Новости за 04.10.2016

„დავანახოთ მიშას, რომ მის პარტიას ძლიერი მხარდაჭერა აქვს და შეუძლია მას, ღირსეულად დაბრუნდეს საქართველოში,“ - ასე მიმართა მხარდამჭერებს ნაციონალური მოძრაობის მაჟორიტარობის კანდიდატმა, სანდრა რულოვსმა.

ნაციონალური მოძრაობის ერთ-ერთი ლიდერი, დავით ბაქრაძე, დეპუტატ გივი თარგამაძის მანქანის აფეთქების ფაქტს ხელისუფლების რეჟიმის შედეგად აფასებს და აცხადებს, რომ ქართული საზოგადოება 8 ოქტომბერს ქართულ ოცნებას „სახლში გაუშვებს“.

ჯანდაცვის სამინისტროს ინფორმაციით,  დაშავებულთაგან 2 მკურნალობას ინგოროყვას კლინიკაში გადის. დაშავებულები ცოტა ხნის წინ მინისტრმა დავით სერგეენკომ მოინახულა.

დეპუტატ გივი თარგამაძის მანქანის აფეთქების ფაქტს ნაციონალური მოძრაობის ერთ-ერთი ლიდერი, გიგა ბოკერია, ტერორისტულ აქტად აფასებს.

შს მინისტრის პირველი მოადგილის, ბესიკ ამირანაშვილის, განცხადებით, უწყებამ გამოძიება სსკ-ის 109-ე მუხლით დაიწყო, რაც გულისხმობს განზრახ მკვლელობას დამამძიმებელ გარემოებებში.

კოლმეურნეობის მოედანზე დეპუტატ გივი თარგამაძის მანქანის აფეთქებისას დაშავებულების რიცხვი, გავრცელებული ინფორმაციით, 5-მდე გაიზარდა.

"არ ვიცი, რატომ შეარჩიეს ეს ადგილი, ნაძირლობაა," - ეს განცხადება რამდენიმე წუთის წინ გივი თარგამაძემ გააკეთა. დეპუტატი ამბობს, რომ ადგილი, სადაც აფეთქება მოხდა, ხალხმრავალია და დაზიანებები რამდენიმე ადმიანმა მიიღო, მათ შორის მძიმე. 

ცოტა ხნის წინ დეპუტატ გივი თარგამაძის ავტომობილი ააფეთქეს. ცნობილია, რომ დაშავებულია რამდენიმე ადამიანი. გიგა ბოკერია არ გამორიცხავს, რომ აფეთქების უკან სახელმწიფო უსაფრთხოების სამსახური იდგეს. 

„ეს არ არის ნორმალური ქვეყანა და ეს არ არის ნორმალური ვითარება, ეს არ არის ნორმალური არჩევნები,“ - ასე შეაფასა ნაციონალური მოძრაობის წევრმა, გოკა გაბაშვილმა, კოლმეურნეობის მოედანზე დეპუტატ გივი თარგამაძის მანქანის აფეთქების ფაქტი.

აფეთქების შედეგად დაშავებული ერთ-ერთი მოქალაქე ინგოროყვას კლინიკაშია გადაყვანილი. როგორც კლინიკაში აცხადებენ, მისი მდგომარეობა უკიდურესად მძიმეა. კლინიკაში რუსთავი2-თან საუბრის დროს აღნიშნეს, რომ დაშავებულის გადარჩენას ამ წუთებში ექიმები ცდილობენ.

გივი თარგამაძე ამბობს, რომ აფეთქება დისტანციური მართვის პულით მოხდა.

შეგახსენებთ, რომ ცოტა ხნის წინ დეპუტატ გივი თარგამაძის მანქანა ააფეთქეს. აფეთქების შედეგად მნიშვნელოვნად დაზიანებულია ავტომობილის უკანა მხარე, თავად დეპუტატს და მის მძღოლს დაზიანებები არ აქვთ მიღებული.

შემთხვევის შედეგად დაშავდა რამდენიმე ადამიანი რომლებიც მძიმე მდგომარეობაში იმყოფებიან. 

ეროვნულ-დემოკრატიული ინსტიტუტის საერთაშორისო სადამკვირვებლო მისიამ წინასაარჩევნოდ პოლიტ სუბიექტებთან შეხვედრები უკვე დაიწყო. NDI-ის ექსპერტები დეტალურად სწავლობენ იმ გარემოებებს, რომლებმაც შესაძლოა გავლენა საარჩევნო პროცესზე მოახდინოს. სადამკვირვებლო მისია თბილისის გარდა რეგიონებშიც იმუშავებს .პირველად დასკვნას კი საერთაშორისო ორგანიზაცია არჩევნებიდან მეორე დღეს გამოაქვეყნებს.

Givi Targamadze most likely received a contusion as a result of explosion,

აფეთქების შედეგად გივი თარგამაძემ, სავარაუდოდ, კონტუზია მიიღო. 

ამის შესახებ განცხადება ნუგზარ წიკლაურმა რუსთავი2-თან საუბრისას გააკეთა. მისივე ინფორმაციით, დაშავებულია თარგამაძის მძღოლი და ორი გამვლელი, რომელთა მდგომარეობა უმძიმესია.

შემთხვევის ადგილზე საპატრულო და კრიმინალური პოლიციაა მობილიზებული.    

დეპუტატ გივი თარგამაძის მანქანა ააფეთქეს. შემთხვევის ადგილზე გადაღებულ პირველ კადრებს დეპუტატი ირმა ნადირაშვილი სოციალურ ქსელში ავრცელებს. 

უკანონოდ გავრცელებული ჩანაწერების საფუძველზე ქართული ოცნება ტელეკომპანია რუსთავი2-ის გენერალურ დირექტორს ქრთამის გადაცემაში ადანაშაულებს და სამართალდამცველებს ნიკა გვარამიასა და მამუკა ახვლედიანის საუბრის შესწავლისკენ მოუწოდებს.

გაზეთ ქრონიკა+-ის რედაქტორი, ელისო კილაძე, ირწმუნება, რომ უსაფრთხოების სამსახური რუსთავი2-ის ტერიტორიაზე სპეცოპერაციის ჩატარებას იგეგმება. სპეცოპერაციის მთავარი მიზანი კი არჩევნების წინ სამაუწყებლო კომპანიის დისკრედიტაციაა.

The car of MP Givi Targamadze was blown up at the UNM office in Kolmeurne square.
The National Movement member , Irma Nadirashvili confirmed the information to Rustavi 2.
According to preliminary information, one person was injured.

კოლმეურნეობის მოედანზე, ნაციონალური მოძრაობის ოფისთან, დეპუტატ გივი თარგამაძის მანქანა ააფეთქეს. 

2017 წლის ბიუჯეტში 4%-იანი ეკონომიკური ზრდის პროგნოზი ერთ-ერთი მთავარი მიზეზია, რის გამოც უმცირესობა ხელისუფლებას წინასაარჩევნო დანაპირების შეუსრულებლობაში ადანაშაულებს.

ლარის გამყარების პერიოდი დასრულდა. ეროვნულმა ვალუტამ გაუფასურების პროცესი კვლავ დაიწყო. უკვე რამდენიმე დღეა, ეროვნული ბანკი რეზერვებიდან მილიონობით ლარს ხარჯავს, თუმცა ვალუტის კურსი შესამჩნევად ეცემა. 

თბილისის ქუჩებში გაძლიერებული კონტროლი დღეიდან უკვე თანამედროვე ტექნოლოგიებით მოხდება. 2000-მდე ადგილზე უკვე დამონტაჟებულია კამერები და ინფორმაცია დარღვევების შესახებ ონლაინ რეჟიმში, შინაგან საქმეთა სამინისტროს ერთობლივი ოპერაციების ცენტრი შედის. უწყების განმარტებით, 50-მდე თანამშრომელი 24 საათიან რეჟიმში აკონტროლებს ყველა იმ წერტილს, სადაც კამერაა დამონტაჟებული. დანაშაულის შემთხვევაში, მასში მონაწილე პირების იდენტიფიცირება სრული სიზუსტით უნდა მოხდეს.

სოფელ ტბეთის მოსახლეობამ მკვლელობაში ბრალდებულების სახლი გადაწვა. სოფელში მომხდარი სასტიკ მკვლელობაზე ღიად არავინ საუბრობს, თუმცა როგორც ცნობილია 20 -მდე სასიკვდილო ჭრილობა მკვლელობის მოტივზე გარდაცვლილის ოჯახის ახლობლები არ საუბრობენ. გავრცელებული ინფორმაციით განსაკუთრებული სისასტიკით ჩადენილი მკვლელობის მიზეზი ეჭვიანობა იყო. ნაცემია გარდაცვლილის ცოლიც.

ინფორმაცია იმის შესახებ რომ 8 ოქტომბერს შესაძლოა სამხედროებს არჩევანის გაკეთების საშუალება არ მიეცეს თავისუფალმა დემოკრატებმა დღის პირველ ნახევარში გაავრცელეს. ყოფილმა თავდაცვის მინისტრმა ირაკლი ალასანიამ მოგვიანებით განმარტა, რომ განცხადება პრევენციის მიზნით გააკეთა. ალასანია მთავრობას ჯარის პოლიტიკისგან გამიჯვნას კატეგორიულად მოუწოდებს.

10 შეკითხვაზე პასუხს კულტურული და ბუნებრივი მემკვიდრეობის დამცველი არასამთავრობო ორგანიზაციები პოლიტიკური პარტიებისგან ელოდებიან. არჩევნებში მონაწილე სუბიექტებისგან ისინი კულტურულ მემკვიდრეობასა და ეკოლოგიასთან დაკავშირებული პოლიტიკური გეგმების გასაჯაროებას ითხოვენ.