Новости за 02.06.2022

Нурлатта 11 июньдә узачак Сабантуена зур программа әзерләнгән. Быелгы бәйрәмдә понилар чабышы да булачак, программаны ат спорты мәктәбе укучылары тәкъдим итә.

«Сарман РҮХ» ДАССУ баш табибы Галимов Айрат Илдар улы Мактауга лаеклы хезмәте, сәламәтлек саклауда нәтиҗәле хезмәте һәм югары күрсәткечләре, Гиппократ традицияләренә тугрылык өчен Россиянең иң яхшы медицина хезмәткәрләре исемлегенә кертелде һәм Гиппократ ордены кавалеры булды.

Татарстан балалар бакчаларында урыннар саны анда эләгергә теләүчеләр саныннан артып китә, әмма чынлыкта урыннар җитми. Моның сәбәбен Татарстан Мәгариф һәм фән министрлыгының Мәгариф өлкәсендә күзәтчелек һәм контроль департаменты җитәкчесе Рәмис Мөҗипов аңлатты. Бу турыда ул бүген Татарстан Республикасында төбәк иҗтимагый кабул итү бүлмәсенең социаль челтәрдәге аккаунтында оештырылган туры эфирында сөйләде.

«Ярмәк вагы»н физик яктан биергә авыр, ул күп көч таләп итә. Үзенең ритмнары бар, дәртләндереп җибәрә», - диде хореографлар.

Иртәгә, 3 июньдә, Татарстанда эссе һава торышы саклана. Бу хакта республиканың Гидрометеорология үзәге хәбәр итә.

Россиядә ИТ-өлкәдә эшләүчеләр өчен ташламалы ипотека ставкасын кайсыбер төбәкләрдә 1 процентка кадәр киметүләре ихтимал. Бу турыда Россия Цифрлы үсеш, элемтә һәм массакүләм коммуникацияләр министрлыгы башлыгы Максим Паршинга сылтама белән РИА Новости яза.

Быел «Уяв» чуваш мәдәнияте республика бәйрәме Әлки районының Сихтермә-Хузангай авылында узачак. Бәйрәм 10 июльгә билгеләнгән.

Россия Президенты Владимир Путин Татарстан Президенты аппараты җитәкчесе Әсгать Сәфәровны III дәрәҗә «Ватан алдындагы казанышлары өчен» ордены белән бүләкләү турындагы указга кул куйды. Документ хокукый мәгълүматның рәсми интернет-порталында чыкты.

Бүген Татарстан Республикасы Дәүләт Киңәшчесе Минтимер Шәймиев татар театры тарихына багышланган «Шәрык клубы» интерактив мультимедиа комплексын карады.

Татарстан Республикасы Хөкүмәте Йортында Татарстан Республикасы Премьер-министры Алексей Песошин рәислегендә «Татэнергосбыт» АҖ Директорлар советының чираттагы утырышы узды.

Перуда беренче тапкыр татар халкының милли бәйрәме Сабантуйны билгеләп үттеләр. Чараны Татарстаннан күченеп китүчеләр оештырды.

Idel.Реалии Путин сугышына каршы ачык хат таратканы өчен эштән җибәрелгән профессор Наил Фаткуллин белән әңгәмә корган. Укытучы бу хатны язуына үкенмәвен әйткән.

Ростуризм отельерларга гына түгел, туроператорларга да өстәмә кыйммәткә нульле салым кертергә планлаштыра, дип белдерде ведомство җитәкчесе урынбасары Елена Лысенкова. РИА Новости шул хакта яза.

Казан Кремленең Спас манарасындагы торгызу эшләрен аның төп символы – алтын йолдызны яңартудан башка төгәлләү мөмкин түгел. Якын арада аны аска төшерәчәкләр һәм борынгы объектларны эшләү буенча тәҗрибәсе зур булган осталарга тапшырачаклар. Бу хакта «Татар-информ» агентлыгына мәдәни мирас объектларын саклау буенча Татарстан комитеты җитәкчесе Иван Гущин сөйләде.

ТР Дәүләт Советының Социаль сәясәт комитеты рәисе Светлана Захарова фикеренчә, яман шеш белән авырган баланың хәле кискен авыр булса, чит ил табиблары да коткарып калмаска мөмкин.

Республика балалар клиник хастаханәсе җитәкчелеге Балалар онкологиясе, гематология һәм хирургия үзәгенең төбәкара статус алуын тели. Бу мәсьәлә бүген ТР Дәүләт Советының Социаль сәясәт комитеты утырышында билгеле булды.

Якын киләчәктә Республика балалар клиник хастаханәсенең Балалар онкологиясе, гематология һәм хирургия үзәгендә сөяк мие күзәнәкләрен күчереп утырту планлаштырыла. Бу хакта Республика балалар хастаханәсе баш табибы Айрат Зыятдинов әйтте.

«Аэрофлот» авиакомпаниясе 1 июньнән Казан һәм Россиянең башка шәһәрләреннән Сочига туры рейслар ачты. Бу хакта авиакомпаниянең матбугат хезмәте хәбәр итә.

Иртәгә 14.00 сәгатьтә Казанның Ислам мәдәнияте музеенда «Ун васыять. Автор билгеле» дип исемләнгән күргәзмә ачыла. Дөнья мәдәнияте һәм диннәре тарихы музее фондларының (Дагыстан Республикасы, Дербент шәһәре) күчмә күргәзмәсенең премьерасы Казанда «Иҗади кешеләр» милли проектын гамәлгә ашыру кысаларында үткәрелә.

Прием был организован в общественной приемной Нурлатского местного отделения партии “Единая Россия”

Иртәгә Республика балалар клиник хастаханәсенең Балалар онкологиясе, гематология һәм хирургия үзәгендә мөселманнар өчен гыйбадәт бүлмәсе ачылачак.

Первыми к косовице трав приступили в хозяйстве «Сулейманов».

Татарстанда кичәге тәүлектә күзәтелгән бераз үсештән соң, коронавирус белән авыручылар саны тагын кими башлады. Тәүлек эчендә Covid-19 белән чирләүнең яңа 116 очрагы теркәлгән, кичә бу күрсәткеч бишкә күбрәк иде. Стопкоронавирус.рф сайтында шундый мәгълүмат урнаштырылган.

Хәния Фәрхинең сеңлесе Фирүзә Ибәтуллина җырчыга туган ягында – Башкортстанның Югары Тәтешле авылында куелган һәйкәлне тәнкыйтьләмәүне сорады.

Быел мари халкының «Семык» традицион бәйрәме Әгерҗе районының Кадрәк авылында 4 июньдә уза. Бәйрәм 11.00 сәгатьтә башлана.