Новости за 03.02.2017

ფოთის თეატრის დასი პრემიერისთვის ემზადება, თუმცა მსახიობებს რეპეტიციების გავლა რთულ პირობებში უწევთ. 3 წლის წინ აშენებული ნაგებობა ისევ სარეაბილიტაციოა.

სახელმწიფოს მეთაური საკონსტიტუციო კომისიის მიერ მომზადებული ცვლილებების საჯარო განხილვებში მიიღებს მონაწილეობას. პრეზიდენტთან ერთად ფართომასშტაბიანი განხილვის პროცესში ჩართვას სპეციალისტებიც გეგმავენ და ცვლილებების საჯარო სივრცესა და აკადემიურ წრეებში ინტენსიური განხილვის აუცილებლობაზე საუბრობენ.

ხვალიდან ბავშვთა სამყაროს ირგვლივ დამცავი ჯებირი აიგება, დამწვარი შენობის წინ კი მოვაჭრეები მორიგეობას გააგრძელებენ. დღეს დაზარალებულებმა თამარ მეფის გამზირი გადაკეტეს, რის შემდეგადაც პოლიციამ რამდენიმე მათგანი დააკავა.

მესამე სექტორს ხელისუფლებასთან კითხვები საგარეო პოლიტიკის პრიორიტეტებთან დაკავშიერებით აქვს. ვიზალიბერალიზაციის შემდეგი ეტაპი უკვე საქართველოს განაცხადი უნდა იყოს ევროკავშირში გაწევრიანებაზე. მიმართვას, რომელიც ხელისუფლებას ევროინტეგრაციის პროცესების გააქტიურებისკენ მოუწოდებს, 23 ორგანიზაცია აწერს ხელს.

პრეზიდენტის პოლიტიკურმა მდივანმა ის წერილები გაასაჯაროვა, რომელიც ვეტოს დადებამდე სხვადსხვა უწყებებში გაიგზავნა. კონსულტაციების გამართვის ინიციატივით, ქვეყნის პირველი პირის ადმინისტრაციამ მათ არაერთხელ მიმართა. პრეზიდენტი მზადაა, მოტივირებულ შენიშვნები მმართველ გუნდს პირადად გააცნოს, თუმცა საპარლამენტო უმრავლესობამ მარგველაშვილის მიწვევა არ მიიღო.

საზოგადოებრივ მაუწყებელზე შესაძლოა რამდენიმე გადაცემა დაიხუროს. გადაცემა რეალური სივრცე უახლოეს მომავალში შესაძლოა, ეთერში აღარ გავიდეს. ავტორი და წამყვანი არხის ხელმძღვანელის მოსალოდნელი გადაწყვეტილების შესახებ დღევანდელ გადაცემაში ისაუბრებს. რეალური სივრცის დახურვის შემთხვევაში ნინო ზაუტაშვილი მიზეზების შესახებ განმარტებებს ვასილ მაღლაფერიძისგან ელოდება.

პრეზიდენტი მოსამართლეებზე შესაძლო ზეწოლის ფაქტებსა და რუსთავი 2-ის საქმესთან დაკავშირებულ კითხვებზე პასუხის გაცემას ითხოვს. რუსთავი 2-ის გენერალური დირექტორის მოწოდებას, სამაუწყებლო კომპანიის საქმის დეტალებით და პროკურატურაში მიმდინარე გამოძიებით გიორგი მარგველაშვილის დაინტერესებასთან დაკავშირებით, ფიქრია ჩიხრაძემ უპასუხა.

პრეზიდენტის მრჩეველი პოლიტიკურ საკითხებში ფიქრია ჩიხრაძე ე.წ. მოსამართლეების საქმის მონიტორინგთან დაკავშირებით აცხადებს, რომ პრეზიდენტი აქტიურ მონაწილეობას მიიღებს განხილვაში.

პოლიტიკურ საკითხებში პრეზიდენტის მრჩევლის ფიქრია ჩიხრაძის თქმით, გიორგი მარგველაშვილი იზიარებს იმ მოსაზრებას, რომ საზოგადოებრივ მაუწყებელში მოსახლეობის ინტერესიც უნდა გაითვალისწინონ.

გაზეთ ქრონიკა პლუსის მთავარი რედაქტორი ელისო კილაძე აცხადებს, რომ ალავიძე და ქათამაძე იყვნენ სწორედ ის მოსამართლეები, რომლებმაც არ მოინდომეს ყოფილიყვნენ „ურთმელიძე 2“. 

The Executive Director of the Georgian Journalists Ethics Charter, spoke about ongoing processes in the Public Broadcaster. Nata Dzvelishvili said that the changes in the channel are needed, but it is important that the program Ral space remains in in the net of a public broadcaster.

საზოგადოებრივ მაუწყებელში მიმდინარე პროცესებზე კურიერის პირდაპირ ეთერში საქართველოს ჟურნალისტური ეთიკის ქარტიის აღმასრულებელი დირექტორმა ისაუბრა. ნატა ძველიშვილის განცხადებით, არხზე ცვლილებები საჭიროა, თუმცა მნიშნველოვანია, რომ გადაცემა რეალური სივრცე საზოგადოებრივ მაუწყებელზე იყოს.

საზოგადოებრივი მაუწყებელი დიდი ცვლილებების მოლოდინშია. მედია სივრცეში განხორციელებული შერწყმებისა და ახალი დირექტორის არჩევის შემდეგ, ვრცელდება ინფორმაცია გადაცემების მოსალოდენელი დახურვისა და მასობრივი გათავისუფლებების შესახებ. კონკრეტული ინფორმაცია ახალი მენეჯმენტის გეგმების შესახებ ცნობილი ორშაბათს სამეურვეო საბჭოსთან შეხვედრაზე უნდა გამხდარიყო, თუმცა ცოტა ხნის წინ ბორდის წევრებს შეატყობინეს, რომ შეხვედრა აღარ გაიმართება.

პარტია თავისუფალი საქართველოს თავმჯდომარის კახა კუკავას თქმით, ხელისუფლებამ ვაიბერ სქრინშოტების სცენარი დადგა, რადგან იცოდნენ, რომ საზოგადოება ამ ფაქტის შესახებ ადრე თუ გვიან გაიგებდა. 

საქართველოს ახალგაზრდა იურისტთა ასოციაციის თავმჯდომარე ანა ნაცვლიშვილი უზენაესი სასამართლოს მოსამართლეებზე, ბესარიონ ალავიძესა და პაატა ქათამაძეზე შესაძლო ზეწოლის განხორციელების ფაქტზე საუბრობს.

თავისუფალი დემოკრატების ერთ-ერთი ლიდერი ნინო გოგუაძე რუსთავი 2-ის საქმის გარშემო დღეს განვითარებულ მოვლენებს ეხმაურება. გოგუაძის თქმით, რუსთავი 2-ის საქმე განსაკუთრებით ცინიკურია, რადგან დემოკრატიული ქვეყნის ღირებულებები ერთმანეთს დაუპირისპირეს. ის აცხადებს, რომ რუსთავი 2-თან დაკავშირებით მიმდინარე პროცესი პოლიტიკური საკითხია და ქართულმა ოცნებამ სასამართლო დაიმორჩილა.

„მოსამართლეების წინააღმდეგ სუს-მა განახორციელა შანტაჟის ოპერაციები, რომლის მეშვეობით ცდილობენ, რომ მიიღონ სასურველი გადაწყვეტილება და ფორმალურად სასამართლოს გადაწყვეტილებით ხელში ჩაიგდონ რუსთავი 2,“-ასე შეაფასა ე. წ. მოსამართლეების საქმის ირგვლივ მიმდინარე პროცესები გიორგი გუგავამ კურიერის პირდაპირ ეთერში.

საქართველოს რესპუბლიკური პარტიის პოლიტიკური მდივანი თამარ კორძაია უზენაესი სასამართლოს მოსამართლეებზე, ბესარიონ ალავიძესა და პაატა ქათამაძეზე შესაძლო ზეწოლის განხორციელების ფაქტზე საუბრობს.

„რუსთავი 2-ზე თავდასხმა დღეს არ დაწყებულა, დღევანდელი ინფორმაცია არის მორიგი შეტევა, რომ ხელისუფლებამ ხელში ჩაიგდოს რუსთავი 2,“- ეს განცადება ელენე ხოშტარიამ რუსთავი 2-ის საქმესთან დაკავშირებით გააკეთა.

პარლამენტის თავმჯდომარის მოადგილე ზვიად ძიძიგური აცხადებს, რომ ე.წ. მოსამართლეების საქმეზე გამოძიების დასრულებას ელოდება. მისი თქმით, პროკურატურა თავისი რეგულაციების მიხედვით მოქმედებს და მხოლოდ იმას გაასაჯაროებს, რაც ზიანს არ მიაყენებს გამოძიების ინტერესებს.

ერთიანი ნაციონალური მოძრაობის პოლიტიკური საბჭოს თავმჯდომარის მოადგილე ზაზა ბიბილაშვილი რუსთავი 2-ის საქმესა და უზენაესი სასამართლოს მოსამართლეებზე, ბესარიონ ალავიძესა და პაატა ქათამაძეზე შესაძლო ზეწოლის განხორციელების ფაქტზე საუბრობს. 

Vice Speaker of Parliament Zviad Dzidziguri criticized the statement of Rustavi 2 director general in which he blamed the Chairperson of the Supreme Court in lack of collegiality

პარლამენტის თავმჯდომარის მოადგილე ზვიად ძიძიგური ტელეკომპანია რუსთავი 2-ის გენერალური დირექტორის განცხადებას აკრიტიკებს, სადაც ნიკა გვარამიამ უზენაესი სასამართლოს თავმჯდომარე არაკოლეგიალობაში დაადანაშაულა.

უკრაინის გენერალური პროკურორის ყოფილი მოადგილე დავით საყვარელიძე იმ მიმოწერაზე საუბრობს, რომელიც ერთ-ერთმა სააგენტომ გაავრცელა, სადაც თითქოსდა მიხეილ სააკაშვილი და დავით საყვარელიძე ესაუბარებიან ერთმანეთს. მისი თქმით გავრცელებული ვაიბერ მიმოწერა, რომელზეც მმართველი გუნდი აპელირებს, ფაბრიკაციაა და ეს რუსთავი 2-ის წინააღმდეგ დაწყებული ახალი კამპანიაა.

იუსტიციის მინისტრი თეა წულუკიანი უზენაესი სასამართლოს მოსამართლეებზე, ბესარიონ ალავიძესა და პაატა ქათამაძეზე შესაძლო ზეწოლის განხორციელების ფაქტს ეხმაურება. თეა წულუკიანი ამ საქმესთან მიმართებაში სასამართლოს თავმჯდომარის, ნინო გვენეტაძის გადაწყვეტილებაზე საუბრობს და აცხადებს, რომ მან დროული და სწორი რეაგირება მოახდინა.