სტოლტენბერგი: შევთანხმდით გავაძლიეროთ საქართველოს, ბოსნია-ჰერცეგოვინის და მოლდოვის თავდაცვის შესაძლებლობები
სტოლტენბერგი მიესალმა ნატოს მოკავშირეების დაპირებას უკრაინისადმი მხარდაჭერის შესახებ.
ნატოს ვებსაიტზე გამოქვეყნებული განცხადების თანახმად, მან ასევე მადლობა გადაუხადა მოკავშირეებს ნატოს ყოვლისმომცველი დახმარების პაკეტში შეტანილი მნიშვნელოვანი წვლილისთვის, რომელიც უკრაინას უზრუნველყოფს საკვებით, საწვავით, სამედიცინო მარაგით და სხვა საჭირო აღჭურვილობით.
მინისტრები ასევე შეთანხმდნენ, რომ გააძლიერონ მხარდაჭერა რისკის ქვეშ მყოფი სხვა პარტნიორებისთვის, ბოსნია და ჰერცეგოვინასთვის, საქართველოსა და მოლდოვასთვის.
გუშინ, 14 თებერვალს ჩრდილოატლანტიკური საბჭოს ფორმატით, ბრიუსელში გაიმართება ნატოს წევრი სახელმწფოების თავდაცვის მინისტრების შეხვედრა უკრაინის თავდაცვის მინისტრ ოლექსი რეზნიკოვთან. მანამდე, ბრიუსელში შედგა უკრაინის მხარდასაჭერად მოქმედი საკონტაქტო ჯგუფის მორიგი შეხვედრა, რომელსაც ამერიკის შეერთებული შტატების თავდაცვის მინისტრი ლოიდ ოსტინი ხელმძღვანელობდა.