Երիտասարդները կքննարկեն տնտեսագիտության ժամանակակից հիմնահարցերը
<strong>Այսօր ժամը 14:00-ին ԵՊՀ Տնտեսագիտության եւ կառավարման ֆակուլտետի դահլիճում (Աբովյան 52) կբացվի «Տնտեսագիտության ժամանակակից հիմնահարցեր-5» երիտասարդական գիտաժողովը:</strong><br /><br />Գիտաժողովում, որը կտեւի մինչեւ մայիսի 21-ը, քննարկումներն իրականացվելու են սեկցիոն ձեւաչափով, սեկցիաները ղեկավարում են անվանի գիտնականներ: <br /><br />Գիտաժողովի նպատակն է հնարավորություն ընձեռել երիտասարդ տնտեսագետներին ներկայացնելու մասնագիտական ոլորտում իրականացրած սեփական հետազոտությունները: Երիտասարդների վերլուծությունները կներկայացվեն տնտեսական քաղաքականություն մշակող կառույցներին: <br /><br />Գիտաժողովին մասնակցում են պատվիրակներ Ռուսաստանից, Բելառուսից, Ուկրաինաից, Տաջիկստանից, ինչպես նաեւ Հայաստանի՝ տնտեսագիտական մասնագիտություններ ունեցող գրեթե բոլոր բուհերի, ԳԱԱ տնտեսագիտության ինստիտուտի ներկայացուցիչները։ <br /><br />Գիտաժողովի կազմակերպիչներն են ԵՊՀ տնտեսագիտության եւ կառավարման ֆակուլտետը, ԵՊՀ երիտասարդ գիտնականների միավորումը եւ ԵՊՀ տնտեսագիտության եւ կառավարման ֆակուլտետի ուսանողական գիտական ընկերությունը: