Новости за 04.10.2015

მომავალი წლის ბიუჯეტის პროექტთან დაკავშირებით დღეს კანონმდებლები მსჯელობას კომიტეტებში დაიწყებენ.  

საპარლამენტო კომიტეტებში დღეიდან მთავრობის გასული 6 თვიანი ანგარიშის განხილვა იწყება.

ხელისუფლება არჩევნებთან დაკავშირებულ საკონსტიტუციო ცვლილების პაკეტზე საჯარო განხილვებს განაგრძობს. დღეს შეხვედრები ახალციხესა და გორშია დაგეგმილი.

პოსტსკრიპტუმმა ოთარ იოსელიანთან ექსკლუზიური ინტერვიუ ჩაწერა, რომელშიც ლეგენდარული რეჟისორი დღევანდელ ხელისუფლებაზეც საუბრობს და აცხადებს, რომ დღეს ქვეყანას მთავრობა არ ჰყავს.

29 წლიანი პაუზის შემდეგ ოზურგეთის თეატრმა პირველი გასტროლი გამართა. გურულები კახეთში ჩავიდნენ და რამდენიმე წარმოდგენა გამართეს.

71 ათას 495 ლარი და 55 თეთრი-სწორედ ამდენი შეადგინა თანხამ, რომელიც საბურთალოს რაიონის გამგეობის, განყოფილებების უფროსებმა და მათმა მოადგილეებმა, ივნისის, ივლისისა და აგვისტოს თვეში სახელფასო დანამატებისა და პრემიების სახით მიიღეს. გამგებელი ბექა მიქაუტაძე აცხადებს, რომ მისი უწყება ამ სამი თვის განმავლობაში ფორსმაჟორულ რეჟიმში მუშაობდა და სტიქიის შედეგებს ებრძოდა.

რამდენიმესაათიანი გასაუბრების შემდეგ სპეცმსახურების თანამშრომლებმა მუსლიმთა სამმართველოს შეიხი ვაგიფ აკბეროვი აიძულეს შეიხობაზე უარი ეთქვა. შინაგან საქმეთა სამინისტროს მაღალჩინოსნებმა ვაგიფ აკბეროვს შეიხის პოსტიდან წასვლა ერთი წლის წინ აიძულეს და სთხოვეს უშიშროების სამსახურში დაბარების ამბავი ჟურნლისტებისთვის არ მოეთხრო, სანაცვლოდ კი თანამდებობას და მაღალ ხელფასს მიიღებდა. ერთ თანამდებობაზე უარს მეორე შემოთავაზება მოჰყვა. ამჯერად პოსტი უფრო გავლენიანი, ხელფასი კი ბევრად მაღალი იყო.

საქართველოს ბოლო სოფელში 34-მა დაკარგულმა ძროხამ დიდ ამბებს მისცა ბიძგი. ეთნიკურად 100 პროცენტით სომხური კარწახი ერთიანად ადგა და ზედ საქართველო-თურქეთის საზღვარზე გაჭრილი სარკინიგზო გვირაბის შესასვლელი გადაკეტა.

ფეხბურთის ფედერაციას ახალი პრეზიდენტი ჰყავს. ლევან კობიაშვილი 4 წლის განმავლობაში ქართულ ფეხბურთში პირველი პირი იქნება, თუმცა გუშინ ჩატარებულ არჩევნებს სპორტული ჟუნრალისტები მძიმედ აფასებენ. 

33 წლის რიგითი თამაზ ვაჟას ძე თამარაშვილი გორში საქართველოს შეიარაღებული ძალების მეხუთე ბრიგადის სამხედრო ტერიტორიაზე  გარდაცვლილი იპოვეს. 

21 წლის ტელევიზიას ხელისუფლება დახურვას უპირებს და ფინანსურ პრობლემებს უქმნის, რაც მისი საქმიანობის შეჩერების ერთ-ერთი ყველაზე მთავარი წინაპირობაა.

მხოლოდ ბორჯომის მუნიციპალიტეტში ბოლო 4 თვის მონაცემებით 86 ათას ლარზე მეტი პრემიის სახით გაიცა. ქალაქის ცენტრალურ პარკში კი სამუშაოები ნელა, მაგრამ მაინც მიმდინარეობს, ცვლიან ძველს და აგებენ ახალ ფილებს, იცვლება ინფრასტრუქტურაც. როგორც ამბობენ პარკის გასაახლებლად ბიუჯეტიდან 558 ათასი ლარია გამოყოფილი.

ექსკლუზიურად პოსტსკრიპტუმისთვის ცნობილი ხდება კიდევ ერთი შემთხვევის შესახებ, რომელიც ბათუმის ციხეში მოხდა. ორმა მსჯავრდებულმა თვითდაზიანებები მიიყენა, მიზეზი ციხის ადმინისტრაციის არასათანადო დამოკიდებულება გახდა. 

უკვე მესამე დღეა არასამათავრობო ორგანიზაცია საზოგადოებრივი ინტერესების დაცვის ცენტრის ნაცემი დირექტორი საკუთარ ოჯახში მკურნალობს. ტვინის შერყევასთან ერთად სულხან ქობულაძეს სმენის აპარატიც დაზიანებული აქვს.

რუსთავი 2-ის მხარდამჭერების დაკავებას ნაციონალური მოძრაობა პოლიტიკურ ნაბიჯად აფასებს. განცხადებები ამის შესახებ პარტიის ლიდერებმა ქუთაისში, მერიასთან მიმდინარე აქციის მონაწილეებთან შეხვედრის დროს გააკეთეს. 

რუსთავი 2-ის მხარდამჭერ აქციაზე დაკავებული სამი პირის სასამართლო პროცესი ხვალ 11:00 საათზე ქუთაისის საქალაქო სასამართლოში ჩაინიშნა. წინასწარი ინფორმაციით ბრალდების მხარე აქციის სამივე მონაწილის მიმართ პატიმრობის შეფარდებას ითხოვს, ადვოკატები კი ამბობენ, რომ ბრალდებას მტკიცებულებები არ აქვს. 

ქართული ღვინის დღის ფარგლებში კახეთში იმყოფებოდნენ პრემიერმინისტრი და მთავრობის წარმომადგენლები. ოჯახის წევრებთან ერთად მათ გურჯაანის რაიონის სოფელ ვაჩნაძიანში რთველში მიიღეს მონაწილეობა. ირაკლი ღარიბაშვილი ადგილობრივ მოსახლეობასაც შეხვდა და მათ პრობლემებზე ესაუბრა.

რუსთავი 2-ის მხარდამჭერ აქციაზე დაკავებული სამი პირის გათავისუფლებას ითხოვენ ქუთაისში მერიის შენობასთან. დაკავებულების მსგავსად შიმშილობენ მათი გულშემატკივრები.

"არანაირ პოლიტიკურ სარჩულს არ ვხედავ,"- ასე ეხმაურება ეკონომიკის მინისტრი დიმიტრი ქუმსიშვილი ქუთაისში რუსთავი 2-ის მხარდამჭერების დაკავებას. ქუმსიშვილი ამბობს, რომ სამართალდამცავები კანონის ფარგლებში მოქმედებენ და იცავენ წესრიგს. 

"ფიზიკურად გაუსწორდე დეპუტატს არ არის სწორი,"- ასე ეხმაურება ვიცე-პრემიერმინისტრი კახა კალაძე ქუთაისში რუსთავი 2-ის მხარდამჭერ აქციაზე მომხდარ ინციდენტს, რომლის შედეგად აქციის 3 მონაწილე დააკავეს.

"ეს იყო აშკარა ხულიგნობის ფაქტი,"- ასე გამოეხმაურა შინაგან საქმეთა მინისტრი გიორგი მღებრიშვილი ქუთაისში რუსთავი 2-ის მხარდამჭერ აქციაზე 3 პირის დაკვების ფაქტს. 

საქართველოს შეიარაღებული ძალების მეხუთე ბრიგადის სამხედრო ტერიტორიაზე ჯარისკაცი დაიღუპა. განცხადება ამის შესახებ ცოტა ხნის წინ თავდაცვის სამინისტრომ გაავრცელა.

"არა ჩადებას"-ამ ლოზუნგით ამწუთებში მთავარი პროკურატურის შენობასთან აქცია მიმდინარეობს. აქციის მონაწილეები ამბობენ, რომ 24 წლის პავლე გოცირიძე სამართალდამცავებმა უკანონოდ დააკავეს და ის არ მოიხმარდა ნარკოტიკებს. 

ინციდენტი თბილისში-ცოტა ხნის წინ ბეთლემის ქუჩაზე გზა ჩაინგრა. მოსახლეობა დახმარებას ითხოვს. 

საქართველოს საარჩევნო ადმინისტრაციის პროფესიული კავშირი საოლქო-საარჩევნო კომისიებში თანამშრომლების უკანონო გათავისუფლებაზე საუბრობს.