Новости за 07.01.2020

تاجکستان پولیسو ویلي، ۲۷ کسان یې د اخوان المسلمین په ډله کې د فعالیت په شک چې په دې هېواد کې پرې بندیز لګیدلی دی، نیولي دي. په تاجکستان په پلازمینې دوشنبه کې د پولیسو سرچینو ازادي راډیو ته د نوم نه ښودلو په شرط ویلي، دا کسان تیره اوونۍ په پلازمېنې او د سغد او ختلان په ښارونو کې نیول شوي چې په کې محصلین، ملایان او سیمه ییز چارواکي شامل دي. د تاجکستان پولیسو ویلي، تر اوسه په نیول شویو کسانو رسمي تورونه نه دي پورې شوي، ولې څیړنې دوام لري.  د پولیسو په وینا له مشکوکو کسانو څخه د تحقیقاتو په پایله کې ښايي نور کسان هم ونیول شي. Читать дальше...

د کندز لسګونو استوګنو نن ددغه ولایت په مرکز کې د وسلوالو غلاوو او جنايي جرمونو پر زیاتیدو د اعتراض په توګه مظاهره وکړه. اعتراض کوونکو ویل، له څو کلونو راهېسې په دې ولایت کې د طالبانو د امنیتي ګواښونو سربېره د جنایتکارو ډلو له خوا له وسلوالو غلاوو، هدفي وژنو، باج اخیستې او ځورونو سره مخ دي. د عبدالغفور په نوم یوه اعتراض کوونکي ازادي راډیو ته وویل، په دې وروستیو کې کندز ښار کې وسلوالې غلاوې او هدفي وژنې اوج ته رسېدلي او امنیتي ځواکونه یې مخنیوي کې پاتي راغلي دي. ونه توانیدو چې پر دې اعتراض د کندز ولایتي چارواکي د تبصرې لپاره ومومو. Читать дальше...

د افغانستان د ټاکنیزو شکایتونو کمېسیون وايي، نږدې ۹۲ سلنه شکایتونه څېړل شوي او شاید راتلوونکي اوونۍ دا بهیر پای ته ورسېږي.

د وژل شوي ایراني جنرال قاسم سلیماني د تدفین مراسم وروسته له هغې وځنډېدل چې د نوموړي په پلرنۍ سیمه کرمان کې د جنازې په مراسمو کې د ګڼې ګوڼې له کبله ګڼ کسان تر پښو لاندې شول چې لږ تر لږه ۳۲ تنه ووژل شول.   د ایران دولتي تلویزون د ایران د بیړنیو طبي خدمتونو د ادارې رییس پیرحسین کولیوند له خولې ویلي، نږدې ۲۰۰ نور کسان ټپیان شوي دي. د ایسنا نیمه دولتي خبري اژانس وايي، چارواکو وروسته د ګڼې ګوڼې د ډېرېدو له وېرې د سلیماني د تدفین مراسم وځنډول. په خبر کې نه دي ویل شوي چې د امریکا په هوايي برید کې د قدس... Читать дальше...

افغانستان د بهرنیو چارو وزارت پلان لري په بهر کې د خپلو ډیپلوماتانو شمېر راکم کړي او خپل ځینې کارکوونکي تقاعد کړي.

د امريکا د متحدو ايالتونو د بهرنيو چارو وزير وايي ايران د افغانستان د سولې پروسې د کمزوري کولو لپاره فعالانه عمل کوي.

د افغانستان د بهرنیو چارو وزارت ویلي، بامیان ته د ایران د سپاه پاسداران انقلاب د قدس ځواکونو نوي قومندان اسماعیل قاآنی د سفر په اړه څېړنې کوي.

په ملي امنیت کې سرچینو ازادی راډیو ته ویلي چې د ملي امنیت د ۹۹۹ ځانګړې ضربتي قطعې عملیات د عبدالستار غوربندي د وژلو په هدف ترسره شوي وو.

د افغانستان د ملي امنیت ریاست یوې سرچینې ازادي راډیو ته وویل، د جمعیت اسلامي د یوه پخواني قومندان عبدالستار غوربندي د وژلو عملیات د ملي امنیت ۹۹۹ ضربتي قطعې ترسره کړي دي.

هغه سرچینه چې دغه اطلاعیه‌یې ازادي راډیو سره شریکه کړې او نه‌غواړي د موضوع د حساسیت له امله‌یې نوم واخیستل شي وايي، دغه پیغام د ملګرو ملتونو د "ناورین حالت د همغږۍ مرکز" په افغانستان کې خپلو ټولو کارکوونکو ته استولی.

په کابل ښار کې د سړکونو کنګل کېدو او دې ستونزې ته د کابل ښاروالۍ نه پاملرنې ښاریان او موټر چلوونکي اندېښمن کړي. د کابل اوسېدونکي وايي، موټر کم دي او کرایې یې هم دوه چنده شوي. خو موټر چلوونکي بیا د خپلو ستونزو خبره کوي. لیمه هادي د کابل ښار واټونو ته وتلې او دا راپور یې چمتو کړی.

د افغانستان د سولې عالي شورا وایی، قطر ته د زلمی خلیل زاد تازه سفر به د سولې د هوکړې لاسلیکولو ته زمینه برابره کړي.

د ایران د سپاه پاسدران انقلاب ځواکونو عمومي قومندان حسین سلامي امریکا ته بیا خبرداری ورکړ چې د دې ځواک د قدس څانګې د وژل شوي قومندان قاسم سلیماني غچ به واخلي او ډېر هغه ځایونه به وسوځوي چې امریکا یې ملاتړ کوي.

د افغانستان د صنعت او سوداګرۍ وزارت وايي، د تېر میلادي کال په وروستۍ ډسمبر میاشت کې شااوخوا ۷۸۷ مټریک ټنه سوداګریز توکي د هوايي دهلېزونو له لارې بهر ته صادر شوي دي. د دغه وزارت د اطلاعاتو او عامه اړیکو مسؤل جواد دبیر نن ازادي راډيو ته وویل چې دا رقم د تېرو میلادي میاشتو په پرتله ۱۵۰ فیصده زیاتوالی ښيي. هغه زیاته کړه: "په ټوله‌ییز ډول د هوايي دهلېزونو له لارې افغانستان د ډسمبر په میاشت کې له ۱۷ میلیونو ډالرو زیات صادرات درلودل." نوموړي زیاته کړه، په دغو سوداګریزو مالونو کې، کرنیز توکي لکه زعفران،... Читать дальше...

د شهیدانو او معلولینو په چارو کې د دولت وزارت له کابل ښاروالۍ سره په همکارۍ د شهیدانو ۲۰ سلنه وارثینو او معلولینو ته د کار زمینه برابروي. د دغه وزارت ویاند ضیاالحق فضلي نن ازادي راډیو ته وویل، د هغه تړون له مخې چې تازه د یاد وزارت او د کابل ښاروالۍ ترمنځ لاسلیک شو، د کابل ښار په بېلابېلو سیمو کې د بېلابېلو توکو د پلور لپاره وړیا غرفې د دوی په واک کې ورکول کېږي. هغه زیاته کړه: "د توافق‌لیک د موادو مطابق په سلو کې ۱۰ فیصده معلولیت لرونکو او په سلو کې ۱۰ فیصده د شهیدانو وارثینو ته د کابل ښاروالۍ... Читать дальше...

د امریکا پوځ تأیید کړې چې د یکشنبې په ورځ د الشباب تندلارې ډلې په برید کې د درېیو امریکایانو له وژل کېدو وروسته‌یې کینیا ته اضافي پوځي ځواکونه استولي دي. د جنوري په پنځمه په "ماندا بې" کې د امریکايي ځواکونو پر هوايي اډې له القاعده شبکې سره د تړلې سومالیایۍ الشباب ډلې په برید کې یو امریکایي سرتېری او دوه قراردادیان ووژل شول. په عین حال کې یوه امریکايي چارواکي د خپل هویت د نه‌ښودلو په شرط روېټرز خبري اژانس ته ویلي چې شااوخوا ۵۰ سرتېري کینیا ته استول شوي. الشباب وايي "ماندا بې" اډه په سیمه کې د اسلام پر ضد د امریکايي صلیبیانو د خېز دره ده. Читать дальше...

د اوکراین د کورنیو چارو وزیر ارسین اواکوف وايي، چمتو دی چې په اسټرالیا کې د ځنګلي بوټو د اور وژنې له عملیاتو سره د مرستې لپاره ۲۰۰ مرستندویان هغه هېواد ته واستوي. په اسټرالیا کې د ځنګلي بوټو اور تر اوسه ۶۰ زره کیلومټره مربع چې د بلجیم د خاورې دوه برابره ساحه ده ویجاړه کړې ده. دې اور ۲۴ کسان وژلي او څه باندې یونیم زر کورونه‌یې ویجاړ کړي دي. ښاغلي اواکوف پرون د جنوري په شپږمه پر فېس‌بوک په یوه پیغام کې لیکلي چې اوکرایني اور وژونکي چمتو دي اسټرالیا ته واستول شي او کیف یوازې د اسټرالیا پرېکړې ته سترګې په لاره دی. Читать дальше...

د امریکا دفاع وزیر مارک اسپر وايي د امریکا پوځ به د ایران پر کلتوري سیمو برید ونه‌کړي. دا ګواښ مخکې ولسمشر ډونالد ټرمپ کړی و. ښاغلي اسپر پرون د دې پوښتنې په ځواب کې چې ایا د امریکا پوځ به د ایران پر کلتوري سیمو برید وکړي کنه په ټینګار سره وویل چې پوځ به د جګړې قوانین مراعات کړي. د ملګرو ملتونو امنیت شورا په ۲۰۱۷ میلادي کال کې یو پرېکړه‌لیک تصویب کړ چې په هغه کې پر کلتوري سیمو برید جنګي جنایت بلل شوی. د کلتوري میراثونو د خوندیتوب لپاره د ۱۹۵۴ میلادي کال د هاګ کنوانسیون هم دا ډول برید جنګي جنایت بولي. Читать дальше...

د امریکا د بهرنیو چارو وزارت د دوشنبې په ورځ وویل، سفیر بس په افغانستان کې د خپل دوه کلن مأموریت له پای ته رسېدو سره سم له دې هېواده ځي.

په سرمقاله کې یادونه شوې، د خلکو پوښتنه دا ده چې د حوزو پولیس له کافي امکاناتو برخه‌من دي ولې نه‌شي کولای چې له غلو سره مقابله وکړي؟ ایا غله اټمي وسله لري چې پولیس ورنه ډارېږي؟

په بلخ کې د ملي اردو چارواکي وايي چې د دې ولایت په ناامنو ولسوالیو کې یې د پراخو پوځي عملیاتو په ترڅ کې وسله‌والو طالبانو ته درنه مرګ ژوبله اړولې ده. د شاهین قول اردو ویاند محمد حنیف رضايي تیره شپه ازادي راډیو ته وویل چې دغلته له ۳۰ څخه په زیاتو وژل شویو وسله‌والو کې یو مهم قوماندان هم شامل دی. هغه زیاته کړه: "حبیب‌الله چې په خنجر مشهور او د طالبانو یو مهم قوماندان و هم وژل شوی دی، نوموړی یو له هغو کسانو څخه و چې د بلخ ولایت په ډېرو ولسوالیو دولت‌اباد، زارع، چهاربولک، کشنده کې یې خلاص لاس درلود... Читать дальше...

په لیبیا کې یاغي ځواکونه وايي، دوی د سرت ښار نیولی دی. تر دې مخکې رسنیو د دې ستراتېژیک ساحلي ښار په لور د یاغي ځواکونو د چټک پرمختګ راپورونه ورکړي و. د لیبیا د ملي تړون حکومت چې ملګري ملتونه‌یې ملاتړ کوي تر اوسه د یاغیانو د دوشنبې د ورځې پر دې اعلان تبصره نه‌ده کړې. یاغیان په لیبیا کې د سِرت ښار د نیولو ادعا په داسې حال کې کوي چې د دې هېواد په ختیځ کې جنرال خلیفه حفتر ته وفادارو ځواکونو د طرابلس د نیولو لپاره پراخه جګړه پیل کړې ده.  د لیبیا په مرکز طرابلس د ملي تړون حکومت واک لري. د سرت... Читать дальше...

د هلمند والي محمد یاسین وايي، طالبانو په دې ولایت کې له افغان ځواکونو سره د مخامخ جګړې توان له لاسه ورکړی دی. د نوموړي په وینا له همدې کبله دا وسله‌واله ډله د ماینونو په خښولو ولسي خلکو ته ډېره مرګ ژوبله اړوي. هغه په دې اړه ازادي راډیو ته وویل: "دوی (طالبان) د شپې راځي، په ونو، دېوالونو او نورو ځایونو خپل بیرغونه لګوي او بیا ځي، سبا یې زموږ ځواکونه ځي او بیرغ‌یې لیرې کوي، کله خو دومره ناروا کوي چې تر خپل بیرغ لاندې ماین خښوي." په سیمه کې د ازادي راډیو د خبریال په وینا دا مهال طالبان د هلمند... Читать дальше...

په داسې حال کې چې د امریکا او ایران ترمنځ ترینګلتیا زیاته شوې، د ملګرو ملتونو عمومي منشي انتونیو ګوترش د زغم غوښتنه کړې. تر دې مخکې د نړۍ نورو مشرانو هم ورته غوښتنه کړې وه. پرون (دوشنبه) په نیویارک کې د خبرو پر مهال د ملګرو ملتونو عمومي منشي اوسنی وضعیت خطرناک وباله. هغه زیاته کړه: "زما پیغام ساده او روښانه دی، د ترینګلتیا زیاتول ودروئ، له زیات زغم کار واخلئ، ډیالوګ بېرته شروع کړئ او نړیوالې همکارۍ له سره پیل کړئ."   نوموړي زیاته کړه، عادي وګړي د کړکېچ درنه بیه پرې کوي.  په بغداد کې د امریکايي... Читать дальше...

د پاکستان د بهرنیو چارو وزیر شاه محمود قریشي ویلي، د قاسم سلیماني وژنه د افغانستان په شمول په سیمه کې فرقه‌يي شخړې زیاتولی شي. قریشي چې پرون (دوشنبه) یې د خپل هېواد په پارلمان کې خبرې کولې وویل، باور لري چې دا پېښه به پر افغانستان او په دې هېواد کې د سولې پر بهیر منفي اغېز وکړي. د امریکا او طالبانو ترمنځ د سولې خبرې شااوخوا درې اوونۍ مخکې په موقته توګه ځنډېدلي دي.  په قطر کې د طالبانو د سیاسي دفتر استازي سهیل شاهین د یکشنبې په ورځ ازادي راډیو ته وویل، د افغانستان د سولې لپاره د واشنګټن ځانګړی استازی د قطر پلازمېنې دوحې ته ورغلی دی. Читать дальше...