Новости за 08.09.2015

АСТАНА. ҚазАқпарат - 19 қыркүйекте елордада 2015 жылғы 7 қыркүйек - 7 қазан аралығындағы «Біз таза қала үшін!» экологиялық айлығы аясында жалпықалалық сенбілік өтеді. Астана қаласы Табиғи ресурстар және табиғат пайдалануды реттеу басқармасының мәліметінше, экологиялық айлық аясында қалалық және республикалық мекемелердің қатысуымен көшет отырғызу жоспарланып отыр.

ОРАЛ. ҚазАқпарат - Батыс Қазақстан облысында «Сыбаға» бағдарламасы басталғаннан бері 404 шаруашылыққа 4219,5 млн. теңге несие берілді.

АСТАНА. ҚазАқпарат - 2016 жылы Шардараға Шымкенттен 20 минутта жетуге мүмкiндiк тумақ. Бұл туралы Шардараға сапары барысында Оңтүстiк Қазақстан облысының әкiмi Бейбiт Атамқұлов мәлiм еттi.

АҚТАУ. ҚазАқпарат - Маңғыстау облысының Мұнайлы ауданы мен Жаңаөзен қаласының емханаларында (осы екі өңір бала туу көрсеткіші бойынша көш бастап тұр) бір мезетте екі бірдей дұрыс тамақтану мектебі - ресурс орталығы ашылды.

АСТАНА. ҚазАқпарат - Ғалымдар құлшылық жасаудың адам денсаулығына пайдасы бар екенін дәлелдеді.

АСТАНА. ҚазАқпарат - НАСА сайты Күн бетіндегі ХҒС суреттерін жариялады.

АСТАНА. ҚазАқпарат - Астана-Көкшетау тас жолында бүгін жантүршігерлік көлік апаты болды. Елордадағы «Көгалдандыру құрылыс» мекемесінің 8 жұмысшысы мінген шағын автобус мерседес көлігімен соқтығысып, бір адам оқиға орнында көз жұмды. Тек жүргізуші ғана дін-аман.

ҚЫЗЫЛОРДА. ҚазАқпарат - А.Н.Сызғанов атындағы ұлттық хирургия орталығының дәрігерлері терапия саласының мамандары мен травматологтарға шеберлік сабағын өткізді, деп хабарлады Қазалы аудандық әкімдігінің баспасөз қызметінен.

АСТАНА. ҚазАқпарат - Қазақ хандығының 550 жылдық мерейтойын атап өту біздің еліміздің маңызды саяси оқиғасына айналғаны белгілі. Қазақ халқы үшін айтулы оқиғаны бауырлас Әзербайжан халқы да жіті бақылап отыр. Осы ретте танымал әзербайжандық саясаттанушы Ильгар Велизаде «ҚазАқпарат» агенттігі тілшісіне сұхбат беріп, қазақ мемлекетінің қалыптасуына қатысты өз пікірімен бөлісумен қатар шетелде, Әзербайжанда осы мәселеге қатысты не ойлайтындығын тарқата айтып берді.

АСТАНА. ҚазАқпарат - Бүгінде елімізде өнеркәсіп орындарының санының артуына орай жұмысшы мамандықтарға тапшылық байқалып отыр.

ҚАРАҒАНДЫ.  ҚазАқпарат - Қарағандыда «Жастар әлемі» атты фестиваль мәресіне жетті. Облыстың рок-топтары мен көше биінің шеберлері бас қосқан бұл фестиваль кеншілер астанасында осымен екінші рет өтіп отыр. 

АСТАНА. ҚазАқпарат - Қазақстандық ғарышкер Айдын Айымбетов ХҒС экипажы мүшелерімен өткізілген телеконференция барысында журналистердің сұрақтарына жауап берді.

ШЫМКЕНТ. ҚазАқпарат - 4 тамызда сағат 12 шамасында Сайрам ауданы, Манкент ауылында К.Д. өзінің жолдасының үйлену тойының қыдыру салтанатында көлік жүргізушісін, екі әйелді және олардың қасындағы екі жас баланы аңшы мылтығынан атқан.

АСТАНА. ҚазАқпарат - Халықаралық ғарыш стансасы экипажының мүшелері телеконференция режимінде баспасөз  өкілдерімен әңгімелесті, деп хабарлады RT.

АСТАНА. ҚазАқпарат - Аңшылар орманнан Иркутск облысындағы Братск қаласының «Русь» көтерме базасының аумағында бір аюды атып өлтірді, деп хабарлады сейсенбі күні «Интерфакс» агенттігіне құқық қорғау органдарындағы дереккөзі.

АСТАНА. ҚазАқпарат - Петербордағы Муринский даңғылының тұрғындары ішімдікке сылқия тойып, есін білмеген зейнеткердің құрбанына айнала жаздады.

АСТАНА. ҚазАқпарат - Бүгін Гродно қаласында (Беларусь Республикасы) Қазақстан, Армения, Беларусь, Қырғызстан және Ресей Федерациясының Үкіметтері өкілдері зияткерлік меншік құқығын қорғау жөніндегі іс-қимылды үйлестіру туралы шартқа қол қойды.

АСТАНА. ҚазАқпарат - Сүйген қызы үшін 305 келі салмағынан арылғанымен танымал болған Ұлыбритания тұрғыны Пол Мейсон Facebook әлеуметтік желісіндегі жеке парақшасында бұл бойжеткенмен байланысын үзгені туралы хабарлады. 

АСТАНА. ҚазАқпарат - ҚР Денсаулық сақтау және әлеуметтік даму вице-министрі Алексей Цой Ақмола, Батыс Қазақстан, Павлодар облыстарына барған жұмыс сапарында Қазақстан Республикасындағы қызылшаға қарсы қосымша иммундау науқанын өткізуге арналған әлеуметтік жұмылдыру мен ақпараттық жұмыстар жоспарын жүзеге асыру шараларын, сонымен қатар, медициналық ұйымдардың вакциналауды өткізуге дайындығын тексерді, деп хабарлады ҚР Премьер-Министрінің сайты министрліктің баспасөз қызметіне сілтеме жасап.

АСТАНА. ҚазАқпарат - Сейсенбі күні Ливанда құм бораны кезінде екі әйел қаза тапты, деп хабарлайды араб БАҚ-тары.

АСТАНА. ҚазАқпарат - Қазақстандық студенттер ХҒС-тағы А.Айымбетовпен радиобайланыс сеансын өткізді. Бұл туралы Facebook әлеуметтік желісіндегі жеке парақшасында Халықаралық ақпараттық технологиялар университетінің ректоры Дамир Шыныбеков хабарлады.

АСТАНА. ҚазАқпарат - «Астана» футбол клубының УЕФА чемпиондар лигасының топтық кезеңiне өтуiне байланысты ұйымдастырылған баспасөз мәслихатында клуб президентi Саян Хамитжанов жас футбол клубының жетiстiктерiне себеп болған бiрнеше факторды атап өтіп, елорда әкімінің қолдау көрсеткені үшін алғысын білдірді, деп хабарлады astana.gov.kz.

ОРАЛ. ҚазАқпарат - 2015-2019 жылдарға арналған «Нұрлы жол» бағдарламасына сәйкес Ұлттық қор есебінен биыл асыл тұқымды мал шаруашылығын дамыту және мал шаруашылығы өнімінің сапасы мен өнімділігін арттыруға 11 млрд. теңге, соның ішінде Батыс Қазақстан облысына 2450 млн. теңге бөлінді.

АСТАНА. ҚазАқпарат - Қазақстандық зілтеміршілер Тайландтағы Азия чемпионатында тағы бір медаль олжалады. Әйелдер арасында 63 келіге дейінгі салмақ дәрежесінде Фаина Сиванбаева құрамамызға бір қола жүлде әкелді, деп хабарлайды Vesti.kz.

АЛМАТЫ. ҚазАқпарат- Алматыдағы магистралдық жолдар мен көшелер желісінің жалпы ұзындығы қазіргі таңда 1500 шақырымнан асады. Ал 2030 жылға қарай ол, 1,5 есеге ұлғайып, 2220 шақырымды құрайтын болады.