Новости за 09.11.2020

Дар ҳоле ки шумори олудашудагони коронавирус дар Иёлоти Муттаҳида аз 10 миллион кас гузаштааст, ширкати ахзими дорусозии ИМА Pfizer ва шарики олмонии он BioNTech SE рӯзи 9 ноябр эълом доштанд, ки ваксинаи таҷрибавии COVID-19 дар озмоишҳои аввалия ба самарабахшии беш аз 90-дарсадӣ расидааст. Аз ин пешрафт президенти тозаинтихоби ИМА Ҷо Байден дар ҳоле истиқбол кард, ки як гурӯҳи кории 13-нафараи зидди коронавирусро таъсис дод. Ҳамзамон ӯ аз ҳамаи амрикоиҳо даъват кард, ки барои коҳиш додани вирус ниқоб пӯшанд. Читать дальше...

Замоне, ки Ҷо Байден вориди Кохи Сафед мешавад, ба эҳтимоли зиёд чандин тасмимеро, ки президент Доналд Трамп дар қиболи муҳоҷират анҷом додааст, мутобиқи сиёсати худ бозбинӣ хоҳад кард.

Донишҷӯёни тоҷик мехоҳанд ба Русия баргарданд.

Собиқ раиси ҷумҳурии Косово Ҳошим Точи  нахустин бор дар баробари додгоҳе дар Гаага, ки ҷиноятҳои ҷангии замони истиқлолталабиҳои Косово аз Сербистонро муҳокима мекунад, ҳозир шуд. Ӯ солҳои 1998-99 фармондеҳи Артиши озодихоҳи Косово  - як гурӯҳи шӯришӣ буд ва иттиҳомоте, ки додгоҳи ҷиноятҳои ҷангӣ баррасӣ мекунад, ба ҳамон солҳо бармегардад. Точи баъди дарёфти иттило дар бораи ин ки Додгоҳи ҷиноёти ҷангӣ ӯро дар содир кардани чандин ҷинояти даврони ҷанги 20 соли пеш айбдор мекунад, рӯзи 5-уми ноябр... Читать дальше...

Мақомоти амалан ҳукумати минтақаи ҷудоихоҳи Қаробоғи Кӯҳӣ тасдиқ карданд, ки нирӯҳои Озарбойҷон дар паи даргириҳои шадид назорат бар шаҳри стратегии Шуширо ба даст оварда ба пойтахт, шаҳри Степанакерт, наздиктар омаданд. Ваҳрам Поғосян, сухангӯи ҳукумати эътирофношудаи Қаробоғи Кӯҳӣ рӯзи 9-уми ноябр гуфт, “имрӯз, мутаассифона, мо бояд эътироф кунем, ки занҷираи таҳаввулоти нохушоянди чанд рӯзи охир  боиси он гардид, ки Шуши пурра аз зери назорати мо берун шуд”. Ин изҳорот гуфтаҳои рӯзи 8-уми ноябри... Читать дальше...

Сокинони деҳаи Бӯстон дар шаҳри Панҷакент мегӯянд, 25 сол боз аз ҷӯйборе, ки барои обёрии заминҳои полезӣ пешбинӣ шудааст, об менӯшанд.

"Бӯстон"-и Панҷакент аз камбуди оби ошомиданӣ азият мекашад.

Ҷамъияти саҳомии пушидаи "Нашриёти муосир" рӯзи 23 октябр аз Радиои Озодӣ хост дар робита ба таҳқиқоти “Аз нашри китоби "Тоҷикон" ҷайби кӣ пур шуд?” раддия ба нашр расонад. Вале дар нома бо имзои мудири ҶСП “Нашриёти муосир” Б. Д. Салимов фактҳои асосии матлаби Радиои Озодӣ рад нашуда, танҳо як нуктаи воқеӣ зикр шудааст, ки “натиҷахои тендери давлатӣ аз ҷониби ягон тарафи иштирокчиёни тендер мавриди баҳси маъмурӣ ё баҳси суддӣ (имлои нома) қарор дода нашудааст, ки ҳолати мазкур низ аз он шаходат медиҳад... Читать дальше...

Дар ҳоле, ки шумори раҳбарони ҷаҳоние, ки табрикномаҳои худро ба Ҷо Байден дар робита бо пирӯзӣ дар интихоботи президентии ИМА ирсол кардаанд, мақомоти Русия гуфтанд, ки натиҷаҳои расмии ниҳоии интихоботро интизор хоҳанд шуд.

Радио Свобода хабар медиҳад, ки сарбози баъди куштори се низомӣ дар Воронежи Русия фироркарда аз ҷониби полис боздошт шуд. Қаблан хабар дода шуд, ки  як сарбоз дар фурудгоҳи низомии «Балтимор» ба сӯи одамон тир кушода, сабаби марги се нафар шуд. Дар Кумитаи тафтишот гуфтанд, ки Антон Макаров сарбози қаторӣ буд. Ба иттилои расонаҳои русӣ, тирандозӣ соати 5-и субҳи 9-уми ноябр рух дод. Сарбоз аввал ба гурӯҳи низомиён бо табаре ҳамла кард, ки дар девори хадамоти сӯхторнишонӣ овезон буд, аз як нафар силоҳро гирифта баъдан аз он тир холӣ кард. Читать дальше...

Дар рустои Рибачйеи минтақаи Камчаткаи Русия аз тири силоҳе як хирсро ҳамроҳ бо бачааш куштанд. Радио Свобода бо такя ба матбуоти маҳаллӣ менависад, ки дар рустои Рибачйе киштиҳои зериобии атомии нирӯҳои баҳрии Русия, воқеъ дар уқёнуси Ором ҷойгир мебошанд. Хирсочаву бачааш ба халиҷи  Крашеннинников омада ба болои як киштии зеробӣ баромада нишастанд.  "Камчатка-Информ" видеои корбарони шабакаҳои иҷтимоиро ҳам нашр кардааст, ки дар он саҳнаи ба киштӣ наздик  ва кушта шудани ин оила намоиш дода мешавад. Читать дальше...

Донишҷӯёни бандмондаи тоҷик аз вазорати корҳои хориҷии Тоҷикистон ёрӣ хостаанд, президенти мунтахаби ИМА Ҷо Байден барномаҳояшро муаррифӣ мекунад, дар вилояти Хатлон пешвои рӯҳонӣ-ишони Абдунофеъ барпо шуд, "Бӯстон" оби ошомиданӣ надорад ва матолиби дигар.

Дар шаҳри Воронежи Русия як сарбоз дар фурудгоҳи низомии «Балтимор» ба сӯи одамон тир кушода, сабаби марги се нафар шуд. Дар Кумитаи тафтишот гуфтанд, ки Антон Макаров сарбози қаторӣ буд. Ба иттилои расонаҳои русӣ, тирандозӣ соати 5-и субҳи 9-уми ноябр рух дод. Сарбоз аввал ба гурӯҳи низомиён бо табаре ҳамла кард, ки дар девори хадамоти сӯхторнишонӣ овезон буд, аз як нафар силоҳро гирифта баъдан аз он тир холӣ кард. Оҷонсии Интерфакс мегӯяд, ки сабаби тирандозӣ дар қисми ҳарбии Воронеж моҷаро бо афсари тафтишкунанда шудааст. Читать дальше...

Ҷозеф Байден соли 1942 дар шаҳри Скрантони Пенсилвания дар оилаи миёнаҳол ба дунё омадааст. Ҷавонтарин сенатори Амрико шуд ва баъди 50 соли сиёсат, раиси ҷумҳур шуд

Филми мустанади “Устод”-и Давлат Худоназаров, ки ба зиндагии шоири шаҳир Абулқосим Лоҳутӣ бахшида шуда буд, танҳо дар чаҳорчӯби ҷашни садсолагии ин шоир дар доираи маҳдуд намоиш дода шуд ва сипас ба мавзӯи баҳсӣ табдил ёфт.

Раҳбарони ду гурӯҳи мухолифини парлумони Арманистон бори дигар аз нахуствазир Никол Пашинян талаб карданд, ки бо онҳо мулоқот карда вазъ дар минтақаи ҷудоиталаби Қаробоғи Кӯҳиро баррасӣ кунад. Гакик Тсарукян аз ҷиноҳи “Арманистони шукуфо” ва Эдмон Марукян аз “Арманистони рӯшан” рӯзи 9-уми ноябр бори дигар хостори музокирот бо нахуствазири кишвар шуданд. Ин дархостҳо дар ҳоле садо медиҳад, ки Озарбойҷон ва Арманистон дар бораи вазъ дар ин минтақаи ҷудоиталаб бо аксар аҳолии арманитабораш ва ҳам... Читать дальше...

Дар 13-умин якшанбеи баъди интихоботи баҳсбарангези президентии Беларус садҳо эътирозгари дигар боздошт шуд. Ин мардум, ки бо пирӯз эълон шудани Александр Лукашенко розӣ нестанд, баъди 9-уми август пайваста намоишҳои эътирозӣ барпо мекунанд. Ба иттилои маркази ҳомии ҳуқуқи инсони “Весна” рӯзи 8-уми ноябр полиси Беларус дар шаҳрҳои Минск, Гомел, Витебск, Жлобин ва дигар шаҳрҳо 1024 нафарро боздошт кард. Дар миёни онҳо ҳадди аққал шаш нафарашон журналистон мебошанд. Ба иттилои ин марказ, бархе боздоштшудаҳо дертар озод гардиданд. Читать дальше...

Ба феҳристи раҳбарони ҷаҳоние, ки Ҷо Байденро бо пирӯзӣ дар интихоботи ИМА табрик карданд, раҳбарони Исроил ва Арабистони Саудӣ ҳамроҳ шуданд. Барои нахуствазири Исроил Бенямин Нетаняҳу мағлубияти президенти ИМА Доналд Трамп дар интихобот хабари хуб нест. Нетаняҳу дар паёми табрикии худ, ки рӯзи 8-уми ноябр тавассути Twitter ирсол кард, Байден ва муовини президенти мунтахаб Камола Ҳаррисро бо ғалаба табрик ва ба “равобити тӯлониву гарме” бо Байден ишора намуд, ки, ба гуфтааш, таърихчаи инак 40-сола дорад. Читать дальше...

Дар ИМА рӯзи 9-уми ноябр шумори олудашавиҳо ба коронавирус метавонад аз 10 миллион нафар гузарад, дар ҳоле, ки шумори гирифторон дар ҷаҳон аз 50 миллион нафар гузаштааст. Аз 30-юми октябр ба ин сӯ дар ИМА тахминан 1 миллион ҳолати олудашавӣ гузориш шудааст, ки рекордӣ мебошад. Рӯзи 7-уми ноябр дар ин кишвар 126 ҳазор ҳолати нави олудашавӣ ба қайд гирифта шуд ва ин рӯзи чорум буд, ки омори беморҳои нав дар як рӯз аз 100 ҳазор нафар бештар мешавад.  Шумори фавтидаҳо бар асари коронавирус дар ИМА аз... Читать дальше...

Варзишгарони тоҷик дар мусобиқаи қаҳрамонии ҷаҳон оид ба самбои варзишӣ миёни бузургсолон се медал (як нуқра ва ду биринҷӣ), инчунин миёни наврасон як медали биринҷӣ ба даст оварданд.

Ҷо Байден, президенти тозаинтихоби ИМА ният дорад рӯзи 9-уми ноябр гурӯҳи кории мушовиронеро муаррифӣ кунад, ки бар зидди пандемияи коронавирус кор хоҳанд кард. Ӯ қаблан гуфт, ки “тамоми талошро ба харҷ медиҳад”, то пандемия таҳти назорат гирифта шавад. Рӯзи 7-уми ноябр дар суханронии пирӯзии интихоботии худ Байден гуфт, ки мубориза бо пандемияи коронавирус дар авлавияти кори ӯ қарор мегирад ва рӯзи душанбе исми мутахассисон эълон хоҳад шуд. Муовини мудири тими таблиғотии Байден рӯзи 9-уми ноябр гуфт, ки кори ин тим бояд билофосила шурӯъ шавад.

Ҳудуди 20 тан аз донишҷӯёни тоҷики донишгоҳҳои кишварҳои хориҷӣ, ки бо сабаби хуруҷи коронавирус имкони берун шудан аз кишварро надоранд, барои кӯмакхоҳӣ назди бинои Вазорати корҳои хориҷии Тоҷикистон ҷамъ шудаанд.

Дар торномаи UFC рӯйхати нави 20 размикори беҳтарин, новобаста аз вазн, пайдо шуд. Вале дар давоми як соат ин раддабандӣ боз аз торнома пок карда шуд

Ҳайати ҳукумати нави Тоҷикистон, тавре интизор мерафт танҳо қисман нав карда шуд. Танҳо чанд чеҳра аз Ҳизби ҳокими халқӣ- демократӣ роҳабари соҳаҳое шуданд, ки таҷрибаи кор дар ин бахшро доштанду аз ҳайсияти хубе бархӯрдор буданд. Коршиносони наздик ба ҳукумат таъиноти чеҳраҳои навро қадами ҷиддие дар роҳи расидан ба ҳадафҳои стратегии кишвар медонанд. Таҳлилгарони мустақил бар инанд, ки дар низоми мавҷуд раҳбарон мустақилияти лозимро надоранд, аз ин рӯ мунтазири ислоҳоти бунёдӣ ё решаӣ нашояд буд. Читать дальше...

Додгоҳи шаҳри Кентауи вилояти Туркистони Қазоқистон нисбати се тан дар робита ба ҳодисаи моҳи июли соли ҷорӣ дар деҳаи Шорнак ҳукм содир крад. Дар ин деҳа қазоқҳо ва узбекҳо канори ҳам зиндагӣ мекунанд. Додгоҳ сокини маҳаллӣ Мадӣ Кордабайро бо моддаи "Зургӯӣ нисбати фарди мансабдор" 1,5 сол зиндонӣ кард. Сокини дигар Ифтихор Жумадуллоев бо моддаҳои "Авбошӣ" ва "Расонидани зарари вазнин ба саломатӣ" дар маҷмуъ 6 сол зиндонӣ шуд. Додгоҳ ҳамзамон бародари Ифтихор - Мадамин Жумадуллоевро бо моддаи "авбошӣ" 3,5 сол зиндонӣ кард. Читать дальше...