Түбән Камада яшәүчеләргә яңа мәчет һәм чиркәү проектын күрсәттеләр
Узган елның көзендә Түбән Камага керү юлында шәһәр мөселманнары һәм христианнары бергәләп мәчет һәм чиркәү төзү урынына символлар салды. Монда «Дини капка» төзелә. Бу хакта Түбән Кама муниципаль районының рәсми сайтында шәһәрнең баш архитекторы Равил Сафиуллинга сылтама белән хәбәр ителә.
Омшанка елгасының уйсулыгы шәһәргә керү урыны гына түгел, ә шәһәр чите дә, монда санитар-күзәтү зонасының чиге уза һәм төзелеш алга таба бармаячак.
Мисал өчен, шәһәрнең баш архитекторы Вахитов проспекты өстендә, күзәтү мәйданчыгы оештырып, җәяүлеләр күпере белән сул һәм уң якның җәяүлеләр юлын тоташтырырга тәкъдим итә. Шулай ук ике тигез кыйммәтле гыйбадәтханәне бердәм композицион алымнарда (төс, материал) төзергә җыеналар.
«Комплексның архитектура-шәһәр төзелешенең тышкы күренеше әзер. Монда әлегә гыйбадәтханәләрнең зурлыгы шартлы рәвештә күрсәтелгән», - дип яза Равил Сафиуллин социаль челтәрдәге сәхифәсендә.
Хәзерге вакытта епархияләр белән архитектура чишелешләрен эзләү буенча уртак эш алып барыла.