Чаллының Суар бистәсендә яңа мәчет ачалар
Чаллының Суар бистәсендә яңа мәчет ачылуга әзерлек эшләре төгәлләнеп килә. Бу хакта «Челнинские известия» территориаль иҗтимагый үзидарә рәисе Әнвәр Таһиров сүзләренә сылтама белән хәбәр итә.
Хәзер бистәдә яшәүчеләр мәчет тирәсендәге территорияне төзекләндерү белән шөгыльләнә. Иҗтимагый оешма җитәкчесе әйткәнчә, кояш баеганчы эшлиләр. Арткы ишегалдын төзекләндерә башлаганнар. «Безгә машиналарны куярга урын әзерләү өчен өч машина асфальт валчыгы кирәк иде», - диде Таһиров.
Мәчетне 7 октябрьдә ачарга җыеналар. Аңа кадәр, 23 сентябрьдә, дини объектның төп гөмбәзенә ярымай кую танатнасы була.
Мәчет төзү турындагы карарны бистә активистлары 2018 елда кабул иткән, 2020 елда төзелешкә керешкәннәр. Объект мәхәллә кешеләренең иганә акчасына төзелгән. Ул Чаллыда 16нчы мәчет булачак.
Мәчетнең мәйданы 81 кв.м, анда берьюлы 50 кеше сыя. Аны төзүгә 7 миллион сумнан артык акча тотылган, диелә хәбәрдә.