ზეწოლა საერთო სასამართლოს მოსამართლეებზე - მესამე სექტორის ახალი ანგარიში
სასამართლო სისტემაში არსებულ ვითარებაზე მორიგი კვლევა საერთაშორისო გამჭვირვალობა - საქართველომ გამოაქვეყნა. ანგარიში 4-წლიან პერიოდს მოიცავს და მასში იმ ხარვეზებზე და საფრთხეებზეა გამახვილებული ყურადღება, რომლის წინაშეც სასამართლო ხელისუფლება დადგა.
დოკუმენტში კონკრეტული გვარები და კონკრეტული საქმეები ფიგურირებს. მათ შორის არის რუსთავი2-ის საქმეც.
ზეწოლა საერთო სასამართლოს მოსამართლეებზე და საკონსტიტუციო სასამართლოს მხრიდან მიზანმიმართული დარღვევები, - ასეა შეფასებული ბოლო ერთი წლის ყველაზე რეზონანსული და გახმაურებული საქმის განხილვა მესამე სექტორის მიერ.
ანგარიშში საუბარია სასამართლო სისტემის კონტროლის მცდელობაზე ერთი გარკვეული ჯგუფის მხრიდან. საუბარია ლევან მურუსიძეზე. ეს ყველაფერი კი ქართული სასამართლოს კლანური მმართველობის ნიშნებს მოიცავს.
ლევან მურუსიძე არასამთავრობო ორგანიზაციისგან ოფიციალური დოკუმენტების წარდგენას ითხოვს. ის საერთაშორისო გამჭვირვალობა - საქართველოს იუსტიციის სასმართლო სისტემის მიზანმიმართულ დისკრედიტაციაში ადანაშაულებს.
ავტორი: ნატა მახვილაძე