ოკლენდში დაიწყო ფეხბურთში მსოფლიო ჩემპიონატი ქალებს შორის
ჩემპიონატის გახსნამდე ქალაქში შეიარაღებულმა პირმა ორი ადამიანი მოკლა, თუმცა ცნობით, შეჯიბრებასთან ამ ინციდენტს კავშირი არ აქვს.
შეხვედრები გაიმართება ორ ქვეყანაში, ავსტრალიასა და ახალ ზელანდიაში. პირველ მატჩში მასპინძლები ხვდებიან ნორვეგიელ ქალ ფეხბურთელებს.
დროში განსხვავების გამო მოელიან, რომ მატჩებს ევროპაში ბევრი გულშემატკივარი არ მიადევნებს თვალყურს, მაგრამ დღის განმავლობაში იქნება თამაშების განხილვა.
ჩემპიონატის გახსნამდე ინციდენტის დროს, ეჭვმიტანილმა, რომლის გვამს სავარაუდოდ, პოლიციამ მოგვიანებით მიაგნო, ორი პირი მოკლა და რამდენიმე, მათ შორის ერთი პოლიციელი დაჭრა.
ახალი ზელანდიის პრემიერ-მინისტრმა, კრის ჰიპკინსმა განაცხადა რომ სახელმწიფო უშიშროებას საფრთხე არ ემუქრება და რომ ჩემპიონატი როგორც დაიგეგმა, ისე ჩატარდება.
ფეხბურთში მსოფლიო ჩემპიონატს ფიფა ატარებს, ის იმართება ყოველ ოთხ წელიწადში ერთხელ. ჩემპიონატში 32 გუნდი მონაწილეობს. ამჟამინდელი მსოფლიო ჩემპიონატი აშშ-ის ქალთა ნაკრებია.