Новости за 16.10.2016

ОРАЛ. ҚазАқпарат - Қарағанды қаласында 1996-1997 жылғы жастар арасында дзюдодан өткен «Азия кубогы» халықаралық турнирінде батысқазақстандық спортшылар табысты өнер көрсетті.

АСТАНА. ҚазАқпарат - «Ислам мемлекеті» лаңкестік ұйымының тағы бір жанкештісі Түркияның оңтүстік-шығыс бөлігінде орналасқан Газиантеп қаласында өтіп жатқан полиция операциясы кезінде өзін жарып жіберді.

ОРАЛ. ҚазАқпарат - ҚР Қорғаныс министрінің бұйрығымен полковник Амангелді Кинешпайұлы Қаленов БҚО қорғаныс істері жөніндегі департаментінің бастығы болып тағайындалды.

АСТАНА. ҚазАқпарат - Елдің денсаулық сақтау министрі әрі Литва сеймі (кей елдерде парламент осылай аталады - ред.) мүшесі Юрас Пожела 34 жасында қайтыс болды, деп хабарлайды Росбалт.

ҚЫЗЫЛОРДА. ҚазАқпарат - Қызылорда мен Ақтөбе облыстары арасындағы аймақаралық байланыс биылғы жылдың наурыз айынан басталды десе болады. Мемлекет басшысының өңіраралық кооперацияны дамыту туралы бастамасын алғашқылардың бірі болып қолға алған қос облыстың әкімдері осы уақытқа дейін бірқатар істерге ұйытқы болды, - деп хабарлады ҚазАқпарат облыстық әкімдіктің баспасөз қызметіне сілтеме жасап.

ҚАРАҒАНДЫ. ҚазАқпарат - Қарағанды облысының Қарқаралы ауылына қарасты Қарабұлақ ауылын нанмен 23 жасар кәсіпкер Назарбек Жұмажанов қамтамасыз етіп отыр, деп хабарлайды ҚазАқпарат. 

АСТАНА. ҚазАқпарат - Офтальмологтар білім саласында қолға алынып жатқан реформалар балалардың көру қабілетіне кері әсерін тигізуде деген пікірде, деп хабарлайды ҚазАқпарат.

Петропавл. ҚазАқпарат - Игорь Нанаевтың достары мен жақындары ҚР Бас прокуратурасына жолданатын онлайн-петицияға қолдар жинауда, деп хабарлайды ҚазАқпарат.

АТЫРАУ. ҚазАқпарат - Елге танымал ресейлік, бүгінде голливудтық кнорежиссер Тимур Бекмамбетов Атырауда туып, өскен. Оның анасы Мира Анатольевна Богословская облыстық «Прикаспиская коммуна» басылымында жұмыс істеген. Ол жерге анасымен бірге Тимур Бекмамбетов те көп баратын, деп жазады ҚазАқпарат.

АСТАНА. ҚазАқпарат - Мьянма шахтерлары салмағы 175 тонна болатын көлемі жағынан екінші ең ірі таза нефрит тауып алды. Оның құны 140 миллион фунтқа бағаланды, деп жазды Telegraph.

АСТАНА. ҚазАқпарат - Қазақстандық режиссер Елзат Ескендірдің «Өліара» фильмі Оңтүстік Кореяда өткен Пусан халықаралық кинофестивалінің сыйлығын жеңіп алды, деп хабарлайды ҚазАқпарат.

Қазақстан Республикасы Тәуелсіздігінің 25 жылдық мерейтойымен қатар келген қазыналы қарт Қаратаудың қойнауында орналасқан, тәж қала Кентауға 61 жыл толып отыр. Кентаулықтар айтулы мерекені ерекше атап өтті, деп хабарлайды ҚазАқпарат Кентау қаласы әкімі аппаратының баспасөз қызметіне сілтеме жасап.

ОРАЛ. ҚазАқпарат - Орал қаласында Исатай-Махамбет ескерткіші бой көтермек, деп хабарлайды ҚазАқпарат.

АСТАНА. ҚазАқпарат - Таиландтағы қайғылы шараларға байланысты ҚР ИДМ қазақстандық туристерден құрмет белгісі ретінде сыпайы киінуді және ел алдында көңіл көтермеуді өтінді, деп хабарлады ҚазАқпарат ҚР ИДМ сілтеме жасай отырып.

АСТАНА. ҚазАқпарат - Бүгінде қоғамда «Ақпарат және коммуникациялар мәселелері бойынша Қазақстан Республикасының кейбір заңнамалық актілеріне толықтырулар мен өзгертулер енгізу туралы» заң жобасының тұжырымдамасы кеңінен талқылануда. Тұжырымдаманың дұрыстығын айтып, оң пікір берушілердің де легі қалың, ұсыныстары да баршылық. Мәселен, саясаттанушы Кенжеболат Жолдыбай жобаның дер уақытта қолға алынғанын айтумен қатар жас жеткіншектердің сана-сезімдеріне кері әсер ететін айуандық көріністерді ашық... Читать дальше...

АСТАНА. ҚазАқпарат - Филиппин билігі елдің солтүстігіне жақындаған қуаты жағынан үшінші санаттағы «Сарика» дауылынан 12,5 мыңнан астам тұрғынды қауіпсіз жерге көшірді, деп хабарлады Рейтер агенттігі. 

АСТАНА. ҚазАқпарат - ҚР Денсаулық сақтау және әлеуметтік даму министрлігінің (бұдан әрі - Министрлік) медициналық көмек көрсетуді ұйымдастыру жөніндегі клиникалық хаттамаларды және стандарттарды әзірлеу, сондай-ақ оларды жалпы медициналық практикаға енгізу бойынша функциялары кезең-кезеңмен бәсекелестік ортаға және өзін-өзі реттейтін ұйымдарға беріледі, деп хабарлайды ҚазАқпарат министрліктің баспасөз қызметіне сілтеме жасап. 

 АСТАНА. ҚазАқпарат - Жалпықалалық сенбілікте Павлодар қаласында 60 мемлекеттік қызметкер мен қоғам қайраткерлері облыс әкімі Болат Бақауовтың бастамасымен Гагарин атындағы саябақта шырша мен қарағай отырғызылды, деп хабарлайды ҚазАқпарат pavlodarnews.kz. сайтына сілтеме жасап.

АСТАНА. ҚазАқпарат - Қарағандының «Сарыарқа» командасы БХЛ чемпионатында Пермьде «Молот-Прикамье» командасын ойсырата жеңді, деп хабарлайды ҚазАқпарат sports.kz. сайтына сілтеме жасап.

АСТАНА. ҚазАқпарат - Үндістан полициясы Кашмир алқабында Пәкістан барлаушылары тыңшылыққа жіберуі мүмкін деген күдікпен 150-ден астам көгершінді ұстады. Бұл туралы Khaleej Times хабарлады.

АСТАНА. ҚазАқпарат - Қазақстанның әрбір облысында инсульт орталықтарын ашу көзделіп отыр, деп хабарлады «Нейрохирургия ұлттық орталығы» АҚ басқарма төрағасы, ҚР Денсаулық сақтау және әлеуметтік даму министрлігінің штаттан тыс нейрохирургі Серік Ақшолақов.

 БІШКЕК. ҚазАқпарат - Бішкектегі Қазақстан Елшілігінің қызметкерлері және олардың отбасы Қырғызстан Республикасы Тәуелсіздігінің 25 жылдығы және Қырғызстан СІМ құрылуының 25 жылдығына орай өткізілген аспаздық және кәдесыйлық өнімдердің халықаралық қайырымдылық фестиваліне қатысты. Бұл туралы Бішкектегі «ҚазАқпарат» тілшісі хабарлады.

АСТАНА. ҚазАқпарат - АҚШ-тың Калифорния штатындағы Лос-Анджелес қаласында болған мерекелік отырыс кезінде кемінде 12 адам жарақат алды. Бұл туралы ҚазАқпарат ТАСС агенттігіне сілтеме жасай отырып хабарлайды. 

АСТАНА. ҚазАқпарат - Италиялық компания ресейліктермен бірлесіп, Қырымда теңіз суын тазалап, тұщылайтын кәсіпорын ашу мүмкіндігін қарастыруда. Бұл туралы италиялық саясаткерлер мен кәсіпкерлер делегациясының түбекке сапарын ұйымдастырған «Ялта халықаралық экономикалық форумы» қорының өкілдері хабарлады, деп жазды ТАСС.

АСТАНА. ҚазАқпарат - Рио-де-Жанейрода болған Олимпиада кезінде лаңкестік әрекет ұйымдастырмақ болды деп күдік келтірілген азаматты Бразилияның Мату-Гроссу штатындағы ерекше қорғауға алынған түрмеде онымен бірге жазасын өтеп жатқан сотталғандар өлімші етіп сабап тастады, деп хабарлайды Риа Новости.