ალაბამაში ტორნადოს მსხვერპლი მოჰყვა
ელექტროგადამცემი ხაზების განადგურების გამო, ალაბამის შტატის ათეულობით ათასი მცხოვრები ელექტროენერგიის გარეშე დარჩა. CNN-ი აშშ-ის მეტეოროლოგიურ სამსახურზე დაყრდნობით იუწყება, რომ ხუთშაბათს, ალაბამაში 14 ტორნადო იყო. შტატის ხელისუფლებამ 46 ოლქში საგანგებო მდგომარეობა გამოაცხადა.
ალაბამაში დღეს დაგეგმილი ვიზიტი გადადო აშშ-ის პირველმა ლედიმ, ჯილ ბაიდენმა, რომელიც შტატებში მოგზაურობს კორონავირუსის პანდემიასთან საბრძოლველად თეთრი სახლის მიერ შემუშავებული გეგმის პოპულარიზაციის მიზნით.