Пилотсыз очкычлар һөҗүм итү куркынычы сәбәпле, Калуга һәм «Внуково» аэропортлары ябылган
Пилотсыз очу аппаратлары һөҗүм итү куркынычы сәбәпле, Калуга һәм «Внуково» аэропортлары гражданнар самолетлары өчен ябылган. Бу хакта РИА Новости агентлыгы хәбәр итә.
Ашыгыч хезмәтләрдә агентлыкка белдерүләренчә, «Внуково» аэропортында һава судноларын кабул итү һәм озатуга карата чикләүләр 9.40 сәгатьтән гамәлдә. Рейсларның бер өлешен Мәскәү узелындагы башка аэропортларга җибәргәннәр.
Авиация өлкәсендәге чыганак хәбәр иткәнчә, әлеге карар очышларның иминлеген тәэмин итү максатыннан кабул ителгән.