Новости за 30.05.2016

ТАЛДЫҚОРҒАН. ҚазАқпарат - Алматы облысы Ескелді ауданында парапланерлық спорт түрінен халықаралық Азия чемпионаты басталды. Оған Қазақстанмен қатар Жапония, Үндістан, Ресей, Тайланд, Қытай және Оңтүстік Корея елдерінің спортшылары келді, деп хабарлайды облыс әкімдігінің баспасөз қызметі.

АСТАНА. ҚазАқпарат - Cabot Guns компаниясы жасы 4,6 млрд жылдық  метеорит сынығынан жасалған әлемдегі ең қымбат М1911 маркілі екі тапаншаны сатуға шығарды, деп хабарлайды Guns.

АСТАНА. ҚазАқпарат - Йоркшир графтығының тұрғыны Адам Лейтон (Adam Leyton) 24 сағатта барған елдер саны бойынша рекорд орнатты.  25 мамырда ол таңертеңгі 7-де Германиядан шығып, жолай Люксембург, Франция, Бельгия, Голландия, Дания, Швеция, Польша, Чехия, Словакия, Венгрияда болып, сапарын Австрияда аяқтады. Бұл туралы Daily mail басылымы жазады.   

АСТАНА. ҚазАқпарат - Оңтүстік Австралияда Клэр шатқалын велесипедпен аралап жүрген екі әйелге кенгуру шабуылдады. 45 жастағы Шарон Генрихтің қабырғасы сынып, ішкі құрылысына зақым келген, 47 жастағы Хелен Солтердің миы шайқалған, деп жазады Australian Associated Press.

АСТАНА. ҚазАқпарат - Қайсар Жұмабайұлы ҚР ИДМ ресми өкілі атанды. Бұл туралы Инвестициялар және даму министрі Әсет Исекешев Фэйсбуктегі парақшасында мәлім етті.

ҚАРАҒАНДЫ. ҚазАқпарат - Қарағанды облысында көпшілікке таралған пайдалы қазбаларды өндіру бойынша келісімшарт міндеттемелерін орындай алмай жүрген жер қойнауын 20 пайдаланушы анықталды. Бұл туралы облыстық өнеркәсіп және индустриялық-инновациялық даму басқармасының басшысы Төлеген Игембаев хабарлады.

АСТАНА. ҚазАқпарат - Польшада қазына тасымалдап, Екінші дүниежүзілік соғыс кезінде із-түссіз жоғалған «алтын пойызды» іздеу жұмыстары маусым айында басталуы мүмкін. Бұл туралы Polska Times газеті жазды.

АСТАНА. ҚазАқпарат - 31 мамырда Қазақстан территориясының басым бөлігінде атмосфералық фронтальды бөліктердің өтуіне байланысты кей жерлерде жаңбыр жауып, найзағай болады, желдің күшеюі күтіледі, солтүстікте, орталықта және шығыста бұршақ болуы ықтимал. Тек республиканың оңтүстігінде жауын-шашынсыз болады, деп хабарлайды Қазгидромет.

 АСТАНА. ҚазАқпарат - ХХ ғасыр басында қазақ халқы аса ауыр қасіретке толы қасаң кезеңді басынан кешірді. Ұлт басына түскен ауыр нәубетті кезеңді қазақ «ұлы жұт» деп атап кеткені де рас. Қазақ халқы санының тең жартысына жуығын жалмап кеткен осынау нәубет туралы талай шындық айтылып, талай сұмдық архивтерден аршылды. Алдымен ашаршылық қолдан ұйымдастырылып, оның соңы ұлтты тұқыртып тұқымын біржолата құрту саясатымен ұштасып, халық жаппай қуғын-сүргінге ұшырады. Осынау қазақтың басында болған қасіретке толы кезеңді ұмытпау... Читать дальше...

АСТАНА. ҚазАқпарат - Әскерилерді түскі аспен қамтамасыз етуге бюджеттін 1,5 млрд теңге бөлінеді. Бұл туралы бүгін Мәжілісте «Қазақстан Республикасының кейбір заңнамалық актілеріне қорғаныс және әскери қызмет мәселелері бойынша өзгерістер мен толықтырулар енгізу туралы» заң жобасының таныстырылымы барысында мәлім болды.

АСТАНА. ҚазАқпарат - 20 маусым күні футболдан Чемпиондар лигасы мен Еуропа лигасының іріктеу сынының бірінші жәнн екінші кезеңдерінің жеребесі тартылады, деп жазады Sports.kz.

АСТАНА. ҚазАқпарат - ҚР Ұлттық музейінде Саяси қуғын-сүргін және ашаршылық құрбандарын еске алу күніне арналған «ҚАРЛАГ» архипелагы» атты заманауи өнер туындылары көрмесі ашылды.

АСТАНА. ҚазАқпарат - Әскерилерге арналған жалға берілетін арнайы баспаналар салынады. Бұл туралы бүгін Мәжілісте «Қазақстан Республикасының кейбір заңнамалық актілеріне қорғаныс және әскери қызмет мәселелері бойынша өзгерістер мен толықтырулар енгізу туралы» заң жобасының таныстырылымы барысында мәлім болды.

АЛМАТЫ. ҚазАқпарат- Алматыда 2016 жылдың соңына дейін сауда, қызмет көрсету, коммерциялық жылжымайтын мүлік және әлеуметтік салалардың 100-ден астам нысандары пайдалануға беріледі. Бұл туралы бүгін Алматы қаласы әкімінің баспасөз қызметінен хабарлады.
Мысалы, таяуда Медеу ауданында «Манана» мейрамханасы ашылды. Оған жұмсалған инвестиция көлемі 700 миллиондай теңгені құрады. Ең бастысы, бұл нысанда тұрақты негізде 50 жаңа жұмыс орны ашылды.

АСТАНА. ҚазАқпарат - ҚР Сенат Төрағасы Қасым-Жомарт Тоқаев Қазақстанға алғаш рет ресми сапармен келген Біріккен Араб Әмірліктері Федералдық ұлттық Мәжілісінің Төрайымы Амаль Абдалла Әл-Кубейсимен келіссөз жүргізді.

АСТАНА. ҚазАқпарат - Бүгін елордадағы ҚР Ұлттық мұрағатында саяси қуғын-сүргін және ашаршылық құрбандарын еске алу күнінен арналған құжаттар көрмесі ашылды.

АЛМАТЫ. ҚазАқпарат- Алматыда МС Сайлаубекке қарсы оқ атылғаны жайлы ақпарат жалған болып шықты. Бұл туралы бүгін Алматы қалалық ІІД баспасөз қызметінен хабарлады.

АСТАНА. ҚазАқпарат - Астанада 1 шілдеге дейін бизнестің әлеуметтік жауапкершілігі жөніндегі «Парыз» конкурсына өтінімдер қабылданады, деп хабарлады қалалық әкімдіктің баспасөз қызметінен.

АСТАНА. ҚазАқпарат - Мемлекет басшысы Нұрсұлтан Назарбаев «Астана ЭКСПО-2017» Ұлттық компаниясы» АҚ басқарма төрағасы Ахметжан Есімовті қабылдады.

КӨКШЕТАУ. ҚазАқпарат - Бурабай курортында жазғы лагерге демалуға келген 9 жастағы қыздың өліміне байланысты балаларды сауықтыру орталығының медбикесі1,5 жылға сотталды. Бұл туралы облыстық соттың баспасөз қызметінен хабарлады.

АСТАНА. қазАқпарат - Жексенбі күні Қостанай қаласының орталығында есірткіге елтіген көлік жүргізушісі жолаушыларға арналған жолда екі адамды қағып өлтірді. Жедел жәрдем қызметінің оқиға орнына бірден келіп жеткеніне қарамастан, дәрігерлер олардың өміріне араша түсе алмады.

ҚАРАҒАНДЫ. ҚазАқпарат - ҚР-дағы Тәжікстан Республикасының Төтенше және Өкілетті елшісі Ализода Назирмад Қарағанды облысына болып, аймақ басшысы Нұрмұхамбет Әбдібековпен кездесті. 

АСТАНА. ҚазАқпарат - Қазақстан қор биржасында (KASE) шетел валюталарымен күндізгі сауда-саттық сессиясы аяқталды. Бүгін Қазақстан қор биржасында USDKZT_TOM, EURUSD_TOM және USDKZT_0_001 құралдарымен сауда-саттық АҚШ-та 30 мамыр мереке күні (Еске алу күні) болғандықтан жүргізілген жоқ.

АСТАНА. ҚазАқпарат - Қазақстанның 14 облысы мен Астана және Алматы қалаларында 16 аумақтық қорғаныс бригадасының басқармалары құрылады. Бұл туралы бүгін Мәжілісте «Қазақстан Республикасының кейбір заңнамалық актілеріне қорғаныс және әскери қызмет мәселелері бойынша өзгерістер мен толықтырулар енгізу туралы» заң жобасының таныстырылымы барысында мәлім болды.