Ўзбекистонда илк жиноят қурбонларига айланган болаларни тергов қилиш учун хоналар пайдо бўлди
Комплекс уч хонадан иборат, иккитасининг ¬– оператор хонаси ва гумондор, айбланувчини бевосита тергов қилиш хонаси ўртасида Гезелла кўзгуси ўрнатилган. Учинчи хонанинг ичкариси болалар хонасидек жиҳозланган: бу ерда зўравонлик қурбони ёки жиноятга гувоҳ бўлмиш вояга етмаганлар сўроқ қилинади.
Гезелла кўзгуси билан боғланган махсус хоналар, Тергов департаменти вакиллари бизга тушунтирганларидек, гумондор (айбланувчи) билан жабрланувчи ва гувоҳлар, жумладан, болалар ўртасида тўғридан-тўғри алоқасиз равишда тергов, шахсни аниқлаш ва бошқа тергов ҳаракатларини амалга оширишга кўмак беради. Бу эса жиноят жараёни иштирокчисига айланмиш вояга етмаганларнинг такрорий руҳий шикастланиши хавфини камайтиради. Ўйинчоқлар, бўяш учун китобчалар ва ранг-баранг болалар адабиётлар бўлган оддий болалар хонасидек жиҳозланган тергов учун ажратилган махсус хоналардан бирининг ичи дўстлик атмосферасини яратади.