Ўзбекистонда хизмат кўрсатган артист Фахриддин Шамсиматов “Ўзбекистон Республикаси Ички ишлар вазирлигининг 30 йиллиги” эсдалик нишони билан мукофотланди
Ўзбекистонда хизмат кўрсатган артист, актёр, режиссёр ва дубляж устаси Фахриддин Шамсиматов Ўзбекистон Республикаси Ички ишлар вазири – Пўлат Бобожоновнинг буйруғига асосан “Ўзбекистон Республикаси Ички ишлар вазирлигининг 30 йиллиги” эсдалик нишони билан мукофотланди.
Кинематография агентлиги ушбу муносабат билан Фахриддин Шамсиматовни табриклайди, ижодкорнинг кейинги фаолиятига улкан зафарлар бардавом бўлишини тилайди!
Маълумот учун, Фахриддин Шамсиматов ижодий фаолияти давомида “Осмон яқин”, “Ёзсиз йил”, “Ҳақиқат куни”, “Кўринмаслар”, “Таҳдид”, “Сардор 2”, “Маҳмудхўжа Беҳбудий” каби кўплаб бадиий ва қисқа метражли фильмларда роль ижро қилган. Актёр шунингдек, ўзбек дубляжида ўз ўрнига эга бўлиб қатор хориж фильмларининг овозлаштириш жараёнларида ҳам фаолият юритиб келади.