Новости за 19.07.2015

საქართველოს პრეზიდენტის მოწვევით თბილისში დღეს ევროპული საბჭოს პრეზიდენტი ჩამოდის.

მოიხსნება თუ არა შეზღუდვები ხურველეთისა და წითელუბნის ტერიტორიაზე - ეს დღეს ერგნეთში დაგეგმილ შეხვედრაზე უნდა გადაწყდეს.

ირაკლი ღარიბაშვილი დღეს სახელმწიფო უსაფრთხოების სააგენტოს ხელმძღვანელის კანდიდატურას დაასახელებს.

სამოქალაქო განათლებაში აბიტურიენტები გამოცდას დღეს პირველად ჩააბარებენ.

თელავში საპატრულო ეკიპაჟი 14 წლის მოზარდს შეეჯახა. დარტყმა იმდენად ძლიერი აღმოჩნდა, რომ ბავშვი რამდენიმე მეტრზე გადავარდა.

საქართველოს  ბიუჯეტიდან პრორუსული მედიასაშუალებები ფინანსდებიან, - ამის შესახებ საუბარი გადაცემა "განსხვავებულ აქცენტებში" იყო. გადაცემის წამყვანის ეკა კვესიტაძის განცხადებით, გადაცემაში მოყვანილი ინფორმაცია "მედიის განვითარების ფონდმა" გამოითხოვა და სპეციალური კვლევა მოამზადა. 

"მოტივაცია არ უნდა გვქონდეს რომ ანტიდასავლური გზა რაიმე ალტერნატივას წარმოადგენს,"- ეს განცხადება  გადაცემა "განსხვავებულ აქცენტებში" ილიას სახელმწიფო უნივერსიტეტის ლექტორმა გიგა ზედანიამ გააკეთა. 

საქართველოში რუსული პროპაგანდა ძლიერდება," - ამ შინაარსის სატელევიზიო გადაცემა "განსხვავებული აქცენტების" შემოქმედებითმა ჯგუფმა მოამზადა.  გადაცემაში საუბარია იმ არასამთავრობო და მედია ორგანიზაციებზე რომლებიც საქართველოში ანტიდასავლური და პრორუსული აქცენტებით გამოირჩევიან. 

ვარძია კიდევ უფრო ღირებული და საინტერესო ხდება. არქეულოგებმა ისტორიული ძეგლის აქამდე უცნობ იარუსებს კომპლექსის დასავლეთ ფერდზე მიაკვლიეს. 

სამეგრელოს ორ მოსაზღვრე სოფელში, ორსანტიასა და კოკში გაზიფიცირების სამუშაოები ჯერ კიდევ 2014 წლის ოქტომბერში დასრულდა, თუმცა ბუნებრივი აირის მოსახლეობამდე მიყვანა ამ დრომდე ვერ ხერხდება და შემოწმებაზე მოსულ ინჟინრებსაც გაზის გაშვების ნაცვლად მილსადენის ხელახლა შეკეთება უწევთ. 

პროკურატურა საქართველოს პირველი პრეზიდენტის დაღუპვის ფაქტს ხელმეორედ იძიებს. ჩვენი ინფორმაციით სამუშაო ვერსია მკვლელობაა. თუმცა რატომ გახდა ეს თემა აქტუალური ახლა, ამ კითხვაზე პასუხი არ გვაქვს,

UEFA-ს სუპერთასის ბილეთები ურიგოდ ათობით ადამიანმა შეიძინა. სკანდალური კადრები "რუსთავი 2"-მა მოიპოვა. 

საუკუნეზე მეტია კასპიის ზღვისა და მიმდებარე რეგიონების ენერგორესურსებისათვის იმპერიები და უდიდესი ქვეყნები იბრძვიან და საქართველო ამ ფრონტის ხაზზე იმყოფება. ახალი მავრთულხლართების გავლება და ბანერის ისტორია თურქმენეთის გაზის საქართველოს გავლით ევროპაში გატანის გეგმებს უკავშირდება.

კახეთის გუბერნატორი ახალი სკანდალში ეხვება. ირაკლი შიოლალაშვილს მაღალ თანამდებობებზე კრიმინალური წარსულის მქონე პირების დანიშვნაში ადანაშაულებენ.

2 თვეზე მეტია, რაც ესპანეთის ციხეში საქართველოს 6 მოქალაქე თურქ და სირიელ მეზღვაურებთან ერთად დაკავებულია. დაკავებული ქართველების მდგომარეობა მძიმეა, მათ ნაწილს, როგორც ოჯახის წევრები ამბობენ, სერიოზული ჯანმრთელობის პრობლემები აქვთ. 

ვაზისუბანში მოკლული კობა აღლემაშვილის ოჯახის წევრები პროკურატურას მასზე თავდასხმისა და შემდეგ მკვლელობის საქმეების გაერთიანებას სთხოვენ. იმ ადამიანს კი, ვინც გამოძიებას ღირებულ ინფორმაციას მიაწვდის, აღლემაშვილები 10 ათას ლარიან ჯილდოს აწესებენ.

თბილისის საკრებულოსტან მიმდინარე აქციაზე "არა პანორამა თბილისს" აქციის მონაწილე, გიგა მაქარაშვილი  დააკავეს. 

ხურვალეთში ვითარება კონტროლირებადია - აცხადებს შინაგან საქმეთა სამინისტროს საინფორმაციო-ანალიტიკური დეპარტამენტის ხელმძღვანელი. შალვა ენუქიძე განმატებებს აკეთებს ადგილზე პოლიციის მობილიზების შესახებაც.

"კურიერის" გადამღებმა ჯგუფმა ქართული საგუშაგოს გვერდის ავლით საოკუპაციო ხაზთან ახლოს მდებარე სოფელ ნადარბაზევში შეღწევა მოახერხა.

ეკონომიკური კრიზისის ფონზე საბერძნეთში ბანკები იხსნება. 3 კვირიანი პაუზის შემდეგ ფინანსური დაწესებულებები მუშაობას ხვალიდან განაახლებენ.

ფრანსუა ოლანდი ევროზონის მთავრობის შექმნის ინიციატივით გამოვიდა. საკუთარი პოზიცია საფრანგეთის პრეზიდენტმა ყოველკვირეულ ჟურნალში გამოაქვეყნა. საბერძნეთის კრიზისის ფონზე, ფრანსუა ოლანდი ფიქრობს, რომ აუცილებელია შეიქმნას ევროზონის წევრი ქვეყნების მთავრობა, რომელსაც საკუთარი ბიუჯეტი და პარლამენტი ეყოლება.

18 ივლისს მთავრობის კანცელარიასთან დაგეგმილი აქციის ჩატარებამდე განვითარებული მოვლენები შეკრებისა და გამოხატვის უფლებაში გაუმართლებელ ჩარევად შეაფასა სამოქალაქო სექტორმა. არასამთავრობო სექტორის წარმომადგენელთა განცხადებაში ნათქვამია, რომ "შეკრებისა და მანიფესტაციის უფლება დემოკრატიულ საზოგადოებაში ერთ-ერთი ფუნდამენტური უფლებაა, რომელიც დაცულია საქართველოს კონსტიტუციით - პოლიციელთა ქმედებები კი მის საპირისპიროდ იყო მიმართული“.

ამ წუთებში დედაქალაქის საკრებულოსთან საპროტესტო აქცია მიმდინარეობს. აქციის მონაწილეები პანორამა თბილისის მშენებლობის პროცესს აპროტესტებენ. 

ბოლო ნახევარი საათის განმავლობაში ხურვალეთში ქართველი სამართალდამცავების მობილიზაცია შეინიშნება. როგორც "კურიერის" გადამღები ჯგუფი იტყობინება ქართულ საგუშაგოსთან დამატებით ათამდე საპატრულო პოლიციის ავტომობილი მივიდა. 

ხურვალეთში სადაც ერთი კვირის წინ საოკუპაციო ხაზი გადმოწიეს, მოსახლეობა დახმარებას ითხოვს. ადგილობრივები ამბობენ, რომ მთავრობას მათთვის დახმარება არ აღმოუჩენიათ.