Երեւանում եվրոպական ֆիլմերի փառատոն կանցկացվի
Այն կազմակերպում է Հայաստանում Եվրոպական միության պատվիրակությունը՝ «Եվրոպայի օր» տոնակատարությունների շրջանակում։
Փառատոնը տեղի կունենա Կինոյի տանը եւ Հենրիկ Մալյանի անվան թատրոնի դահլիճում։
Փառատոնում կցուցադրվեն 23 ֆիլմեր՝ Բելգիայից, Պորտուգալիայից, Լատվիայից, Լիտվայից, Էստոնիայից, Լեհաստանից, Ֆրանսիայից, Չեխիայից, Գերմանիայից, Սլովակիայից, Շվեդիայից, Իսպանիայից, Ռումինիայից, Բուլղարիայից, Իտալիայից, Կիպրոսից, Հունաստանից, Նիդերլանդներից, Ուկրաինայից, Ֆինլանդիայից, Մալթայից, Դանիայից եւ Հայաստանից։
Ֆիլմերը կցուցադրվեն բնօրինակ լեզվով, հայերեն ենթագրերով։
Մուտքն ազատ է։