Новости за 12.01.2021

د افغانستان د ملي امنیت اداره وايي، په ننګرهار کې یې د داعش د هدفي وژنو د ډلې غړی او هغه زمینه‌ساز نيولی چې غوښتل يې کابل کې د امريکا سفارت شارژدافير ترور کړي. په ننګرهار کې د ملي امنیت د صفر دوه قطعې څانګې د سې شنبې (د مرغومي ۲۳مه) په ورځ په یوه اعلامیه کې ویلي دي چې د ننګرهار د کامې په ولسوالۍ کې یې د داعش ډلې څلور غړي نیولي چې په وینا یې يو يې 'د داعش د هدفي وژنو د ډلې غړی او زمینه‌ساز' وو. په اعلامیه کې همدا راز ویل شوي: "د معلوماتو له مخې د داعش ډلې هدفي وژنو غړی او زمینه‌ساز عبد الواحد... Читать дальше...

د افغانستان ملي امنیت ریاست وايي، ننګرهار ولایت کې یې د داعش ډلې هدفي وژنو غړی او زمینه ساز نیولی دی. دا ریاست وايي وايي د دوی ځانګړو ځواکونو تېره شپه د ننګرهار په کامې ولسوالۍ کې شپني عملیات ترسره کړي چې په پایله کې یې د داعش ډلې هدفي وژنو غړی او زمینه ساز عبد الواحد د درې نورو شکمنو کسانو سره یو ځای نیولی. دا ریاست وايي، دوی پلان درلوده چې په افغانستان کې د امریکا متحده ایالاتونو سفیر او افغان لوړ پوړي چارواکي په نښه او ترور کړي. په کابل کې د امریکا سفارت په دې اړه څه نه دي ویلي. ملي امنیت... Читать дальше...

د بریتانیا د درمل جوړولو کمپنۍ اسټرازینیکا چې د اکسفورډ پوهنتون په همکارۍ یې د کرونا ضد واکسین جوړ کړی، د اروپایي ټولنې له چارواکو غوښتنه کړې چې ورته اجازه ورکړي چې واکسین یې د دې ټولنې په ۲۷ غړیو هېوادونو کې تطبیق شي.  د اروپایي ټولنې د درملو ادارېEMA'' نن د سې شنبې (د مرغومي ۲۳مه) په ورځ په یوه بیان کې وویل چې د دې کمپنۍ پر غوښتنه به ډېر ژر غور وکړي او ښایي د جنوري تر ۲۹مې پورې په مشروط ډول ورته اجازه ورکړي چې د دې ټولنې بازار ته یې وړاندې کړي.  که امسټردام مېشته دغه اداره د اسټرازینیکا واکسین... Читать дальше...

روسیې بریتانیا ته د خپلو الوتکو د تګ-راتګ بندیز د فبرورۍ تر لومړۍ نېټې پورې وغځاوه. دا بندیز په بریتانیا کې د کرونا ویروس د دوهمې بڼې د خپرېدو له کبله د ډسمبر په ۲۲ مه لګول شوی وو. د روسیې حکومت نن د سې شنبې (د مرغومي ۲۳مه) په ورځ ویلي چې د بندیز د غځېدو هدف یې د عامه وګړو د روغتیا خوندیتوب دی. روسیه په ټوله نړۍ کې څلورم هېواد دی چې د کرونا ویروس پېښې په کې ډېرې دي، خو دوه ورځې دمخه په دې هېواد کې د کرونا ویروس د نوې بڼې لومړنۍ پیښه تایید شوه. ویل کېږي په نوې ویروس اخته کس له بریتانیا څخه روسیې ته تللی وو. Читать дальше...

د پاکستان په خېبر پښتونخواه کې د پولیسو یو افسر چې د پولیو واکسین د کار کوونکو د امنیت لپاره ګمارل شوی وو، وژل شوی دی. دا برید په کاراک سیمه کې د پولیو یا د ماشومانو د ګوزڼ واکسین د کمپاین د پیل په دوهمه ورځ شوی دی. د پولیسو په خبره د واکسین د کمپاین پر کار کوونکو دوو موټرسایکل سپرو کسانو وسله وال برید وکړ او یو ساتونکی پولیس یې وواژه. په دې برید کې روغتیایي کارکوونکو ته زیان نه دی رسیدلی. د پېښې د عاملینو د موندلو په اړه تحقیقات پیل شوي دي. تراوسه د دې برید مسولیت چا نه دی منلی، خو تردې... Читать дальше...

استرازنېکا درمل جوړونکی شرکت د کرونا ضد واکسین د وړاندې کولو لپاره د اروپايي ټولنې د اجازې غوښتنه کړې ده.   دغه شرکت د اکسفورډ پوهنتون په همکارۍ د کرونا ضد واکسین جوړ کړی دی.   د اروپا د درملو ادارې نن سې شنبه (د مرغومي ۲۳مه) په یوه اعلامیه کې وویل چې د استرازنیکا غوښتنلیک به ژر تر ژره وارزوي او د جنورۍ تر۲۹ مې نېټې پورې به په دې ټولنه کې د یاد شرکت لپاره د بازار موندنې د مشروط مجوز په اړه خپل نظر څرګند کړي.   که دغه شرکت ته اجازه ورکړل شوه، دا به د کرونا ضد درېیم واکسین وي چې د اروپایي ټولنې په ۲۷ غړو هېوادونو کې به لاسرسی ورته وشي. Читать дальше...

د افغانستان د مالیې وزارت وايي چې د ۱۴۰۰ هجري لمریزکال بودجې تازه طرحه د کابینې له لوري تصویب شوې او ولسي جرګې ته لېږل کېږي. د دغه وزارت ویاند شمروز خان مسجدي د سې شنبې )د مرغومي ۲۳مه) په ورځ ازادي راډیو ته وویل چې د بودجې په طرحه کې ۲۰ میلیارده افغانۍ زیاتې شوي دي: "د بودجې په مسوده کې شل میلیارده افغانۍ بدلون راغلی، زیاته یې امنیتي ده، ۱۱ میلیارده د'سیسټیکا' د مرستو د څانګې دي، ۶ میلیارده د حکومت ریزرفي پیسې دي چې تېر کال مو درلودلې او یو اندازه هم د بودجه کسر  لوړ تللی، د کابینې له لوري تصویب... Читать дальше...

د خوست ځوانان وایي، افغان حکومت د داعي او ودان د وژونکو په علني محاکمه کولو او له خلکو سره د وژل شوېو کسانو د څېړل شوېو دوسیو د پایلو په شریکولو کې پاتې راغلی. دوی چې نن سې شنبه (د مرغومي ۲۳مه) په خوست کې د اداري کمپلېکس دروازې مخې ته پرلت وهلی وو، له چارواکو یې غوښتنه وکړه چې د وژل شوي خوستي ځوان ضیا ودان او د وروستیو پېښو عاملین ونیسي او علني یې محاکمه کړي، څو مالومه شي چې دوی څوک او ولې وژني؟ پرلت کوونکو د هدفي وژونکو د ښکاره محاکمې غوښتنه کوي چې دې وروستیو کې یې ځوان کدرونه او فعالان یو په... Читать дальше...

د خوست د مرکز او ولسوالیو لسګونو کسانو چې مخکې يې کاروبار نه لاره او اقتصادي ستونزو سره مخامخ ول، بیلابیل کسبونه يې زده کړل. د دې برنامې فارغې ښځې وايي، د کسب او حرفې زده کړه دوی پر ځان بسیا کوي. نور په دې ویډيو کې وګورئ

د غور غږ راډيو مسول مدير بسم الله عادل چې لس ورځې وړاندې په غور ولايت کې ترور شو. اوس يې کورنۍ وايي چې د دې پېښې په اړه ملي امنيت دوه کسان نيولي دي. د بسم الله عادل ورور لالا ګل عادل نن سې شنبه (د مرغومي ۲۳مه) ازادي راډيو ته وويل، سيمه يیز زورواکي د عادل د وژونکو د بېرته خوشې کېدو هڅه کوي: "د ولايت په کچه زورواکي هڅه کوي نيول شوي کسان بېرته خوشې کړي ان تردې چې ملي امنيت موږ ته وويل چې دغه کسانو په اړه څه نه وايي، ممکن يو شمېر نور کسان هم ووژني." په ملي امنيت کې هم يوې سرچينې د نوم نه ښودلو... Читать дальше...

امریکايي رسنۍ راپور ورکوي چې ګڼو لویو شرکتونو پرېکړه کړې چې له سیاسي ګوندونو سره مالي مرسته د یو څو مودې لپاره دروي. د وال سټريټ ژورنال د راپور له مخې په دغو شرکتونو کې د ګوګل، فیسبوک، مایکروسافټ، امازون او ورایزن په ګډون ګڼ نور شرکتونه شامل دي.   دا وروسته له هغه چې په امریکا کې د کانګرس د ودانۍ مخې ته لاریون په تاوتریخوالي بدل شو او خلکو پردې ودانۍ هجوم ور وړ.   پر ټويټر ۸۸ میلیونه کسانو د امریکا ولسمشر ډونالډ ټرمپ څاره. وروسته له هغه چې د تېرې چهارشنبې په ورځ د جنورۍ په شپږمه په پلازمېنه... Читать дальше...

هند د دې هېواد لویو ښارونو ته د کرونا ویروس ضد واکسین د لېږد چارې پیل کړي دي.   دا اقدام داسې مهال شوی چې په ټول هېواد کې د کرونا واکسین تطبیق ته یوازې څو محدودې ورځې پاتې دي.   ډي پي اې خبري آژانس لیکي، د کوویشېلډ ' 'Covishield واکسین لومړنۍ جوپه نن د پونه ښار د سیروم انډیا انسټیټیوټ څخه ډهلي او نورو ۱۲ ښارونو ته واستول شوه.    تمه ده یو بل هندي واکسین چې کوواکسین نومېږي ډېر ژر په حیدراباد کې د بهارت بیوټیک درمل جوړونې شرکت څخه نورو ښارونو ته انتقال شي.   د هند حکومت په پام کې لري تر جولای... Читать дальше...

د فاریاب سیمه ییز چارواکي وایي، یو بهرنی وګړی د چاودېدونکو موادو ډک یوه ټانک سره هدف ته تر رسېدو دمخه ووژل شو.   د فاریاب د امنیه قوماندانۍ ویاند عبدالکریم یورش ازادي راډیو ته وویل، وسله والو طالبانو تېره شپه غوښتل دغه ټانک د فاریاب په المار ولسوالۍ کې وچوي.   ښاغلی یورش زیاتوي: "له نېکه مرغه زموږ امنیتي ځواکونو د دې ټانک په اړه معلومات درلودل او هدف  ته تر رسېدو دمخه یې دوه تنه برید کوونکي چې په دې ټانک کې وو ووژل. یو برید کوونکی عبدالعزیز نومېده چې په عرب مشهور او بهرنی وګړی وو. دغه ټانک هم... Читать дальше...

په کندز کې سپین زر دولتي فابریکې له ۲۵ کلونو وروسته خپل فعالیت نن بیا پیل کړ.  د افغانستان د صنعت او سوداکرۍ وزارت ویاند فواد احمدي نن سې شنبه (د مرغومي ۲۳مه) ازادي راډیو ته وویل چې د دې فابریکې په بیا فعالولو ۱۲۰ زره امریکایي ډالره لګیدلي دي.   په لومړي سر کې په دې فابریکه کې ۵۰ کسانو ته د کار زمینه برابره شوې ده.   یاده فابرېکه په ۲۴ ساعتونو کې لس ټنه غوړي تولیدوي.

د نیمروز په خاشرود ولسوالۍ کې د وروستۍ پېښې د قربانیانو کورنۍ له حکومت څخه د عدالت او د ملکي مرګ ژوبلې د ختمولو غوښتنه کوي.   ادعا شوې چې د خاشرود په پېښه کې د افغان ځواکونو په یوه هوایي برید کې لږ تر لږه ۱۴ ملکي وګړي وژل شوي دي.   دا پېښه دوې ورځې دمخه شوې.  راپورونه وایي، د دې پېښې د ارزونې لپاره ټاکل شوی پلاوی لا تراوسه د پېښې سیمې ته نه دی تللی.   بل خوا په افغانستان کې د ملګروملتونو د سازمان دفتر غوښتنه کړې چې دا پېښه باید په شفاف او هر اړخیز ډول وڅېړل شي.    د افغانستان د ولسمشر دفتر... Читать дальше...

په غزني کې وسله والو د کابل بانک یو کارکوونکی وژلی دی.   د غزني امنیه قوماندانۍ ویاند احمدخان سیرت د سې شنبې (د مرغومي ۲۳مه) په ورځ ازادي راډیو ته وویل چې نصیر احمد عثماني نن سهار اته بجې له کوره د دندې پر لور روان و چې وژل شوی دی.  دی وايي: "د کابل بانک دغه کارکوونکی خپل کور ته نږدې په حاجي رفیع ښار ګوټي کې د دوهمې امنیتي حوزې اړوند د وسله والو له لوري په بې غږه توپانچه ویشتل شوی دی."  تراوسه پورې د دغې پېښې پړه چا پر غاړه نه ده اخېستې.

ملګرو ملتونو سازمان د امریکې پر راتلونکي نوي حګومت غږ کړی چې د ګوانتانامو زندان بند کړي. ملګري ملتونه د ګوانتانامو زندان د بندېدو غوښتونکي دي خو له دې بند خونې ازاد شوي کسان بیا دا غوښته ناوخته بولي. ‎ملا عبدالسلام ضعیف چې د طالبانو د حکومتولۍ پر مهال په پاکستان کې سفیر و او په ګوانتانامو زندان کې یې درې نیم کاله تېر کړي وایي، که څه هم دغه زندان ناقانونه و او له بندیانو سره يې غیر انساني چلند کېده، خو ملګرو ملتونو باید د یو بې پرې نړیوال سازمان په توګه مخکې د دې چارې غوښتونکی شوی وای. هغه زياتوي... Читать дальше...

نیمروز ولایت په خاشرود ولسوالۍ کې پر ملکي وګړو د هوايي برید د څېړنې لپاره ګمارل شوی پلاوی، لا هم سیمې ته نه دی تللی. د نيمروز اوسېدونکى میرحسن د عبدالقادر د ترور زوی دی.  دی وايي، د یکشنبې په شپه نږدې ۱۲ بجې د افغان هوايي ځواک ۴ الوتکو د نیمروز ولایت د خاشرود ولسوالۍ د منزرې په کلي کې د اوویا کلن عبدالقادر کور په نښه کړ. ادعا کېږي، چې په دې برید کې خپله عبدالقادر، د هغه زوی، ۵ لوڼې، اینګور او لمسیان چې ټول شمېر یې ۱۸ تنه کېږي، وژل شوي دي. د عبدالقادر د کورنۍ یوازې دوه زامن نوراني او احمد ژوندي پاتې چې هغه هم په همدې پېښه کې ټپیان شوي. Читать дальше...

امریکايي چارواکو د منتخب ولسمشر جوبایډن د لوړې په درشل کې د ټول هېواد په کچه د نورو وسله والو اعتراضونو د احتمال په اړه خبرداری ورکړی. د امریکا د تحقیقاتو فدرال ادارې پرون په یوه بیان کې چې رسنیو ترلاسه کړی، ویلي چې د امریکا د ټولو پنځوسو ایالتونو په مرکزونو کې او په واشنګټن کې د کانګرس پر ودانۍ د وسله والو اعتراضونو پلانونه جوړ شوي دي. له پلازمېنې واشنګټن ډي سي پرته د امریکا په ډېری ایالتونو کې د وسلو ګرځول آزاد دي او قانوني ممانعت نه لري. د ايف بي اى بیان زیاتوي، چې دا اعتراضونه ښايي د روانې جنوري د ۱۶ مې او شلمې ترمنځ ورځو کې وشي. Читать дальше...

د سوداګرۍ د پراختیا او پرمختګ نړیوال نندارتون نن په کابل کې پرانیستل شو. د افغانستان د پانګه والو او سوداګرو د ټولنې عمومي رییس عبدالهادی فرهنګ نن ازادي راډیو ته وویل، چې دغه نندارتون به د دریو ورځو لپاره پرانیستى وي. په ياد نندراتون کې په دوه سوه غرفو کې د افغانستان بېلابېل محصولات نندارې ته اېښودل شوي دي. مسوولين وايي، دا ډول نندارتونونه افغاني محصولاتو ته د بازار موندنې لپاره ډېر ګټور تمامېږي.

په کندز کې سپین زر دولتي فابریکې خپل فعالیت نن بیا ځلې پیل کړ. د افغانستان د صنعت او سوداکرۍ وزارت ویاند فواد احمدي نن ازادي راډیو ته وویل، چې دغه تولیدي فابریکه د۱۲۰ زره امریکایي ډالرو په پانګونې سره له ۲۵ کلونو وروسته خپل فعالیت بېرته پیلوي. نوموړي وویل، چې یاده فابرېکه په ۲۴ ساعتونو کې لس ټنه غوړي تولیدوي او د ترڅنګ یې دزغرو، کونځلو او پنبه دانې غوړي، کنجاړه او صابون هم جوړوي.  چارواکي وایې ،د کندز سپین زر تولیدي فابریکه پر کندز سربېره خپل تولیدات نورو ګانډیو ولایتونو ته هم د خرڅلاو په موخه استوي. Читать дальше...

مسير  مسیر ورځپاڼې په کابل او ځینو نورو ښارونو کې هدفي وژنو ته اشاره کړې او لیکلي، چې دا لا هم ګونګه چاره ده او عاملین یې نه دي روښانه شوي. لیکوال ټینګار کوي،که څه هم حکومت د دغو بریدونو پړه په طالبانو اچوي، خو طالبان بیا بیا په دغو بریدونو کې لاس لرل ردوي. لېکوال د دې بریدونو موخه یوازې د وېرې او وحشت ایجادول بللې او لیکلي، ښايي هڅه روانه وي چې د سولې پروسه تخریب شي او په دغو بریدونو سره وښودل شي، چې یا خو طالبان پر خپلو ژمنو عمل نه کوي او یا هم نورې ډلې شته چې له طالبانو پرته به هم جګړې ته دوام ورکوي. Читать дальше...

د ارزګان ولایت په مرکز ترینکوټ زرګونه هغه کورنۍ چې د خپلو سیمو څخه د جګړو له امله بېځاي شوي زیاتې یې تر شنه اسمان لاندې شپې او ورځي تېروي. له یو شمېر دې کډوالو سره د دوی پر ژوند د ازادۍ راډیو د یو راپور له خپرېدو وروسته ځینو بهر مېشتو افغانانو مرستې وکړي، خو دلته مرستو ته د اړو کسانو شمېر زرګونو ته رسېږي او د حکومتي او مرستندویه ادارو له مرستو پرته یې ستونزې نه شي هوارېدلی. شریف الله شرافت پرې راپور لري:

رقیب فاروقي په نیمه بربنډ بدن سره په هریرود سیند کې په سړه او یخه هوا کې تمرین کوي. دغه۲۳کلن ځوان د غور ولایت اوسېدونکی دی. له څو ورځو راهیسې د فاروقي د تمرین عکسونه په ټولنیزو رسنیو کې لاس په لاس کېږي. په دې ویډیویي راپور کې د هغه د تمرينونو په اړه لا ډېر خبرېږئ:

تندر قول اردو په غزني ولایت کې د پوځ د عملیاتو پرمهال د یوولسو طالبانو د وژل کېدو خبر ورکوي. د دې قول اردو ویاند اېمل مومند آزادۍ راډیو ته وویل، د غزني په مرکز او واغظ ولسوالۍ کې دا عملیات وروسته له هغه ترسره شول چې طالبانو د امنیتي او دفاعي ځواکونو پر پوستو برید وکړ.  هغه زياتوي: "په واغظ ولسوالۍ کې اته تنه طالبان وژل شوي او یو تن یې ټپي دی او د غزني د مرکز په نوغي سیمه کې درې طالبان وژل شوي او یوبل یې ټپي دی."  ښاغلی مومند زیاتوي، چې په دې عملیاتو کې د طالبانو وسلې او مهمات هم له منځه وړل شوي دي. Читать дальше...