Бөгелмә локомотив депосы 110 еллыгын билгеләп үтте
Бөгелмәдә шәһәрнең локомотив депосы оешуга 110 ел тулуны билгеләп үттеләр. Бөгелмә локомотив депосы Куйбышев тимер юлының Волга-Кама төбәгендәге иң борынгы предприятиеләрнең берсе. Бүген локомотив депосы 2 предприятиегә бүленә — ремонт һәм эксплуатация. Бу хакта «Бөгелмә авазы» хәбәр итә.
Тантаналы чара Яшьләр сарае залында узды. Бәйрәм белән Бөгелмәнең ремонт һәм локомотив депосы коллективларын Куйбышев тимер юлы вәкилләре, Бөгелмә районы дәүләт хакимияте органнары вәкилләре котлады.