Новости за 29.01.2022

Шаҳрдори Душанбе дастур додааст бо истифода аз сармояҳои дохиливу хориҷӣ куллияи хатҳои ҳавоии интиқоли нерӯи барқи баландшиддат дар пойтахти Тоҷикистон ба ноқилҳои зеризаминӣ иваз карда шавад.

Нед Прайс, сухангӯи Департаменти давлатӣ гуфт, «ИМА аз хушунатҳои нав дар сарҳади Қирғизистону Тоҷикистон амиқан нигарон аст». Изҳороти Прайс рӯзи 29-уми январ дар саҳифаи Твиттери ӯ нашр шуд. Прайс дар паёми мухтасар гуфтааст: «Тамоми фикру андешаҳои мо бо қурбониён, оилаҳо ва мардуми дар натиҷаи хушунатҳо беҷошуда мебошад. Мо ба ҳалли масоили ҳалношудаи марзӣ аз роҳи музокирот ва ҳамзистии сулҳомез даъват мекунем”. Ин нахустин вокуниши як намояндаи расмии ИМА ба хушунатҳои рӯзи 27-уми январ дар сарҳади Тоҷикистон ва Қирғизистон аст. Читать дальше...

Пас аз 16 соли саргардониҳо, ки аз ин даҳ солаш дар Тоҷикистон сипарӣ шуд, Салим Абдул Кимбунбунӣ ба зодгоҳаш -  шаҳри Доруссаломи кишвари африқоии Танзания  баргашт.

“Vahdat Textile” логотипи ҷӯробест, ки бо дастони гурӯҳи занҳое дар Кӯлоб омода мешавад.

“Vahdat Textile” логотипи ҷӯробест, ки бо дастони ин занҳо дар Кӯлоб омода мешавад. Бонувони ин корхона то шаш моҳи пеш бовар надоштанд, ки дар Кӯлоб чунин корхона боз мешавад. Ҳоло вазифаи асосии занон дар корхона, назорати дастгоҳи ҷӯроббофӣ аст.

Шоҳмотбози маъруфи даврони шӯравӣ Нона Гаприндашвилӣ қарори додгоҳи Калифорния дар бораи баҳси ӯву ширкати филми Netflix-ро дар  заминаи “тӯҳмат” истиқбол кард.  Гаприндашвилӣ рӯзи 28-уми январ аз  қарори додгоҳ хушнуд шуд, ки  дархости ширкати Netflix барои бекор кардани муҳокимаи парвандаи тӯҳматро ба инобат намегирад. Гаприндашвилӣ гуфт, “бо забони  шоҳмот мегӯям, ки бахши аввали рақобатро бурдем... Мубориза то пирӯзӣ давом мекунад”. Дар қарори додгоҳи марказии Калифорния омадааст, ки шикояти... Читать дальше...

Мақомот дар Покистон гуфтанд, ки дар натиҷаи ду таркиш дар вилояти Балуҷистон чор нафар кушта шуд. Дар таркишҳое, ки 28-уми январ дар деҳаи Маданӣ рух дод, дастикам ҳашт нафари дигар маҷрӯҳ шуданд. Се нафари кушташуда ходимони амниятӣ буда, нафари чорум раҳбари маҳаллии қабилае будааст. Ҳанӯз ҳеҷ нафар ё гурӯҳе масъулияти ин таркишро ба ӯҳда нагирифтааст. Балуҷистони ҳаммарз бо Афғонистону Эрон  солиёни зиёд макони фаъолияти гурӯҳҳои мухталифи ҷудоиталаб будааст.

Додситонии кулли Узбекистон гуфт, аз рӯи ҳодисаи ба қафаси хирс партофта шудани кӯдак парвандаи ҷиноӣ боз кардааст. Ин ниҳод рӯзи 29-уми январ хабар дод, ки  нисбати модар аз рӯи моддаи “Сӯиқасд ба куштори барқасдона” кӯдак  парванда боз шудааст. Зоҳиран зан боздошт шудаву кӯдак зери назари табибон қарор дорад, менависад Радиои Озодлик. Аввал шуда дар бораи ҳодиса маъмурияти боғи ҷонварони Тошканд дар Телеграм-канали худ хабар дод. Ба навиштаи ин ниҳод, ҳодиса рӯзи 28-уми январ дар пеши чашми тамошобинони зиёд ва масъулини боғ рӯй додааст. Читать дальше...

Президенти Украина Владимир Зеленский аз раҳбарони ҷаҳон хост, ки дар робита бо эҳтимоли омодагии Русия ба ҳуҷуми васеъмиқёсе ба Украина воҳима накунанд. Дар як мусоҳибааш бо матбуоти ҷаҳонӣ рӯзи 28-уми январ Зеленский  гуфт, ки ба бовари ӯ таҳдиди ҳамлаи Русия ба Украина аз сатҳе, ки моҳи январи соли 2021 буд, бештар нашудааст. Вале, ба гуфтаи ӯ, бо сабаби «воҳимае», ки  бархостааст, «Украина иқтисодашро аз даст дода метавонад». Зеленский гуфт: «Ҳатто аз забони раҳбарони боэҳтироми давлатҳо ҳам ин ишора садо медиҳад... Читать дальше...

Соле қабл – рӯзи 28-уми январи соли 2021 додгоҳ ӯро ба муҳлати 14 сол равонаи зиндон кард ва ба иддаои созмонҳои ҳуқуқи башар, вай ба феҳрасти дусаднафарии зиндониёни сиёсии тоҷик пайваст.

Мақомоти вазорати тандурустии Тоҷикистон рӯзи 28-уми январ аз сабти 18 ҳолати нави гирифторӣ ба COVID-19 хабар доданд, ки шумори умумии гирифторонро аз замони оғози бақайдгирии ин вирус дар кишвар ба 17283 нафар баробар кардааст. Ба қавли мақомот, дар давоми наздики ду соли пандемия дар кишвар 124 нафар аз дасти коронавирус ҷон додаанд. Вале хабару гузоришҳои алтернативӣ, аз ҷумла, шаҳодати сокинону оилаҳои зиёд дар манотиқи мухталифи Тоҷикистон ишора ба он мекунад, ки дар асл шумори бештари мардум ба коронавирус олуда мешаванд. Читать дальше...

Президент Ҷо Байден гуфт, ки ИМА базудӣ шумори хурди нирӯҳои амрикоиро ба Аврупои Шарқӣ ва кишварҳои узви НАТО сафарбар мекунад. Сафкашии сад ҳазор сарбози рус дар хати марз бо Украина боиси нигаронии Ғарбу Аврупо аз эҳтимоли ҳуҷуми Русия ба Украина шудааст. Байден, ки рӯзи 28-уми январ баъди аз Филаделфия ба Вашингтон баргаштанаш сӯҳбат мекард, гуфт, ки ирсоли нирӯҳои “начандон зиёд” дар наздиктарин фурсат сурат мегирад. Аз ин пеш Пентагон гуфт, ки шояд шумори нирӯҳо 8500 нафарро ташкил диҳад. Вазири дифои ИМА Ллойд Остин гуфт... Читать дальше...

Дар анҷумани ҳизби ҳокими Қазоқистон, ки рӯзи 28-уми январ пушти дарҳои баста баргузор шуд, президент Қосимҷомарт Тоқаев раиси нави он интихоб шуд ва дар ин мақом президенти пешин Нурсултон Назарбоевро иваз кард. Духтари Назарбоев – Дариға Назарбоева ва собиқ нахуствазир Аскар Мамин, ки дар авҷи эътирозҳои моҳи январ бо аъзои кобинааш ба истеъфо фиристода шуд, аз узвияти шӯрои сиёсии “Нуротан” хориҷ карда шуданд. Дар ин бора Радио Азаттиқ – Бахши қазоқии радиои Озодӣ хабар медиҳад. Ба мушоҳидаи хабарнигорони ин расона... Читать дальше...

Саймӯъмин Ятимов, раиси Кумитаи давлатии амнияти миллии Тоҷикистон баъди анҷоми музокирот бо мақомоти Қирғизистон гуфт, “протоколҳои дар гузашта имзошуда бояд риояву иҷро шаванд” ва гурез аз иҷрои онҳо боиси низоъ мешавад

Танишҳо миёни Русия ва Ғарб бар сари Украина аз дурии қариб 4 ҳазор километр дар Тоҷикистон ҳам бо диққат пайгирӣ мешавад, зеро ба гуфтаи коршиносон, дар сурати шиддат гирифтани вазъ иқтисоди Тоҷикистон бахусус кору даромади муҳоҷирон осеби ҷиддӣ мебинад.

Танишҳо миёни Русия ва Ғарб бар сари Украина аз дурии қариб 4 ҳазор километр дар Тоҷикистон ҳам бо диққат пайгирӣ мешавад, зеро ба гуфтаи коршиносон, дар сурати шиддат гирифтани вазъ иқтисоди Тоҷикистон бахусус кору даромади муҳоҷирон осеби ҷиддӣ мебинад.