Новости за 29.06.2022

Бүген Кармалы авыл җирлегендә сарыкчылыкны үстерү мәсьәләләре буенча республика күчмә семинар-киңәшмәсе узды. Анда терлекчелек җиһазлары белән тәэмин итүчеләр, шулай ук сарыкчылык хуҗалыклары җитәкчеләре һәм белгечләре катнашты. Кунаклар арасында ТР авыл хуҗалыгы һәм азык-төлек министры Марат Җәббаров, аның урынбасары Ленар Гарипов һәм Түбән Кама муниципаль районы Башкарма комитеты җитәкчесе Рамил Муллин да бар иде.

Россиядә сәнәгать ипотекасы программасын инде быелгы көздә эшләтеп җибәрәчәкләр. Калган вакыт аралыгында режим тулысынча эшләнәчәк, дип сөйләде РФ Премьер-министры Михаил Мишустин. Бу хакта ул Владимир өлкәсендә «Иксэл» сәнәгать технопаркын карап йөргәндә әйтте.

Бүген КФУның «Уникс» мәдәни-спорт комплексында Казанның Н.И.Лобачевский исемендәге лицее укучылары өчен чыгарылыш кичәсе узды. Республика җитәкчелеге исеменнән чыгарылыш сыйныф укучыларын Татарстан Республикасы Дәүләт Советы Рәисе Фәрит Мөхәммәтшин котлады.

Татарстан китап нәшриятының баш мөхәррире Ленар Шәех балалар әдәбиятында Татарстан китап нәшрияты ачкан яңа исемнәрне атый алмады. Ул яңа исем буларак Тел комиссиясе игълан иткән ябык әдәби конкурста «Үсмерләр әдәбияты» номинациясендә повесте белән җиңгән билгеле шагыйрь Лилия Гыйбадуллина исемен атады.

Санкт-Петербургта татар милли ашлары фестивале оештырылды. Ул танылган аш-су остасы Юныс Әхмәтҗановка багышланды. Татарстан Республикасының Санкт-Петербург һәм Ленинград өлкәсендәге Даими вәкиллеге шул турыда хәбәр итә.

Казан мэриясе сентябрьдән балалар бакчалары җитәкчеләре өчен милли мәгариф өлкәсендә семинарлар оештырырга планлаштыра.

«Татар рухы һәм каләм» Бөтенроссия журналистлары һәм массакүләм мәгълүмат чаралары бәйгесе ел саен милли өстенлекләрне пропагандалау максатыннан оештырыла. Бәйгегә эшләр 2022 елның 30 сентяберенә кадәр кабул ителә. Бу турыда Бөтендөнья татар конгрессы хәбәр итте.

Кичә 75 яшендә Татарстан Республикасының атказанган мәдәният хезмәткәре, Дамир Сираҗиев исемендәге премия лауреаты, Әлмәт татар дәүләт драма театрының элеккеге директоры Халитова Тамара Сөләйман кызы вафат булган. Бу хакта Әлмәт театрының матбугат үзәге хәбәр итә.

2 июль көнне Барнаулда татарларның һәм башкортларның милли бәйрәме Сабантуй узачак. Ул язгы чәчү эшләре тәмамлануга багышлана. Бөтендөнья татар конгрессы шул турыда хәбәр итә.

Казан мэриясенең «Туган телләр поезды» концепциясен автобусларга күчерү нияте дә бар.

Бүген Дәүләт Думасы транспорт чараларыннан тиешсез урында чүп ташлаган өчен җәза бирү турында яңа закон кабул итте. Ярамаган урында чүп ташлаучыларга 200 мең сумга кадәр штраф салырга һәм хәтта аларның транспорт чарасын да конфискацияләргә мөмкиннәр. ТАСС шул турыда яза.

Ярты ел дәвам иткән мониторингны Татарстанның Фәннәр академиясе һәм Казан федераль университетының бәйсез экспертлары башкарып чыккан.

Казан шәһәре Башкарма комитеты җитәкчесенең урынбасары сүзләренчә, фәннәрне татарча укыту соңгы өч елда тотрыклы рәвештә 19 проценттан кимеми.

Татарстан Республикасы Президенты Рөстәм Миңнеханов видеоэлемтә аша Иран Ислам Республикасының Көнчыгыш Азәрбайҗан провинциясе Губернаторы Зәйн Әл Әбедин Рави Хөррам белән очрашты. Яклар Россия һәм Иран хезмәттәшлеге, шулай ук республика белән провинция арасында элемтәләрне дәвам итү һәм көчәйтү мөһимлеге турында фикер алышты, дип хәбәр итә Татарстан җитәкчесенең матбугат хезмәте.

Татарстанда ат үрчетүчеләр республикага якут токымлы атлар кайтартырга җыена. Дугуйдан Винокуровның Якутиядән Мәскәүгә кадәр ат өстендә экспедиция башлаганнан соң Татарстан Республикасында яшәүчеләр Саха Республикасының атлары белән кызыксына башлаган. Бу хакта «Татар-информ»да узган матбугат конференциясендә «Салкын Полюстан Ак ташлы калага» дип аталган проект башлыгы хәбәр итте.

Министр «Туган тел»дән имтихан нәтиҗәләре белән югары уку йортына кереп булмавын әйтте.

Министр һәр бакчада милли тәрбия һәм белем бирүче төркемнәргә өстенлек бирүне таләп итте.

Бүген «Татмедиа» акционерлык җәмгыяте генераль директоры Шамил Садыйков Татарстан Республикасы буенча Эчке эшләр министрлыгының ЮХИДИ пропаганда бүлеге башлыгы Рамил Әхтәмҗановка хезмәттәшлек өчен рәхмәт белдерде һәм Рәхмәт хаты тапшырды.

С каждым годом растет спрос на автомобильные перевозки, которые являются одним из маркеров потребности в хороших качественных дорогах, их сохранности.

Президент Татарстана Рустам Минниханов, выступая на VIII Всероссийском съезде учителей татарского языка и литературы, поделился мнением о проведенных Днях Татарстана в Якутии.

Август азагы-сентябрь башында интернет киңлекләрендә татар телендә «Белем» радиосы эшли башлаячак.

Төнлә Чаллыда торак йортта газ шартлау вакыйгасына бәйле рәвештә, Тикшерү комитеты «Үз-үзенә кул салуга җиткерү» маддәсе буенча җинаять эше кузгаткан.

Яшьләр өчен иң өметле һәм дәрәҗәле һөнәри өлкәләрнең берсе –  төзелеш дип саный «Россия – мөмкинлекләр иле» оешмасының генераль директоры Алексей Комиссаров. Бу турыда ул ТАСС уздырган матбугат конференциясендә әйткән.

Татарстан Президенты Казан шәһәрендә татар теленең кулланылышы буенча зур үзгәрешләр күрүен әйтте.

С 5 по 8 октября в выставочном центре «Казань Экспо» пройдет II Международный чемпионат по промышленному строительству.