Опубликовать свою новость бесплатно - сейчас




Загрузка...

Marylylar nagt ýetmezçiligine nägilelik bildirip, häkimler bilen duşuşmaga synanyşdy

17
Marylylar nagt ýetmezçiligine nägilelik bildirip, häkimler bilen duşuşmaga synanyşdy

Mary welaýatynyň birnäçe etrabynyň ýaşaýjylary bankomatlarda nagt pul ýokdugy sebäpli ilki etrap, soňra-da welaýat häkimlikleriniň öňünde ýygnandylar. Olar bu meseläni çözüp bermegi sorap, häkimler we bank ýolbaşçylary bilen duşuşmaga synanyşdylar. Bu ýagdaýlaryň jikme-jikleri barada Azatlyk Radiosynyň habarçysy 20-nji oktýabrda Mary welaýatyndan habar berdi.

"Geçen hepdäniň birinji ýarymynda Garagum, Baýramaly, Türkmengala we Ýolöten etraplarynyň ýaşaýjylary ilki öz ýerli etrap häkimlikleriniň öňünde üýşüp, häkimlere öz aýlyklaryny nagtlaşdyryp bilmän kösenýändiklerini aýtdylar. Olar häkimlerden çäre tapyp bermegi soradylar. Şonda etrap häkimleri olara welaýat häkimine ýüz tutmalydyklaryny aýdyp, bir giden adamy Mary şäherine ugratdy" diýip, gizlinlik şertinde söhbetdeş bolan habarçy 26-njy oktýabrda gürrüň berdi.

Onuň sözlerine görä, şondan soňra 22-nji oktýabrda 30-dan gowrak adam Mary şäherindäki welaýat häkimliginiň binasynyň arka gapysynyň öňünde üýşýär. Bu ýerde duran garawul adamlara: "Häkim ýok, hiç kim kabul edilmeýär" diýip aýdýar.

"Adamlar näme etjeklerini bilmän, Mollanepes köçesinde ýerleşýän Türkmenistanyň Merkezi bankynyň ýerli bölüminiň öňüne üýşýärler. Ýöne adamlaryň birnäçesi bankyň gapysyna baranda, onuň gapysyndaky polisiýa işgäri bankyň içki gapysyny gulplap, Merkezi bankyň bankomat işlerine seretmeýändigini aýdýar we adamlary içeri alman, kowup goýberdiler" diýip, waka şaýat bolan habarçymyz gürrüň berdi.

Onuň aýtmagyna görä, adamlar Mollanepes köçesinde ýerleşýän ähli banklara aýlanyp, öz şikaýatlaryny diňlejek bank işgarini gözlediler. Ýöne olary hiç kim diňlemedi. Adamlar soraglaryna jogap tapman, öýlerine gaýtdylar.

Azatlyk Radiosy bu aýdylanlar barada Mary welaýat we agzalýan etraplaryň häkimliklerinden goşmaça maglumat alyp bilmedi. Bu barada Türkmenistanyň Merkezi bankynyň Mary şäherindäki bölüminden hem kommentariý alyp bolmady.

Marynyň ýaşaýjylarynyň ýerli häkimligiň öňüne üýşüp, bankomatlaryň işine, olarda pul tapdyrmaýandygyna nägilelik bildirendigi barada geçen hepde "Türkmen.news" neşiri hem habar berdi.

Neşiriň öz ýurt içindäki çeşmelerine salgylanyp, 23-nji oktýabrda çap eden habaryna görä, Garagum etrabynyň 100-den gowrak ýaşaýjysy ýerli häkimligiň öňüne üýşýär. Ýöne häkimligiň resmileri adamlara kömek etmekden ýüz öwürýär.

"Sebitiň uzak obalarynda bankomatlar asla ýok, şonuň üçin ähli daýhan birleşikleriň ýaşaýjylary Ýagty ýol ýa-da Baýramaly şäherlerine gelýärler. Ýöne Ýagty ýoldaky iki bankomatda-da indi üç aý bäri pul ýok... 21-nji oktýabrda ýaşaýjylar resmiler bilen gürleşmek üçin häkimlige geldiler. Ýöne olara "döwletiň siz üçin puly ýok" diýlip, olary häkimligiň binasyndan kowdular" diýlip, neşiriň maglumatynda bellenilýär.

Bu aralykda, Azatlygyň maryly habarçysy etraplaryň bankomatlarynda nagt tapdyrmaýandygy sebäpli soňky hepdelerde adamlaryň puluň gözleginde Aşgabada we Ahal welaýatynyň Tejen etrabyna gidýändigini habar berýär.

"Olar Aşgabatdaky we Tejendäki bankomatlarda aýlyklaryny, pensiýalaryny we kömek pullaryny nagtlaşdyrmaga synanyşýarlar. Ýöne gidýän adamlaryň hemmesi pullaryny nagtlaşdyryp bilmeýär. Yzyna boş gelýänler hem bar. Käbir adamlar birnäçe gün şol ýerde bolup, bankomatlara aýlanyp, puluň gözleginde bolýarlar. Bu adamlar doly bolmasa-da, az mukdarda pullaryny nagtlaşdyryp gelýärler" diýip, habarçy aýtdy.

Şeýle-de, ol bank kartlar arkaly söwda etmegiň çäkli bolmagynda galýandygyna ünsi çekip, durmuşyň aglaba ugrunda nagt puluň gerek bolýandygyny ýa-da talap edilýändigini hem belleýär.

"Iň bärkisi etraplarda ilatdan döwlet komunal töleglerini nagt görnüşde tölemek talap edilýär. Bu bolsa adamlaryň hemme ýerde çykgynsyz ýagdaýa düşýändigini aňladýar. Hökümet "plastik kartdan söwda ediň, benzin guýuň" diýip çözgüt etdik diýip hasaplaýar. Emma takside işe gitmek, işden gaýtmak, günortanlyk edinmek üçin nagt pul gerek. Hatda ýolda 2 sany somsa alyp iýeýin diýseňem, nagt pul gerek" diýip, habarçy aýtdy.

Türkmenistanda raýatlar indi üç ýyla golaý wagt bäri bankomatlardan pul nagtlaşdyrmakda dürli kynçylyklara sezewar bolýarlar. Ýurduň häkimiýetleri bu kynçylyklary aç-açan boýun almaýan mahaly, bu ýagdaý ilatyň nägileligini güýçlendirýär. Azatlygyň habarçylary ilatyň arasynda hökümeti aç-açan tankyt edýän we döwlet edaralaryna ýygnanyp, pullaryny talap edýän has köp adama duş gelse bolýandygyny aýdýarlar.

Gadyrly okyjy, siz Telegram we WhatsApp tilsimleriniň messenjerleri arkaly Azatlyk Radiosy bilen howpsuz ýagdaýda habarlaşyp bilersiňiz. Telefon belgileri: +420 724 168 989 we +420 773 797 383.

Türkmenistanda VPN ulgamlary arkaly işleýär. Siz şu meýl: azathabar@derweze.net we sep arkaly biziň mugt Psiphon3 VPNulgamymyzy Android ulgamlary üçin ýükläp bilersiňiz. Azatlyk Radiosy siziň şahsyýetiňiziň doly gizlinligini kepillendirýär.

Загрузка...

Комментарии

Комментарии для сайта Cackle

Читайте на 123ru.net


Другие популярные новости дня сегодня


123ru.net — быстрее, чем Я..., самые свежие и актуальные новости Вашего города — каждый день, каждый час с ежеминутным обновлением! Мгновенная публикация на языке оригинала, без модерации и без купюр в разделе Пользователи сайта 123ru.net.

Как добавить свои новости в наши трансляции? Очень просто. Достаточно отправить заявку на наш электронный адрес mail@29ru.net с указанием адреса Вашей ленты новостей в формате RSS или подать заявку на включение Вашего сайта в наш каталог через форму. После модерации заявки в течении 24 часов Ваша лента новостей начнёт транслироваться в разделе Вашего города. Все новости в нашей ленте новостей отсортированы поминутно по времени публикации, которое указано напротив каждой новости справа также как и прямая ссылка на источник информации. Если у Вас есть интересные фото Вашего города или других населённых пунктов Вашего региона мы также готовы опубликовать их в разделе Вашего города в нашем каталоге региональных сайтов, который на сегодняшний день является самым большим региональным ресурсом, охватывающим все города не только России и Украины, но ещё и Белоруссии и Абхазии. Прислать фото можно здесь. Оперативно разместить свою новость в Вашем городе можно самостоятельно через форму.



Новости 24/7 Все города России




Загрузка...


Топ 10 новостей последнего часа



Загрузка...





123ru.net — ежедневник главных новостей Вашего города и Вашего региона. 123ru.net - новости в деталях, свежий, незамыленный образ событий дня, аналитика минувших событий, прогнозы на будущее и непредвзятый взгляд на настоящее, как всегда, оперативно, честно, без купюр и цензуры каждый час, семь дней в неделю, 24 часа в сутки. Ещё больше местных городских новостей Вашего города — на порталах News-Life.pro и News24.pro. Полная лента региональных новостей на этот час — здесь. Самые свежие и популярные публикации событий в России и в мире сегодня - в ТОП-100 и на сайте Russia24.pro. С 2017 года проект 123ru.net стал мультиязычным и расширил свою аудиторию в мировом пространстве. Теперь нас читает не только русскоязычная аудитория и жители бывшего СССР, но и весь современный мир. 123ru.net - мир новостей без границ и цензуры в режиме реального времени. Каждую минуту - 123 самые горячие новости из городов и регионов. С нами Вы никогда не пропустите главное. А самым главным во все века остаётся "время" - наше и Ваше (у каждого - оно своё). Время - бесценно! Берегите и цените время. Здесь и сейчас — знакомства на 123ru.net. Отели в Москве — здесь. Разместить свою новость локально в любом городе (и даже, на любом языке мира) можно ежесекундно (совершенно бесплатно) с мгновенной публикацией (без цензуры и модерации) самостоятельно - здесь.