Новости за 05.05.2018

Հայաստանում Ռուսաստանի դեսպանատունն անդրադարձել է Ռուսաստանի առանձին քաղաքացիների և անհատների կողմից մայիսի 5-ին արված հայտարարություններին՝ կապված Հայաստանում ստեղծված իրավիճակի հետ: «Հիշեցնում ենք, որ Հայաստանի Հանրապետությունում վերջին շաբաթներին տեղի ունեցած իրադարձությունները հանդիսանում է բացառապես Հայաստանի Հանրապետության և նրա քաղաքացիների ներքին հարցերը: Ռուսաստանի Դաշնության և Հայաստանի Հանրապետության միջև դաշնակցային հարաբերություններ կառուցելու և պահպանելու իր գործողություններում ռուսական կողմը... Читать дальше...

Վարչապետի թեկնածու, «Իմ քայլը» շարժման առաջնորդ Նիկոլ Փաշինյանը իր ֆեյսբուքյան էջում գրել է, որ աշխարհահռչակ ռոք երաժիշտ Սերժ Թանկյանը «մայիսի 7-ին, ժամը 20.05 կժամանի Երևան»։ «Պատրաստվենք դիմավորման հզոր արարողության», ֊ գրել է Փաշինյանը։

Այսօր Շիրակի պետական համալսարանի մի խումբ ուսանողներ, աշխատանքից ազատված դասախոսներ ու քաղաքացիական ակտիվիստներ բուհի ռեկտոր Սահակ Մինասյանի հրաժարականի պահանջով բողոքի ակցիա անցկացրին:

Վարչապետի թեկնածու, «Իմ քայլը» շարժման առաջնորդ Նիկոլ Փաշինյանը այսօր Ազգային ժողովում հանդիպել էր լրագրողների հետ: Ստորև ներկայացնում ենք հնչած հարցերից և պատասխաններից մի հատված:

Հայաստանի Հանրապետության առաջին նախագահ Լևոն Տեր-Պետրոսյանը «իրավական պետության կայացման կարևորագույն պայման» է համարում պատգամավորի՝ իր խղճով և համոզմունքով առաջնորդվելու իրավունքը:

Մոսկվայի կենտրոնում՝ Պուշկինսկայա հրապարակից, բերման է ենթարկվել ռուսաստանցի ընդդիմադիր գործիչ Ալեքսեյ Նավալնին:

Մայիսի 1-ին, 79-ամյա Վրանուհի Գևորգյանը կամ Լեյլա տատիկը, տասը ժամից ավելի կանգնել է Հանրապետության հրապարակում կայացած հանրահավաքի առաջին շարքերում։

Երևանի Մոնթե Մելքոնյանի անվան թիվ 11 հիմնական դպրոցի տնօրեն Ռուզաննա Ազիզյանն ազատվել է աշխատանքից: Այսօր ավելի վաղ նա հրաժարականի դիմում էր ներկայացրել։

ՖԻՖԱ-ի 2018թ. ֆուտբոլի աշխարհի առաջնությանն ընդառաջ՝ Հայաստանի միգրացիոն պետական ծառայությունը տեղեկացնում է, որ Ռուսաստանի մի շարք քաղաքներում, որտեղ տեղի են ունենալու առաջնության հանդիպումները, 2018թ․ մայիսի 25-ից հուլիսի 25-ը ընկած ժամանակահատվածում մտցված է հատուկ ռեժիմ: Միգրացիոն ծառայությունը պարզաբանում է, որ Վոլգոգրադ, Եկատերինբուրգ, Կազան, Կալինինգրադ, Մոսկվա, Նիժնի Նովգորոդ, Դոնի Ռոստով, Սամարա, Սանկտ Պետերբուրգ, Սարանսկ և Սոչի քաղաքներում մտցված հատուկ ռեժիմը ենթադրում է, որ oտարերկրյա քաղաքացիները... Читать дальше...

Մոսկվայի կենտրոնում` Պուշկինսկի հրապարակից, բերման է ենթարկվել ռուսաստանցի ընդդիմադիր գործիչ Ալեքսեյ Նավալնին: «Ազատություն» ռադիոկայանի թղթակիցը տեղից հաղորդում է, որ նա բերման է ենթարկվել հրապարակ գալուց քիչ անց: Ոստիկանությունը ուժ է կիրառել ցուցարարների նկատմամբ, սպառնալով դիմել նաև հատուկ միջոցների: Հրապարակին են մոտեցել նաև իշխանությունների աջակիցներ: Տեղի են ունցել բախումներ: Տասնյակ մարդիկ բերման են ենթարկվել: Ալեքսեյ Նավալնիի կոչով  Ռուսաստանով մեկ այսօր բողոքի ակցիաներ են անցկացվում «Նա մեր ցարը չէ» կարգախոսով... Читать дальше...

Հեղափոխության վերջնական ու տրամաբանական հաղթանակը դե յուրե արձանագրելու համար, մայիսի 8-ին վարչապետ ընտրվելուց հետո Փաշինյանի կառավարություն, ըստ վերլուծաբանների, օր առաջ պետք է փոփոխի ընտրական օրենսդրությունն ու անցկացնի արտահերթ խորհրդարանական ընտրություններ։

Թերթերի ուշադրության կենտրոնում է մնում Հայաստանում ստեղծված ներքաղաքական նոր իրադրությունը:

Թուրքիայի նախագահի մամուլի ծառայությունը հաղորդում է, որ մայիսի 6-7-ը երկօրյա այցով Թուրքիա է այցելելու Սերբիայի նախագահ Ալեքսանդր Վուչիչը: Նրս այցի ընթացքում տեղի է ունենալու Թուրքիա-Սերբիա համագործակցության խորհրդի բարձր մակարդակի առաջին նիստը: Ըստ «Անադոլու» գործակալության՝ երկկողմ համագործակցությունը զարգացնելու հարցերից  բացի քննարկվելու են նաև տարածաշրջանային և միջազգային խնդիրներ:

Երևանի հիմնադրման 2800-ամյակին ընդառաջ մեկնարկել է «Զվարթնոց Արմենիա» միջազգային օդանավակայանից դեպի Երևան մտնող ճանապարհի հարակից տարածքների բարեկարգման ծրագիրը: , ասված է Երևանի քաղաքապետարանի տեղեկատվության և հասարակայնության հետ կապերի վարչության տարածած հաղորդագրությունում: «Այս համատեքստում ճանապարհի հարակից տարածքները կստանան ավելի պատշաճ ու ներկայանալի տեսք: Ավելի քան 4,5 կմ երկարությամբ ճանապարհի հարակից տարածքներում արդեն իսկ իրականացվում են ինչպես վերանորոգման, այնպես էլ արտաքին տեսքի բարելավման աշխատանքներ»... Читать дальше...

Երևանի Մոնթե Մելքոնյանի անվան թիվ 11 հիմնական դպրոցի տնօրեն Ռուզաննա Ազիզյանն ազատվել է աշխատանքից: Այսօր ավելի վաղ նա հրաժարականի դիմում էր ներկայացրել։ Երևանի քաղաքապետարանի տեղեկատվության և հասարակայնության հետ կապերի վարչության տարածած հաղորդագրությունում ասվում է․ - «Հաշվի առնելով Երևանի Մոնթե Մելքոնյանի անվան հ.11 դպրոցի ուսուցիչների և աշակերտների դժգոհությունը տնօրեն Ռուզաննա Ազիզյանի գործունեությունից և այն հանգամանքը, որ ուսուցիչների և աշակերտների վստահությունն ու սերը չվայելող մանկավարժը... Читать дальше...

Ուկրաինայի զինվորականները պնդում են, որ այսպես կոչված «Դոնեցկի ժողովրդական հանրապետույան» ուժերը երեկ երեկոյան ականանետերից ռմբահարել են Դոնբասում գտնվող Մայորսկ, իսկ այսօր առավոտյան՝  Զայցևո գյուղի բնակելի տները:  Նաև հաղորդվում է, որ այսօր ռմբահարվել է «Գնուտովո» անցակետը, որտեղ այդ պահին տասնյակ մարդիկ են գտնվել: Տուժածների մասին հաղորդագրություններ չկան: ՄԱԿ-ի տվյալներով՝  Ուկրաինայի արևելքում հակամարտության չորս տարիների ընթացքում ավելի քան 10 հազար մարդ է զոհվել:

«Արցախա-ադրբեջանական հակամարտ զորքերի շփման գոտում անցնող 7 օրերի ընթացքում պահպանվել է նախորդ շաբաթվանից հաստատված լարվածությունը», - ասված է ԼՂ ՊՆ մամուլի ծառայության հրապարակած հաղորդագրությունում: Հաղորդագրությունում նշվում է, որ «ապրիլի 30-ից սկսած, արցախա-ադրբեջանական հակամարտ զորքերի շփման գծի տարբեր հատվածներում նկատվել են հակառակորդի կենդանի ուժի և զինտեխնիկայի կուտակումներ ու տեղաշարժեր»: «Ընդհանուր առմամբ, ապրիլի 29-ից մայիսի 5-ն ընկած ժամանակահատվածում արցախա-ադրբեջանական հակամարտ... Читать дальше...

Այսօր Ռուսաստանով մեկ բողոքի ակցիաներ են անցկացվում Վլադիմիր Պուտինի դեմ: Երկու օրից՝ մայիսի 7-ին նա նորից, արդեն չորրրոդ անգամ ստանձնելու է Ռուսաստանի նախագահի պաշտոնը: Ընդդիմադիր գործիչ Ալեքսեյ Նավալնիի կողմակիցները  Ռուսաստանի շուրջ 90 քաղաքներում դուրս են եկել փողոցներ «Նա մեր ցարը չէ» կարգախոսով: Հանրահավաքները սկսվել են արևելյան շրջաններից՝ Խաբարովսկ, Վլադիվոստոկ,  Իրկուտսկ: Յակուտսկում  ոստիկանները յոթ տասնյակից ավելի ցուցարարների  բերման են ենթարկել: Կրասնոյարսկում  ևս տասնյակ  բերման ենթարկվածներ կան... Читать дальше...

Պենտագոնը նոր ծովային հրամանատարություն է ձևավորել, որի նպատակն է հզորացնել ԱՄՆ-ի և ՆԱՏՕ-ի ներկայությունը Ատլանտյան օվկիանոսի հյուսիսային ջրերում: «Գերտերությունների միջև ուժային մրցակցությունը վերսկսվել է, Ռուսաստանի աճող ներկայությունը հարկադրում է ՆԱՏՕ-ին ուշադրությունը կրկին բևեռել Ատլանտյանի վրա», - հայտարարել է Պենտագոնի ներկայացուցիչ Ջոննի Մայքլը: «Նոր հրամանատարությունը կազմելու է տրանսատլանտյան անվտանգության առանցքը», - հայտարարել է ամերիկացի պաշտոնյան: Պենտագոնի այս քայլը արտացոլում... Читать дальше...

Հանրապետության տարածքում մայիսի 5-ից 10-ը ժամանակ առ ժամանակ շրջանների զգալի մասում սպասվում է անձրև և ամպրոպ, ամպրոպի ժամանակ քամու ուժգնացում` 15-20 մ/վ արագությամբ, առանձին հատվածներում հնարավոր է նաև կարկուտ, տեղեկացնում է Արտակարգ իրավիճակների նախարարությունը: Օդի ջերմաստիճանն էապես չի փոխվի: Երևան քաղաքում մայիսի 5-ից 10-ը ժամանակ առ ժամանակ սպասվում է անձրև և ամպրոպ:

Մոնթե Մելքոնյանի անվան թիվ 11 հիմնական դպրոցի տնօրեն Ռուզաննա Ազիզյանն այսօր հրաժարականի դիմում է ներկայացրել։ «Հրաժարականի դիմումը քաղաքապետին է տրված ընթացք տալու համար։ Կա ընթացակարգ և ամեն ինչ պետք է կատարվի օրենքի սահմաններում», - «Ազատության» հետ զրույցում ասաց Երևանի քաղաքապետարանի հանրակրթության վարչության պետ Աննա Ստեփանյանը: - «Եթե մի դպրոցում ղեկավարը սիրված չէ, առնվազն բարոյական չէ դպրոցում աշխատելը», - հավելեց քաղաքապետարանի ներկայացուցիչը: Այսօր վաղ առավոտից դպրոցի ուսուցիչները... Читать дальше...

2018 թվականի հունվար-ապրիլ ամիսներին աճել են ՀՀ պետական բյուջեից հիպոթեքային վարկի տոկոսների մարմանն ուղղվող եկամտային հարկի գումարները, ինչպես նաև օրենքի ընձեռած հնարավորություններից օգտվող անձանց թիվը, տեղեկացնում է Պետական եկամուտների կոմիտեի տեղեկատվության և հասարակայնության հետ կապերի բաժինը: «Այսպես, բնակարանի ձեռքբերման կամ անհատական բնակելի տուն կառուցելու նպատակով վարձու աշխատողի կողմից ստացված հիպոթեքային վարկի սպասարկման համար վճարվող տոկոսների մասով 2018 թվականի հունվար-մարտ ամիսներին... Читать дальше...