Раԥхьаӡакәны Очамчыра имҩаԥысит Ингәыштәыла акультура амшқәа
Очамчыра ихыркәшан ҩымш ицоз Ингәыштәыла акультура амшқәа. Апроект алыршан Урыстәыла акультура аминистрра, Аԥсны акультуреи акультуратә ҭынха ахьчареи рминистрра, иара убас "Россотрудничество" Аԥснытәи ахаҭарнакцәа рыцхыраарала. Актәи акультуратә мшы мҩаԥысит Аҟәа. Адырҩаҽны асасцәа Очамчыра ақалақь иаҭааит.