ბრიტანეთი აცხადებს, რომ უკრაინისთვის გაღარიბებული ურანის შემცველი ამუნიციის მიწოდება არ წარმოადგენს ბირთვულ ესკალაციას
კლევერლიმ ეს 22 მარტს რუსეთის პრეზიდენტის, ვლადიმირ პუტინის საპასუხოდ განაცხადა. პუტინმა დაგმო ლონდონის გეგმა, მიაწოდოს უკრაინას ამუნიცია გაღარიბებული ურანით.
ბრიტანეთმა 20 მარტს გამოაცხადა, რომ უკრაინას აწვდის ამ ტიპის ამუნიციას, რომელიც მისი განსაკუთრებული ფიზიკური და სხვა თვისებების გამო გამოიყენება ტანკების და განსაკუთრებულად მტკიცე ჯავშნის წინააღმდეგ.
„არ არის არავითარი ბირთვული ესკალაცია. ერთადერთი ქვეყანა, რომელიც ბირთვულ თემაზე ლაპარაკობს, რუსეთია. რუსეთს არაფერი ემუქრება. ლაპარაკია მხოლოდ იმაზე, რომ უკრაინას თავდაცვაში დავეხმაროთ“, - თქვა ბრიტანელმა მინისტრმა.