Новости за 16.04.2020

(Чирмешән, 16 апрель, «Татар-информ», «Безнең Чирмешән», Кадрия Гамирова). Чирмешән урман хуҗалыгы хезмәткәрләре үсентеләр утырту, урманнарны янгыннардан саклап калу өчен җиң сызганып эшкә кереште. Бу турыда район басмасы хәбәр итә.

(Казан, 16 апрель, «Татар-информ»). Дөньяда яңа коронавирус йогышы (COVID-19) таралу куркынычын кисәтү һәм киметү буенча чараларны тормышка ашыру кирәклеген исәпкә алып, йөкле хатыннарга бала туганчы скрининг үткәрү тәртибен искә төшерәләр. Мондый тикшерү яралгының һәм яңа туачак баланың тумыштан килгән аномалияләрен диагностикалау максаты белән оештырыла. Татарстан Сәламәтлек саклау министрлыгы пренаталь диагностика үткәрү кагыйдәләре турында хәбәр итә.

(Казан, 16 апрель, «Татар-информ», Гөлнар Гарифуллина). Апрель азагына кадәр мәктәп укучыларына ризык җыелмалары биреләчәк. Бу хакта Татарстан Дәүләт Советында Мәгариф, мәдәният, фән һәм милли мәсьәләләр комитеты утырышында Татарстанның мәгариф һәм фән министрының беренче урынбасары Илсур Һадиуллин әйтте.

(Чаллы, 16 апрель, «Татар-информ», Эльвира Мөхәммәтдинова). Чаллыда коронавирус инфекциясе йоктырган кешеләр яшәгән торак йортлар исемлеге дигән хәбәр социаль челтәрләрдә таралган иде. Әлеге исемлекне Чаллы башкарма комитеты ялган дип атады.

(Казан, 16 апрель, «Татар-информ»). Мәҗит Гафури исемендәге Башкорт дәүләт драма театрының «Зөләйха күзләрен ача» спектакле Пушкин фестивалендә катнашачак. Бу хакта «Башинформ» хәбәр итә.

(Казан, 16 апрель, «Татар-информ», Гөлнар Гарифуллина). Быел Татарстан мәктәпләрендә Бөтенроссия тикшерү эшләре үткәрелмәячәк. Бу хакта Татарстан Дәүләт Советында Мәгариф, мәдәният, фән һәм милли мәсьәләләр комитеты утырышында Татарстанның мәгариф һәм фән министрының беренче урынбасары Илсур Һадиуллин әйтте.

(Казан, 16 апрель, «Татар-информ», Гөлнар Гарифуллина). Татарстан Республикасы мәгариф һәм фән министрының беренче урынбасары Илсур Һадиуллин «Татар-информ» хәбәрчесенә дистанцион уку чорында укучыларның өйдә мәктәп формасыннан укуына карата фикерен белдерде.

(Казан, 16 апрель, «Татар-информ», Зилә Мөбәрәкшина). Казан федераль университетының Филология һәм мәдәниятара багланышлар институтының дизайн бүлеге студенты һәм югары уку йорты хезмәткәрләре инстаграмда Габдулла Тукай битлеген уйлап тапкан. Бу хакта «Татар-информ» хәбәрчесенә Габдулла Тукай исемендәге Милли мәдәният һәм мәгариф югары мәктәбе деканы урынбасары Дамир Хөснетдинов хәбәр итте.

(Казан, 16 апрель, «Татар-информ», Гөлнар Гарифуллина). Быел тугызынчы сыйныфны тәмамлаучы укучылар тиешле булган дүрт төп дәүләт имтиханының икесен генә тапшырачак. Бу хакта Татарстан Дәүләт Советында Мәгариф, мәдәният, фән һәм милли мәсьәләләр комитеты утырышында Татарстанның мәгариф һәм фән министрының беренче урынбасары Илсур Һадиуллин әйтте.

(Казан, 16 апрель, «Татар-информ»). Ханты-Мансийск автономияле округының Югра милли-мәдәни оешмалары рәисләре «Югра. Өйдә калабыз» акциясен башлап җибәрде. Бу хакта Бөтендөнья татар конгрессы матбугат хезмәте хәбәр итә.

(Казан, 16 апрель, «Татар-информ»). Россия Президенты Владимир Путин, ил төбәкләрендәге проблемалы йортларны төзеп бетерү өчен, Өлешчеләр хокукын яклау фондына өстәмә рәвештә 30 млрд сум акча бүлеп бирергә кушты. Бу хакта дәүләт башлыгы төзелеш тармагын үстерү мәсьәләләре буенча киңәшмәдә хәбәр итте.

(Казан, 16 апрель, «Татар-информ»). Татарстан халкы үз-үзеңне изоляцияләү чорында өйдән чыгу өчен цифрлы пропускны СМС-сервис ярдәмендә яки интернет аша ала ала.

(Казан, 16 апрель, «Татар-информ»). Россия Президенты Владимир Путин Россия Хөкүмәтенә апрель ахырына кадәр хезмәткәрләрен саклап калу шарты белән, төзелеш компанияләренә ташламалы кредит бирү программасын башлап җибәрергә кушты. Бу хакта дәүләт башлыгы төзелеш тармагын үстерү мәсьәләләре буенча киңәшмәдә хәбәр итте.

Пасха — праздник религиозный и одновременно — семейный. К нему готовятся: убирают и украшают дом, готовят традиционные блюда. Главный десерт на Пасху — кулич. Предлагаем попробовать наш, — на оливковом масле.

(Казан, 16 апрель, «Татар-информ», Гөлнар Гарифуллина). Спас районында коронавирус белән бәйле изоляция вакытында тугыз аз комплектлы мәктәп ачылган. Бу хакта Татарстан Дәүләт Советында Мәгариф, мәдәният, фән һәм милли мәсьәләләр комитеты утырышында Татарстанның мәгариф һәм фән министрының беренче урынбасары Илсур Һадиуллин әйтте.

(Казан, 16 апрель, «Татар-информ»). Мөслим районының Мөслим авылында Мәрьям Саламаева үстерә торган тавыклар яшел һәм зәңгәр төсле йомырка сала. Аның әтәч белән 16 тавыгы бар, шуларның бишесе һәркөнне төсле йомыркалар салып, хуҗабикәне сөендерә. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итте.

(Казан, 16 апрель, «Татар-информ»). «Вектор» фәнни үзәге генераль директоры Ринат Мәксутов һәм вакцина уйлап табу белән шөгыльләнүче галим Илназ Иматдинов турында гарәп интернет-басмалары язган. Бу хәл «Россия 1» каналында Наилә Аскер-заденың «Куркыныч вирус-2» фильмы чыкканнан соң булды. Россия мөселманнары Диния нәзарәте сайтында шул хакта хәбәр ителә.

(Казан, 16 апрель, «Татар-информ»). Төзелеш тармагына ярдәм итү һәм Россия халкының торак шартларын яхшырту өчен илгә ташламалы ипотека программасы кирәк. Бу хакта Россия Президенты Владимир Путин төзелеш тармагын үстерү мәсьәләләре буенча киңәшмәдә хәбәр итте.

(Чаллы, 16 апрель, «Татар-информ», Эльвира Мөхәммәтдинова). Чаллыда 96 яшендә ТАССРның атказанган сәнгать эшлеклесе, тыл ветераны, Чаллының мактаулы гражданины, сәнгать училищесының беренче директоры Зөфәр Мостафин вафат булды.

Татарстанның 78 торак пунктында интернет юк, 29 авылда кәрәзле элемтә урнаштырылмаган. Дүрт мәктәп интернет челтәренә тоташтырылмаган. Бу авылларда балалар дәресләрне китаплардан узалар.

Русия президенты Кызыл мәйданда парад һәм “Үлемсез полк” йөреше 2020 елда узачак дип белдерде.

(Казан, 16 апрель, «Татар-информ», Рузилә Мөхәммәтова). «Зөләйха күзләрен ача» фильмының икенче сериясендә сөргенгә озатылучылар исемлегендә мөселман эшлеклеләре исеме яңгырый, әмма фильмда катнашучы татар артитларына ул исемнәр ишетелмәячәге турында әйтелгән. «Татар-информ» хәбәрчесенә бу хакта Тинчурин театры актеры Ренат Шәмсетдинов әйтте.

(Казан, 16 апрель, «Татар-информ», Наталия Никифорова). Татарстанда көчле җил вакытында сынган агач 5 яшьлек бала өстенә төшкән. Кыз бала урында ук үлгән. Бу хакта Россия Тикшерү комитетының Татарстан Республикасы буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

(Казан, 16 апрель, «Татар-информ»). Россия Президенты Владимир Путин быел Җиңү парадын уздыру вакытын кичектерде. Бу турыда РИА Новости хәбәр итте.

(Казан, 16 апрель, «Татар-информ»). XVI Казан халыкара мөселман киносы фестивале 4 — 9 сентябрь көннәрендә үтәчәк. Бу хакта фестивальнең матбугат үзәге хәбәр итә.