდა.

Giorgi Mamladze`s lawyer, Giorgi Pantsulaia does not reveal in the interests of the investigation the name of the personwho according to Rustavi2 source was the person who gave video recordings to the prosecutor`s office,

მამა გიორგი მამალაძის ადვოკატი გიორგი ფანცულაია რუსთავი2-ის წყაროს მიერ დასახელებული პიროვნების ვინაობას, რომელმაც მამა გიორგი მამალაძის ფარული ვიდეო ჩანაწერი პროკურატურას გადასცა, გამოძიების ინტერესებიდან გამომდინარე არ ასახელებს.

მამა გიორგი მამალაძის ადვოკატი, გიორგი ფანცულაია, აცხადებს, რომ მამა გიორგის მიმართ ბოლო დღეების განმავლობაში არაერთხელ დაირღვა უდანაშაულობის პრეზუმცია. ის აღნიშნავს, რომ გაუთქმელობის ხელწერილს მათ მხოლოდ იმიტომ მოაწერეს ხელი, რომ იმედი ჰქონდათ, რომ ამ ხელწერილით გათვალისწინებულ ვალდებულებებს პროკურატურაც გაითვალისწინებდა.

დედა სიდონია მამა გიორგი მამალაძეს ძალიან დადებით ადამიანად ახასიათებს. ის აღნიშნავს, რომ მისთვის ძალიან მძიმეა ის რეალობა, რომელშიც მამა გიორგი ახლა არასასურველ გარემოებაშია, რომელიც „სავარაუდოდ, არ დაუმსახურებია“.

დედა სიდონია ხელისუფლების წარმომადგენლებს მამა გიორგის დამნაშავედ გამოცხადების გამო აკრიტიკებს.

დედა სიდონია მეუფე პეტრეს განცხადებით გაკვირვებულია. მისი თქმით, შესაძლოა, ბევრი სასულიერო პირის დიდი მოლოდინია, რომ ეკლესიამ ასეთ პრობლემებზე საუბარი გახსნილად დაიწყო.

ჭყონდიდის ეპარქიის მიტროპოლიტი, მეუფე პეტრე ხელისუფლებას მამა გიორგი მამალაძის თავდებით გამოშვების რჩევით მიმართავს.

ჭყონდიდის ეპარქიის მიტროპოლიტი, მეუფე პეტრე აცხადებს, რომ შორენა თეთრუაშვილს არაერთხელ გაუვრცელებია ინფორმაცია, თითქოს პატრიარქის მოწამვლას გეგმავდნენ სასულიერო თუ სახელისუფლებო ძალის წარმომადგენლები.

ჭყონდიდის მიტროპოლიტი, მეუფე პეტრე ფიქრობს, რომ შორენა თეთრუაშვილს ზურგს რუსეთი უმაგრებს, რადგან ის დასაყრდენი ძალაა საქართველოს მართლმადიდებელ ეკლესიაში.

ჭყონდიდის მიტროპოლიტი, მეუფე პეტრე ამბობს, რომ ხელისუფლების გარკვეული ჯგუფი შორენა თეთრუაშვილის ინტრიგაში, ნებსით თუ უნებლიედ, ჩართულია.

ჭყონდიდის ეპარქიის მიტროპოლიტი მეუფე პეტრე შორენა თეთრუაშვილს აკრიტიკებს. მისი თქმით, სულხან მოლაშვილის კუთვნილი სახლი მისი დაკავებიდან მალევე ჩამოერთვა მის ოჯახს და ეს შენობა გადაეცა საქართველოს საპატრიარქოს ეკონომიკის სამინისტროდან. ამის შესახებ კი პატრიარქმა არაფერი იცოდა. 

„საქართველოში ქალბატონი, რომელიც არ არის ბიზნესმენი და არ არის ბიზნესმენის მეუღლე და არის ყველაზე დიდი უძრავი ქონების მქონე და ყველაზე მდიდარი,“ - ჭყონდიდის მიტროპოლიტი მეუფე პეტრე შორენა თეთრუაშვილის ქონებაზე საუბრობს.

ჭყონდიდის ეპარქიის მიტროპოლიტი მეუფე პეტრე აცხადებს, რომ მამა გიორგი მამალაძის სურვილი, რომ სინოდის წევრებისთვის საპატრიარქოში არსებული პრობლემები გაეცნო, მისთვის ცნობილი იყო.

საქართველოს კათოლიკოს-პატრიარქის მდივანი, მამა მიქაელ ბოტკოველი, გამორიცხავს, რომ მამა გიორგი მამალაძის წერილში ნახსენები კომპანიებიდან საპატრიარქო რაიმე შემოსავალს ღებულობდა.

საქართველოს კათოლიკოს-პატრიარქის მდივანი, მამა მიქაელ ბოტკოველი მამა გიორგი მამალაძე მამა გიორგი მამამლაძის წერილზე აცხადებს, რომ მას შეეძლო შეხვედრა უწმინდესთან.

საქართველოს კათოლიკოს-პატრიარქის მდივანი, მამა მიქაელ ბოტკოველი, მამა გიორგი მამალაძის საქმესთან დაკავშირებით საგამოძიებო უწყებებს საპატრიარქოსთვის მეტი ინფორმაციის მიწვდისკენ მოუწოდებს.

დროებითი საგამოძიებო კომისიის შექმნა შესაძლოა საპარლამენტო უმცირესობამაც შეძლოს. კონსტიტუციაში შესაბამისი ცვლილებების განხორციელებით საკონსტიტუციო კომისიას სამართლის სპეციალისტმა ვახუშტი მენაბდემ მიმართა.

მოძრაობა თავისუფლებისთვის - ევროპული საქართველოს ერთ-ერთი ლიდერი, გივი თარგამაძე, მის საქმეზე სასამართლოს გადაწყვეტილებაში ხელისუფლების ინტერესებს ხედავს. საქალაქო სასამართლოს გადაწყვეტილებით, გივი თარგამაძის ავტომობილის აფეთქების საქმეში ერთ-ერთი მთავარი ფიგურანტი თავისუფალია.

კორცხელის ინციდენტში მონაწილე სპორტსმენები ჭიდაობის ეროვნულ ფედერაციაში - დღეს ცნობილი გახდა, რომ გიორგი იანტბელიძე, ჭიდაობის ეროვნულ ფედერაციაში მთავარ მწვრთნელად აირჩიეს. ის ერთ-ერთი იყო იმ სპორტსმენთაგან, ვინც სოფელ კორცხელში მოწყობილ დარბევაში იღებდა მონაწილეობას. 

ოპერაციის მეორე დღეს საქართველოს კათოლიკოს პატრიარქი ილია მეორე ინტენსიური თერაპიის განყოფილებიდან, პალატაში გადაიყვანეს.

მაღალი სასულიერო იერარქიის პირის მოწამვლის მცდელობის საქმეზე ბრალდებული, დეკანოზი გიორგი მამალაძის პოზიცია დღეს მისმა ადვოკატმა გაასაჯაროვა და სკანდალური წერილის შინაარსის ნამდვილობა დაადასტურა. გიორგი ფანცულაია ამბობს, რომ დეკანოზმა ფინანსური დარღვევების შესახებ წერილი სინოდს რამდენჯერმე გაუგზავნა და გამოძიებაც მოითხოვა, თუმცა საკითხი სინოდმა დაბლოკა.

დაკავებული დეკანოზი გიორგი მამალაძე - ბრალდებულის ადვოკატები საგამოძიებო უწყებისგან პასუხს ელოდებიან. დეკანოზ გიორგი მამალაძის ინტერესების დამცველები პროკურატურისგან გაუთქმელობის პირობის გაუქმებას მოითხოვენ.

საპარლამენტო უმრავლესობის წევრები პროკურატურის რეაგირებას რუსთავი 2-ის გენერალური დირექტორის, ნიკა გვარამიას მიერ საქალაქო სასამართლოს ყოფილი თავმჯდომარის მამუკა ახვლედიანისთვის სავარაუდო ქრთამის შეთავაზების ფაქტზე ელოდებიან.

ნიკა გვარამიას მოთხოვნაზე საპასუხოდ, შინაგან საქმეთა სამინისტროს 5 საათი დასჭირდა. მღებრიშვილის უწყება რუსთავი 2-ის გენერალური დირექტორის დასაკითხად უფლებას სასამართლოს სთხოვს, მოწმეთა დაკითხვის ახალი წესის შესაბამისად, ნიკა გვარამია გამომძიებლის შეკითხვებს მოსამართლის თანდასწრებთ უპასუხებს.