Новости за 31.12.2017

Սիրելի բարեպաշտ ժողովուրդ ի հայրենիս և ի սփյուռս, Մայր Աթոռ Սուրբ Էջմիածնից տարեմուտի տոնական բերկրությամբ ողջունում ենք ձեզ և բերում Հայրապետական Մեր օրհնությունը:  Մեր սրտերն այս պահին լի են բարի ակնկալիքներով, առ Տերն աղոթքով և Տիրոջ պարգևների հայցով: Բոլորիս մաղթանքն ու ցանկությունն է, որ նոր տարում ձեռքբերումներն ու ուրախությունները բազմապատկվեն, մտահոգությունները փարատվեն, զորանա մեր հայրենիքը, ամուր լինեն մեր ընտանիքները, բարօր ու ապահով ապրի աշխարհասփյուռ մեր ժողովուրդը: Նվիրական այսպիսի... Читать дальше...

«Սիրելի՛ հայրենակիցներ, Եկել է պահը հրաժեշտ տալու 2017 թվականին եւ դիմավորելու նոր՝ 2018 թվականը: Անցնող տարին եղել է բավականին հագեցած, հարուստ տարբեր իրադարձություններով ու ձեռքբերումներով: 2017 թվականին համաժողովրդական հանրաքվեի միջոցով ընդունվեց Արցախի Հանրապետության նոր Սահմանադրությունը: Բարեփոխումներ իրականացվեցին կառավարման համակարգում, որոնց նպատակն է ավելի արդյունավետ դարձնել կառավարման ոլորտը, ամրապնդել ժողովրդավարական ինստիտուտները, ընդլայնել մարդու եւ քաղաքացու իրավունքներն ու ազատությունները... Читать дальше...

«Ազատությունն» ամփոփել է անցնող տարվա գլխավոր քաղաքական զարգացումները:

Կալիֆորնիայում հունվարի 1֊ին կբացվեն մարիխուանայի տասնյակ խանութներ, երբ ամերիկյան այդ նահանգում ուժի մեջ կմտնի չափահասներին օրինական կերպով հոգեմետ անդ նյութը վաճառելու մասին օրենքը։ Կալիֆորնիայում բժշկական նպատակներով կանեփի վաճառքն օրինականացվել էր դեռ 1996 թվականին, իսկ զվարճանքի նպատակով մարիխուանայի վաճառքը օրինականացվելու է 2018֊ի առաջին օրը։  Ակնկալվում է, որ նոր տարում մարիխուանայի վաճառքի ծավալը Կալիֆորնիայում կհասնի 3,7 միլիարդ դոլարի, իսկ 2019֊ին այդ թիվը կարող է գերազանցել 5.1 միլիարդը։... Читать дальше...

Թուրքիայի նախագահ Ռեջեփ Թայիբ Էրդողանը հունվարի 5-ին մեկնելու է Փարիզ, որտեղ բանակցելու Ֆրանսիայի նախագահ Էմանյուել Մակրոնի հետ: Reuters գործակալության փոխանցմամբ, օրակարգում հիմնական հարցը Սիրիայի հակամարտության կարգավորումն է: Բացի այդ, Թուրքիայի և Ֆրանսիայի ղեկավարները կքննարկեն Մերձավոր Արևելքի տարածաշրջանի այլ հարցեր, մասնավորապես, Պաղեստինի ճգնաժամը, որը սրվել է այն բանից հետո, երբ ԱՄՆ նախագահ Դոնալդ Թրամփը Երուսաղեմը պաշտոնապես ճանաչել է որպես Իսրայելի մայրաքաղաք: Մակրոնի գրասենյակը հավելել է... Читать дальше...

Այսօր Ստամբուլում Reina գիշերային ակումբի մոտ տեղի է ունեցել սգո արարողություն, որին մասնակցել են 2017 թվականի հունվարի 1-ի ահաբեկչական հարձակման զոհերի ազգականները և բարեկամները: Ներկաները, որոնց թվում էին նաև տեղական իշխանության ներկայացուցիչները, մեկ րոպե լռությամբ հարգանքի տուրք են մատուցել զոհերի հիշատակին, ապա մահմեդական, քրիստոնեական և հուդայական կրոնավորները աղոթել են զոհերի համար: Հարձակման համար պատասխանատվություն է ստանձնել «իսլամական պետությունը», մարդկանց ինքնաձիգից գնդակահարած,... Читать дальше...

Ծագումով բրազիլացի ֆուտբոլիստ, Իսպանիայի հավաքականի կազմում հանդես եկող հարձակվող Դիեգո Կոստան, ով խզել է համագործակցությունը Լոնդոնի «Չելսիի» հետ, այսօր պաշտոնապես վերադարձել է իր նախկին ակումբ՝ Մադրիդի «Ատլետիկո», որը հիմա Լա Լիգայում միավորներով զիջում է միայն «Բարսելոնային» և գրավում է երկրորդ տեղը:

Քենիայում բեռնատար մեքենայի և ուղևորատար ավտոբուսի բախման հետևանքով զոհվել է առնվազն 36 մարդ: Ըստ նախնական վարկածի, ողբերգական պատահարը տեղի է ունեցել ավտոբուսի արգելակների անսարքության պատճառով: Քենիայում տարեկան մոտ 3 հազար մարդ է զոհվում ճանապարհային վթարների հետևանքով:

ՀՀ արտակարգ իրավիճակների նախարարությունը դեկտեմբերի 31-ին, ժամը 11:45-ին ահազնագ է ստացել, որ Արագածոտնի մարզի Թալին քաղաքի թիվ 2 դպրոցում հայտնաբերվել է ռումբ. անհրաժեշտ է փրկարարների օգնությունը: Դեպքի վայր են մեկնել մեկ մարտական հաշվարկ և մարզային փրկարարական վարչության օպերատիվ խումբը: Դպրոցում ռումբ չի հայտնաբերվել:

Վարչապետ Կարեն Կարապետյանն Ամանորի և Սուրբ Ծննդյան տոների կապակցությամբ այցելել է ՀՀ պաշտպանության նախարարության N զորամասի մարտական հենակետ, տեղեկացնում է Կառավարության պաշտոնական կայքը: Վարչապետը ծանոթացել է զինծառայողների սոցիալ-կենցաղային պայմաններին, պատասխանել նրանց հետաքրքրող հարցերին: Կարեն Կարապետյանը շնորհավորել է Հայոց բանակի զինծառայողներին գալիք տոների կապակցությամբ և շնորհակալություն հայտնել անձնվեր ծառայության համար: «Չափազանց կարևոր է, որ մենք՝ քաղաքացիական աշխատողներս, կարողանանք ստեղծել այնպիսի միջավայր... Читать дальше...

Աֆղանստանի Ջալալաբադ քաղաքում ինքնասպան ահաբեկիչը ռումբ է պայթեցրել հուղարկավորության ժամանակ՝ սպանելով 15 մարդու, վիրավորելով ևս 13-ի: Առայժմ որևէ ահաբեկչական կազմակերպությունը չի ստանձնել տեղի ունեցածի պատասխանատվությունը: Դեկտեմբերի 28-ին մայրաքաղաք Քաբուլում մի շարք պայթյուններ էին իրականացվել, դառնալով առնվազն 41 մարդու մահվան պատճառ: Այդ պայթյունների պատասխանատվությունը ստանձնել էր «Իսլամական պետություն» խմբավորումը:

Իրանում հակակառավարական բողոքի ակցիաների ընթացքում առնվազն երկու ցուցարար է զոհվել, մինչ իշխանությունները սպառնում են «երկաթե բռունցքով» ճնշել գների աճով պայմանավորված դժգոհության ալիքը: Երրորդ օրը շարունակվող բողոքի ակցիաներն ամենազանգվածայինն են 2009-ից ի վեր: Իրանական «Մեհր» գործակալությունը, հղում կատարելով Լորեստանի նահանգապետի տեղակալ Հաբիբուլլահ Խոջեսթեփուրին, հայտնել է, որ արևմտյան Դորուդ քաղաքում իրականացված անօրինական բողոքի ակցիան վերաճել է բախումների, որոնց ընթացքում երկու մարդ զոհվել է... Читать дальше...

Միասին մենք կարողացանք գրեթե իսպառ բացառել հակառակորդի դիվերսիոն հարձակումները։ Դա բանակի մարտունակության հետևողական և շարունակական ամրապնդման, ինչպես նաև թիրախային, արագ և արդյունավետ պատասխան պատժիչ գործողությունների արդյունքն էր, իր ամանօրյա ուղերձում փաստել է Հայաստանի պաշտպանության նախարար Վիգեն Սարգսյանը։ Գնահատելով անցնող տարին, պաշտպանությաննախարարը նաև արձանագրել է. ֊ «Մենք զգալիորեն համալրեցինք մեր զինանոցը՝ ձեռք բերելով ժամանակակից, հզոր ու գերճշգրիտ զինատեսակներ»։ Իր ուղերձում կարևորելով... Читать дальше...

Նախագահ Սերժ Սարգսյանի հրամանագրով ազգային և հոգևոր արժեքների պահպանման և զարգացման գործում ներդրած ավանդի համար Տեր Նավասարդ արքեպիսկոպոս Կճոյանը պարգևատրվել է «Հայրենիքին մատուցած ծառայությունների համար» 1-ին աստիճանի շքանշանով: Այս մասին տեղեկանում ենք ՀՀ նախագահի պաշտոնական կայքի հրամանագրերի բաժնից:

Նախագահ Սերժ Սարգսյանի հրամանագրով Հայաստանի Հանրապետության զինված ուժերի գլխավոր շտաբի պետ, գեներալ-լեյտենանտ Մովսես Հրանտի Հակոբյանին շնորհվել է գեներալ-գնդապետի զինվորական կոչում: Այս մասին տեղեկանում ենք ՀՀ նախագահի պաշտոնական կայքի հրամանագրերի բաժնից: