Amerikanske styresmakter går til sak mot Visa
Justisdepartementet i USA har gått til sak mot Visa, som dei skuldar for å ha monopolisert marknaden for betalingskort, melder AFP.
Ifølge søksmålet har praksisen til Visa ført til milliardar av dollar i ekstra kostnader for amerikanske forbrukarar og selskap.
Det blir også hevda at Visa straffar butikkar og bankar som ikkje bruker Visas betalingsteknologi, sjølv om det finst alternativ.