კრისტინა ორბაკაიტე და იგორ ნიკოლაევი სცენაზე უკრაინის დროშის ფერებში გამოჩდნენ
კრემლის საკონცერტო დარბაზის სცენაზე მომღერალი კრისტინა ორბაკაიტე და კომპოზიტორი იგორ ნიკოლაევი უკრაინის დროშის ფერებში ჩაცმულები გამოვიდნენ. კონცერტი, პროპაგანდისტულმა არხმა “Россия 1” გაუშვა ეთერში.
კრისტინა ორბაკაიტემ ნომრისთვის ყვითელი კაბა აირჩია, იგორ ნიკოლაევმა კი ლურჯი პიჯაკი. ამ ფერებში შერჩეულ კოსტუმებს რუსების აღშფოთება მოჰყვა. რუსული მედია მომენტალურად „აფეთქდა“ სათაურებით: „ორბაკაიტემ და ნიკოლაევმა სცენაზე ლურჯ და ყვითელ სამოსში გამოსვლით რუსები განარისხეს“, „ორბაკაიტე და ნიკოლაევი წარმოდგენაზე უკრაინის დროშის ფერებით გამოვიდნენ“ და ა.შ. სოციალურ ქსელში კი აღშფოთებული მაყურებლები წერდნენ: “გაათრიეთ სცენიდან”, “ხალხის მტრები”,”წაეთრეს დედასთან ისრაელში” და ა.შ.
სავარაუდოდ, კრისტინა ორბაკაიტემ გადაწყვიტა თავისი პოზიციის ღიად დემონსტრირება მას შემდეგ, რაც დედამ, ალა პუგაჩოვამ და მამინაცვალმა, მაქსიმ გალკინმა დატოვეს რუსეთი და დაგმეს ომი.