Новости за 21.09.2020

(Чирмешән, 21 сентябрь, «Татар-информ», «Безнең Чирмешән» , Кадыйр Гомәров). Бу көннәрдә Чирмешән районының Иске Үтәмеш авылында яшәүче Фәләхетдиновлар йортыннан кеше өзелми. Алар янәшәсендәге бакчада асралучы дөяләрне күрергә киләләр. Бу хәл Рәис абый Фәләхетдиновның Чаллыда яшәүче улы Радик белән бәйле. Ул күчмә циркта башкарма директор икән. Аюларын, күгәрченнәрен, этләрен, башка хайваннарын төрле төбәкләрдә күрсәтеп йөриләр, ди. «Коронавирус таралу куркынычы сәбәпле, цирк та төрле чикләүләргә дучар. Читать дальше...

(Актаныш, 21 сентябрь, «Татар-информ», «Актаныш таңнары» ). Аскы Актанышта капиталь төзекләндерүдән соң 5нче «Кояшкай» балалар бакчасы-мәктәп ачылды. Төзекләндерү эшләренә республика программасы нигезендә  9 миллион  сумнан артык акча бирелгән. Бу турыда Актаныш районы мәгълүмат үзәге хәбәр итә. Яңартылган  белем һәм тәрбия бирү учреждениесендә төзекләндерү барышында түбә яңартылган, тәрәзә, ишекләр алыштырылган, җылылык, су-канализация челтәре, янгынга каршы саклану системасы, идәннәр тулысынча яңартылган. Читать дальше...

(Казан, 21 сентябрь, «Татар-информ»). 20 сентябрь көнне Кукмара мәдрәсәсендә быел укырга керүчеләр өчен беренче оештыру җыелышы үткәрелде. Чара илебездәге эпидемиологик вазгыятьне исәпкә алып, санитар нормаларны үтәп оештырылды. Бу хакта ТР Диния нәзарәте матбугат хезмәте хәбәр итә. Шулай итеп, Кукмара төбәге һәм якын тирәдәге районнар өчен дини гыйлем бирү үзәге вазифасын үтәүче Кукмара мәдрәсәсе 23нче уку елын башлап җибәрде. Җыен Коръән аятләре укып, дога кылудан башланды. Аннары сүз Кукмара... Читать дальше...

(Казан, 21 сентябрь, «Татар-информ»). Тинчурин театрында «Я могу! Творчество без границ» инвалид һәм сәламәтлеге чикле балалар өчен бөтенроссия конкурсы призерларын котлау тантанасы узды. Бу хакта театрның матбугат үзәге хәбәр итә. Казан дәүләт мәдәният институты оештырган бөтенроссия конкурсы җиңүчеләренә дипломнарны институтның Театр, кино һәм телевидение факультеты деканы, социология фәннәре докторы, профессор Дилә Дәүләтшина тапшырган. Конкурсның «Театраль иҗат һәм сәнгатьле уку» номинациясендә... Читать дальше...

(Казан, 21 сентябрь, «Татар-информ»). Хәзерге вакытта Россиядә Covid-19 коронавирусы белән зарарлану очракларының артуы өстәмә чикләүләр кертүне таләп итми, чөнки тулаем алганда, хәл тотрыклы кала. Бу хакта журналистларга Роспотребнадзор җитәкчесе Анна Попова хәбәр итте, дип җиткерә ТАСС. «Без сентябрьнең икенче декадасында саннар үзгәрәчәге хакында берничә тапкыр сөйләштек. Алар бүген шулар инде < ... >», - дип искәртте ведомство башлыгы Бөтендөнья сәламәтлек саклау оешмасының Европа региональ... Читать дальше...

(Казан, 21 сентябрь,«Татар-информ»). Чаллыда ир-ат әнисенең күршесен пычак кадап үтергән, ул аңарга шау-шу куптармаска кушкан булган. Бу хакта Россия Тикшерү комитетының ТР буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте. Тикшерү фаразы буенча, 43 яшьлек ир-ат әнисе янына иртә таңнан килгән. Ул фатир ишеген шакылдатып, йөз сум акча сорап кычкыра башлаган. Тавышка әнисенең 48 яшьлек күршесе чыккан һәм исереккә кисәтү ясаган. Тегесе кискен җавап биргән һәм ир-атлар арасында ызгыш купкан. Читать дальше...

(Казан, 21 сентябрь, «Татар-информ»). Татарстанның Дәүләт төзелеш күзәтчелеге инспекциясе өч балалар бакчасының ничек төзелүен тикшерде. Мәктәпкәчә белем бирү учреждениеләре инде югары әзерлек дәрәҗәсендә. Бу хакта ведомствоның матбугат хезмәте хәбәр итә. Инспекторлар кайбер җитешсезлекләрне ачыклады. Подрядчылар барысын да якын арада төзәтергә сүз бирде. Барлык кисәтүләрне төзәткәннән соң, балалар бакчалары проект документларына туры килү турында бәяләмә алачак. Казанда урнашкан ике балалар бакчасын... Читать дальше...

(Казан, 21 сентябрь,«Татар-информ»). Бу атна уртасында Татарстанга озак көтелгән җылылык киләчәк. Бу хакта ТР Гидрометеорология үзәге тарафыннан таратылган фараздан күренә. Чәршәмбе, 23 сентябрьдә, төнлә урыны белән бераз яңгыр яварга мөмкин, әмма көндез атмосфера басымы арту белән явым-төшемнәр туктаячак. Шул ук вакытта көчле җил исүе дәвам итә, вакыты белән ул 15-20 метрга җитәчәк. Төнлә һава температурасы 6-11 градуска кадәр җитә, көндез һава +13, +18 градуска кадәр җылыначак, дип билгеләп үтә синоптиклар. Читать дальше...

Халык протестлары шартларында кишәрлектә эшчәнлек өчен сәбәп күрмибез дип белдергән ширкәт вәкилләре.

(Казан, 21 сентябрь, «Татар-информ»). Татарстанда авыл хуҗалыгы бердәм белем бирү платформасы эшли башлады. Ул аграрийларны укыту өчен булдырылган. Бушлай сынау дәресләренә теркәлү башланды инде. Бу хакта Татарстан Республикасы Авыл хуҗалыгы һәм азык-төлек министрлыгы матбугат хезмәте хәбәр итә.  «Ресурс агросәнәгать комплексы өлкәсендә яңа белемнәр алырга, заманча технологик карарлар һәм күнекмәләрне практик куллану өчен инструментлар алырга мөмкинлек бирәчәк. Аграрийлар өчен сайланган өлкәдә осталыкны... Читать дальше...

(Казан, 21 сентябрь, «Татар-информ»). Россия Президенты Владимир Путин судьялар окладларын арттыру турындагы указга кул куйды. Тиешле документ хокукый мәгълүматның рәсми интернет-порталында урнаштырылган. Бу хакта РИА Новости хәбәр итә. Указ нигезендә, 2020 елның 1 октябреннән Россия Федерациясе Конституция суды, Югары суд, гомуми юрисдикциядәге федераль судлар һәм федераль арбитраж судлары судьяларының вазифаи окладлары өч процентка арта. Федерация субъектларының җәмәгать судьяларының окладлары шул кадәр үк күләмдә артачак.

(Казан, 21сентябрь, «Татар-информ»). Ютазы районында чит ил машинасы юл кырыена төшеп киткән, пассажирын ашыгыч ярдәм машинасында хастаханәгә алып киткәннәр. Бу хакта «Татар-информ»га юл-транспорт һәлакәте шаһитлары хәбәр итте. Авария Урыссу бистәсеннән ике чакрым ераклыкта була. «Хендэ Солярис» трассадан кюветка очкан, машинага шактый зыян килгән. Юл-транспорт һәлакәтендә автомобиль пассажиры зыян күргән. «Ашыгыч ярдәм килеп, пассажир утыргычында булган хатын-кызны хастаханәгә алып киттеләр», - дип сөйләде шаһитлар.

(Казан, 21 сентябрь, «Татар-информ», Наталья Рыбакова). Казанда ахондроплазиядән җәфа чигүче Идел буе төбәгендә яшәүче кешеләрнең беренче съезды узды. Аны «Иман нуры» мәчетенең хәйрия бүлеге җитәкчесе, ТР Хезмәт, халыкны эш белән тәэмин итү һәм социаль яклау министрлыгының җәмәгать ярдәмчесе - «Фәрештә Регина» буларак билгеле Регина Иванова үткәрде. «15 кеше җыю планлаштырылган иде, әмма ун кеше генә килде. Кызганыч, биш кеше килә алмаган. Миңа калса, алар ояладыр, мондый очрашуга әзер түгелләрдер. Читать дальше...

(Казан, 21 сентябрь,«Татар-информ»). Буа шикәр заводы 3,5 мең тоннадан артык шикәр җитештергән. Чималның шикәрлелеге 16,5 процент тәшкил итә. Бу хакта Татарстан Республикасы Авыл хуҗалыгы һәм азык-төлек министрлыгы матбугат хезмәте хәбәр итә. Буа заводы шикәр чөгендерен кабул итүгә 12 сентябрьдә кереште. Барлыгы 55 мең тоннадан артык татлы тамыр кайтарылды, шуның 25 мең тоннадан артыгы эшкәртелгән. Буа шикәр заводы директоры Валерий Погребный сүзләренә караганда, предприятие тәүлегенә йөк белән... Читать дальше...

(Казан, 21 сентябрь,«Татар-информ»). Ижевскида #ТелБел хештегы белән яңа өйрәнүчеләр өчен татарча сөйләшү дәресләре старт алды. Удмуртия Республикасының «Иман» татар яшьләре берлеге аларны өченче ел рәттән оештыра. Дәресләр атнага бер тапкыр Халыклар дуслыгы йортында уза. Бу хакта Бөтендөнья татар конгрессы матбугат хезмәте хәбәр итә. «Яңа өйрәнә башлаучылар өчен булган сөйләм татар теле дәресләре белән кызыксынучылар саны арта бара һәм бу сөендерә. Әгәр дә туган телеңне белмисең икән, аны өйрәнергә телисең икән, ул чакта син безгә кил. Читать дальше...

(Казан, 21 сентябрь, «Татар-информ», Екатерина Пронина). Чаллы янындагы трассада исерек килеш машина йөртү аркасында өч автомобиль бәрелешкән, шоферларның берсе хастаханәдә. Бу хакта «Татар-информ»га Автошәһәрдәге үз хәбәрчесе сөйләде. Узган шимбәдә кич сәгать тугызынчыда «Чаллы — Зәй — Әлмәт» юлында транспорт һәлакәте булган. «Хендэ Солярис» руле артында утырган 34 яшьлек ир-ат исерек була һәм алда баручы «Лексус»ка кадәр булган дистанциягә игътибар итми. Автомобильләр бәрелешә. «Инерция буенча... Читать дальше...

(Казан, 21 сентябрь, «Татар-информ»). Татарстан Президенты Рөстәм Миңнеханов 11-13 сентябрьдә президент сайлауларында үз көндәшләре белән эшлекле очрашу уздырды. Республика җитәкчесе аларга татарстанлыларның проблемаларын хәл итү өчен көчләрне берләштерергә тәкъдим итте. Бу хакта ТР Президенты матбугат хезмәте хәбәр итә. «Сезнең адреска сайлаучылардан – безнең республикада яшәүчеләрдән мөрәҗәгатьләр килде, алар буенча эшкә алынырга әзерме. Сәяси үзенчәлекләргә карамастан, без республикада яшәүче кешеләр файдасына эшләргә тиеш»... Читать дальше...

(Казан, 21 сентябрь, «Татар-информ»). «Әкият» курчак театрында «Әлфия» спектаклен тифлокомментарий белән карап булачак. Бу хакта «Татар-информ»да үткән матбугат конференциясендә Сукырлар һәм күрмәүчеләр өчен республика китапханәсенең бүлек мөдире, тифлокомментатор Гөлүсә Закирова хәбәр итте. Яңа театр сезонында Казанның өч татар театры тифлокомментарийлар белән спектакль күрсәтү буенча грантлар откан. Болар — Камал театры, Кариев театры һәм «Әкият» курчак театрлары. «Әлфия» музыкаль спектаклендә сүзләр бөтенләй юк... Читать дальше...

(Казан, 21 сентябрь, «Татар-информ»). Татнетны үстерү фонды  һәм  Татарстан Язучылар берлеге «Әдәби марафон»да катнашырга чакыра. Тугызынчы марафоннан башлап иң күп марафончы катнашкан районга бәйгенең кубогы тапшырыла, шулай ук иң актив мәктәп мини-кубок белән бүләкләнәчәк. Татар әдәбиятына карата иң зур кызыксыну уяткан һәм мәхәббәт тәрбияләгән кешеләр #әдәбиәйдаман статусына ия булалар. Унберенче марафоннан башлап марафонда катнашучыларның иң яхшы иҗат җимешләрен сайлап алып  « Миллион татар »  журналында урнаштырыла. Читать дальше...

(Казан, 21 сентябрь, «Татар-информ»). Казанда татар һәм рус телләрендә ун спектакльне тифлокомментарийлар белән карарга мөмкин. Бу хакта «Татар-информ»да үткән матбугат конференциясендә Сукырлар һәм күрмәүчеләр өчен республика китапханәсенең бүлек мөдире, тифлокомментатор Гөлүсә Закирова хәбәр итте. Республикада театр сезоны башлану белән күрмәүчеләр өчен тифлокомментарийлы спектакльләр дә күрсәтелә башлады. Әлеге спектакльләр Алишер Усмановның «Үзгә караш» («Особый взгляд») фонды ярдәмендә тормышка ашырыла. Читать дальше...

Русия югары мәхкәмәсе карары белән егерме мөселман Русиядә тыелган "Хизб ут-Тәхрир" оешмасында катнашуда гаепләнеп 10 елдан алып 24 елга кадәр төрмәгә хөкем ителде.

(Казан, 21 сентябрь, «Татар-информ»). Татарстан Республикасы Президенты Рөстәм Миңнеханов Конго Демократик Республикасы делегациясе әгъзалары белән эшлекле очрашу уздырды, хезмәттәшлекнең перспектив юнәлешләре турында фикер алышты. Бу хакта ТР Президенты матбугат хезмәте хәбәр итә. Рөстәм Миңнеханов билгеләп үткәнчә, Татарстан Россия-Конго мөнәсәбәтләре үсеше белән кызыксына. Аның сүзләренчә, республиканың Конго компанияләре белән нефть химиясе, энергетика, машина төзелеше һәм башка тармакларда элемтәләрне үстерү өчен зур потенциалы бар. Читать дальше...

(Казан, 21 сентябрь, "Татар-информ"). 2010 елдан бирле ел саен үткәрелеп килә торган « Белем җәүһәрләре » дип исемләнгән XI Дөньякүләм татарча интернет-проектлар бәйгесендә җиңүче ноутбук ота ала. Бу хакта оештыручылар хәбәр итә. Гаризалар 30 нчы сентябрьгә кадәр кабул ителә. Бәйгенең нигезләмәсе белән әлеге сылтама аша танышырга була, гариза тапшыру өчен сылтама . Бәйге үз эченә түбәндәге номинацияләрне ала: .tatar доменында иң файдалы һәм популяр интернет-проект; ВКонтакте социаль челтәрендә... Читать дальше...

В учреждении дополнительного образования детей города Нурлат в настоящий момент 825 учащихся, 125 из них - на первом году обучения.

(Казан, 21 сентябрь, «Татар-информ»). Россиядә эпидемиянең икенче дулкыны вакытында Covid-19 коронавирусы белән авыручылар саны ноябрь азагы-декабрь башына туры киләчәк. Әлеге чирдән дару җитештерә торган «Р-Фарм» компаниясе хуҗасы Алексей Репик шундый фараз бирә. Бу хакта Forbes журналы яза.  Бизнесмен фикеренчә, ел ахырына Россиядә авыручылар саны ике тапкыр артачак һәм 2 млн кешегә җитәчәк. Хәзерге вакытта зарарланган кешеләр реаль саны рәсми рәвештә билгеле булган инфекциялеләр саныннан ике яки өч тапкыр артып китәргә мөмкин. Читать дальше...