ირანის ხელისუფლებამ რესტორანი დახურა, რადგან მის გახსნაზე ქალმა იმღერა
ისლამურ რესპუბლიკაში გრძელდება ისეთი ქმედებების ჩახშობა, რომელიც ხელისუფლებას ისლამური ღირებულებების საწინააღმდეგოდ მიაჩნია.
ეს ინციდენტი მოხდა მაჰშაჰრში, ირანის სამხრეთ-დასავლეთში, ხუზესტანის პროვინციაში. ის გამოიწვია სოციალურ მედიაში გავრცელებულმა ვიდეომ, სადაც ჩანს, რომ ქალი მღერის ახალი რესტორნის გახსნის ცერემონიაზე
ვიდეო სწრაფად გავრცელდა და სოციალური მედიის ირანელი მომხმარებლებმა ის მოიწონეს.
ფარშად ღაზემიმ, მაჰშაჰრის პოლიციის უფროსმა, განაცხადა, რომ რესტორანი დაიხურა ქალის მიერ სიმღერის შესრულების ფაქტის გამო. ღაზემიმ ასევე დასძინა, რომ მფლობელის წინააღმდეგ საქმე აღიძრა. ირანის ისლამური კანონმდებლობით, ქალს საჯაროდ ცალკე სიმღერის უფლება არ აქვს და ასეთი ქმედება ისჯება.