ისრაელი აცხადებს, რომ არ აწარმოებს „ჰამასთან“ მოლაპარაკებებს მძევლების თაობაზე
მანამდე საინფორმაციო საშუალებებმა გაავრცელეს ცნობა, „ჰამასის“ წინადადების შესახებ, რომელიც მძევლად აყვანილი ისრაელის მოქალაქეების ტერორიზმის მუხლით ისრაელის ციხეებში მყოფი 36 პალესტინელში გაცვლას სთავაზობს.
ამტკიცებდნენ, რომ მოლაპარაკებაში შუამავლის როლში გამოდის ყატარი.
ასევე ცნობილია, რომ შეერთებულ შტატებსა და სხვა ქვეყნებს შეუძლიათ მონაწილეობა მიიღონ მოლაპარაკებებში, მაგრამ არა ოფიციალურ ისრაელს.
ისრაელში, შაბათ დილით „ჰამასის“ თავდასხმის შემდეგ დაღუპულთა რიცხვმა 800 ადამიანს გადააჭარბა. ღაზის სექტორის ჯანდაცვის სამინისტროს ცნობით, ისრაელის იერიშების შედეგად რეგიონში 560 ადამიანი დაიღუპა.
დაუზუსტებელი ინფორმაციით, "ჰამასმა" 100-მდე ისრაელელი აიყვანა მძევლად - როგორც ჯარისკაცები, ისე მშვიდობიანი მოქალაქეები, ცოცხლებიც და მკვდრებიც.
ისრაელმა განაცხადა, რომ 400-ზე მეტი პალესტინელი მებრძოლი მოკლეს სამხრეთ ისრაელსა და ღაზას სექტორში და ათობით მათგანი ტყვედ აიყვანა.