ТР Хөкүмәте бер ел эчендә Татарстан Дәүләт Советына 28 закон проекты тәкъдим иткән
(Казан, 19 гыйнвар, «Татар-информ», Наталья Рыбакова). 2020 елда ТР Дәүләт Советына республиканың 28 закон проекты тапшырылган. Республика Хөкүмәтенең 2021 елга закон проекты эшчәнлеге планы 13 канун проектын үз эченә ала. Бүген ТР юстиция министры Рөстәм Заһидуллин ведомствоның Казанда узган йомгаклау коллегиясендә шул хакта хәбәр итте. «ТР Юстиция министрлыгы башкарма хакимият органнарының нормалар булдыру эшчәнлеген, шулай ук Хөкүмәтнең закон проекты эшчәнлеге планы үтәлешен координацияләүне дәвам итә. План үтәлде, 2020 елда ТР дәүләт Советына республиканың 28 закон проекты тапшырылды. 2021 елга Хөкүмәтнең закон проекты эшчәнлеге планы 13 канун проектын үз эченә ала, аларның тугызы Хөкүмәт каравына беренче кварталда тапшырылырга тиеш», - диде ул.