Трамп президентлигининг сўнгги кунида ўнлаб жиноятчиларни авф этмоқчи
Президентлигининг сўнгги кунларида рейтинги рекорд даражада 34 фоизга тушиб кетган АҚШ президенти Дональд Трамп 19 январь куни ўнлаб маҳкумларни, жумладан, жиноятчиларни авф этиши кутилмоқда.
АҚШ матбуотининг билдиришича, Трамп маҳкумлардан камида 60, кўпи билан 100 кишини авф этмоқчи. Улар орасида номи айтилмаётган рэп юлдузи ва товламачиликда айбланган шифокор ҳам бор.
Ҳозирча авф этилганлар рўйхатига Трампнинг энг яқин ҳамкори ва собиқ ёрламчиси Стив Бэннон киритилгани ёки киритилмагани номаълум. Бэннон АҚШ ва Мексика ўртасидаги чегарага девор қуриш учун пул йиғаётган фаолларни алдаб кетганликда айбланаётган эди.
АҚШ матбуоти Трамп ўзини ва фарзандларини ҳам авф этилганлар рўйхатига киритиши эҳтимол, деб таҳмин қилмоқда.
Агар Трамп ўзини ва фарзандларини авф этилганлар рўйхатига киритса, бу ҳеч қандай кучга эга бўлмайди. Чунки АҚШ қонунларига асосан у ва оиласига расмий айблов билдирилмаган. Иккинчидан, АҚШ қонунчилигида бирон бир шахсга ўз иши бўйича судья бўлиш ва ҳукм чиқариш ман этилади.