Новости за 22.09.2020

Як лифти вайрона дар бинои баландошёнае дар ҳудуди ноҳияи Синои шаҳри Душанбе боис ба ҳалокати Мавҷуда Ҳусейноваи 49-сола шудааст.

Бархе аз сокинони ноҳияи Вахши вилояти Хатлон гуфтанд, ки дар остонаи сафари раиси ҷумҳурии Тоҷикистон аз ҳар кадоме онҳо 20 сомонӣ ҷамъ кардаанд.

Бозии дигари нимниҳоии Ҷоми Тоҷикистон пагоҳ, 23 сентябр дар варзишгоҳи "Пахтакор"-и шаҳри Бохтар баргузор мешавад. Дастаи мизбон — "Хатлон"-и шаҳри Бохтар бо дастаи "Истаравшан"-и шаҳри Истаравшан вориди сабқат мешавад

Майк Помпео, вазири корҳои хориҷии Амрико, мавқеи Вашингтонро дар баробари заҳролудсозии мухолифи ҳукумати Русия Александр Навалний дар мусоҳиба бо расонаҳои олмонӣ шарҳ дод. Ба гуфтаи Помпео, танқиди Амрико барои вокуниш нишон надодан ба қазияи Навалний беасос аст. Зеро Вашингтон ба ин назар аст, ки истифодаи силоҳи кимиёӣ ғайримумкин аст. Дар ин робита Помпео аз вокуниши Иёлоти Муттаҳида ба заҳролудсозии Сергей Скрипал ва духатарш Юлия дар моҳи марти соли 2018 дар Бритониё ёдовар шуд. Помпео афзуд... Читать дальше...

Ноҳияи Мӯъминобод саршор аз чашмаҳои табиист. Вале сокинони маркази ин ноҳия аз набуди оби пок шикоят доранд. Мушкили онҳо аз мадди назари Маҳмудҷон Раҳматзода дур намонд.

Баҳори соли ҷорӣ хуруҷи Ковид 19 арзиши ғизоро дар бозорҳои Душанбе ба маротиб боло бурда буд. Ҳоло зоҳиран, вазъ тағйир ёфтааст. дар ин бора Барот Юсуфӣ гузориш медиҳад.

Табибони ноҳияи Қуваи вилояти Фарғонаи Узбекистон шикоят доранд, ки онҳоро маҷбур мекунанд, дар маркази навташкили COVID дар деҳаи "Бегат" навбатдор истанд. Ба қавли табибон, сардухтури ноҳияи Қува таҳдид кардааст, ки ҳар табибе навбатдор намеистад, аз ҷойи кораш маҳрум хоҳад шуд. Табибон мегӯянд, ба хотири набудани шароит ва норасоии лавозимоти муҳофизатии тиббӣ намехоҳанд дар марказ навбатдор истанд. Бемористони рақами 2-и деҳаи "Бегат"-и Қуваро як ҳафта пеш ба маркази қабули мубталоёни коронавирус табдил доданд. Читать дальше...

Муовини раиси ҳукумати Русия Алексей Оверчук дар вохӯрӣ бо президенти Қирғизистон Сооронбой Ҷеенбеков гуфт, Маскав масъалаи таъмини Бишкекро бо ваксинаи зидди коронавирус дар авлавият қарор медиҳад. Хадамоти матбуотии президенти Қирғизистон нагуфтааст, ки Ҷеенбеков дар ин мулоқот аз ҷониби Русия ваксинаи коронавирусро дархост карда буд, ё не. Вале ӯ 12-уми сентябр дар суҳбат бо "Биринчӣ радио" гуфта буд, ки "интиқоли воксини русии "Спутник V ба кишвари мо хеле зарур аст, зеро коронавирус ҳамоно ба инсоният хатар эҷод мекунад. Читать дальше...

Нархи меваву сабзавот дар бозорҳои Душанбе, занозанӣ дар чорабинии пешазинтихоботии Қирғизистон, дар Суғд келине падарарӯсашро калтаккӯб кардааст, сарнавишти патенту регистратсияи муҳоҷирон дар Русия, таъмини об ба сокинони ноҳияи Мӯъминобод ва матолиби дигар.

Дар Тоҷикистон феҳристи амалиёти шубҳаовари молиявӣ ва ё доду гирифти амвол таҳия шуд. Ин санад “Феҳристи аломатҳои аҳд ва амалиёти шубҳанок” ном дорад, ки бо қарори Бонки Миллии Тоҷикистон тасдиқ шудааст ва рӯзи 22-юми сентябр дастраси Радиои Озодӣ шуд. Минбаъд бонкҳо, ташкилоти қарздиҳӣ, ширкатҳои суғурта, лото, тотализаторҳо (ширкатҳои шартгузорӣ) ва нотариусҳо ҳангоми анҷом додани амалиёти молиявӣ, хариду фурӯши амволи ғайриманқул, сангу металҳои гаронбаҳо рафтори муштариёнро бояд аз рӯйи ин феҳрист назорат кунанд. Читать дальше...

Дар пасманзари пандемияи коронавирус СММ 75-умин солгарди таъсиси худро бо як маъракаи сартосарии онлайнӣ таҷлил мекунад. Ба ин муносибат дар Ню-Йорк ҳам маҷмаи кулли СММ бо ширкати раҳбарони давлатҳои узви ин созмон ба кор шурӯъ кард ва ҳар раҳбар бо ирсоли паёми видеоӣ ширкати худро дар ин ҷаласа таъмин намуд. Дабири кулли СММ Антонио Гутерреш, ки аз маҷлисгоҳи калони Маҷмаи кулл паём медод, ба ҳамраъйии бештар даъват кард. Ӯ гуфт, ки пандемия эҳтиёҷ ба ҳамкориву муттаҳидӣ ба хотири муқобила бо мушкилоти ҳамагониро таъкид намуд. Читать дальше...

Ахиран дар Тоҷикистон болоравии нархи бархе аз маҳсулот мушоҳида мешавад. Аз ҷумла, арзиши хишт -масолеҳи сохтмонӣ, ки ба тавлиди он дар Тоҷикистон беш аз 130 коргоҳ машғул ҳастанд, аз 55 дирам то ҳудуди як сомонӣ афзоиш ёфтааст. Афзоиши ҳаҷми андоз, арзиши обу нерӯи барқ ва ангишт омили аслии ин амр гуфта мешавад. Муродалӣ Шамсов, як нафақахур аз ҷамоати Чимтеппаи ноҳияи Рӯдакӣ қасд дошт, то фарорасии фасли зимистон ба бинои дутабақаи ҳавлии наваш бикӯчад. Аммо афзоиши нархи маҳсулоти сохтмонӣ ӯро дар дуроҳа қарор додааст. Читать дальше...

ФСБ ё Хадамоти амнияти федеролии Русия дар минтақаи Красноярск дар як рейди калоне раҳбарияти як фирқаи миссионерии диниро боздошт кард. Дар ин амалиёт даҳҳо мошинҳои низомӣ, автобусҳо, мошинҳои ёрии таъҷилӣ ва чархболҳо  истифода шудааст. Дар миёни боздоштшудаҳо – раҳбари ин фирқаи динӣ Сергей Тороп – маъруф ба Виссарион, Вадим Редкин ва Владимир Ведерников мебошанд. Тороп худро муассиси “Калисои аҳди охир” меномид. Дар маконе бо номи “Шаҳраки Офтоб”, ки аз ҷониби Тороп ва дигар аъзои гурӯҳи динии... Читать дальше...

Дар як боздоштгоҳи Теҳрон марде даргузашт, ки барои ширкат дар намоишҳои эътирозии зиддиҳукуматӣ боздошт шуда буд. Нодир Мухторӣ 35 сол дошт ва ба иттилои вебсайти “Калима” рӯзҳои истироҳати гузашта дар боздоштгоҳи Коҳрезаки Теҳрон ҷон дод. Ҳанӯз мақомоти эронӣ дар бораи ин хабар изҳори назар накардаанд. Дар гузориш омадааст, ки Мухторӣ барои ширкаташ дар эътирозҳои шаҳри Караҷ, воқеъ дар ҷануби Теҳрон, шадидан латукӯб шуд ва баъди ин ба кома ё беҳушӣ афтод. Моҳи март дубора ба худ омад ва ӯро бо вуҷуди эътирозҳои наздиконаш... Читать дальше...

Дар Чин як соҳибкор ва сармоягузори соҳаи хонафурӯшӣ, ки бо танқидҳои шадидаш аз президент Сӣ Ҷинпин маъруф аст, ба 18 соли зиндон маҳкум шуд. Рӯзи 22-юми сентябр додгоҳе дар Пекин дар вебсайташ хабар дод, ки Рен Жикуан, собиқ раҳбари гурӯҳи тиҷоратии Huayuan инчунин ба пардохти 618 ҳазор доллар ҷарима муваззаф шудааст. Ӯро дар “фасод, порагирӣ, тасарруфи пулҳои ҷамъиятӣ ва сӯиистифода аз вазифа” гунаҳгор карданд. Додгоҳ гуфт, ки Рен дар содир кардани “ҷиноят” иқрор шуда бо ҳукми додгоҳ розӣ шудааст. Читать дальше...

Дафтари Ниҳодҳои Демократӣ ва Ҳуқуқи Инсон (ODIHR), ниҳоди вобаста ба Созмони Амнияту Ҳамкорӣ дар Аврупо, ҳанӯз дар бораи чигунагии назорат аз интихоботи президентии Тоҷикистон тасмими ниҳоӣ нагирифтааст. Як масъули созмон гуфт, ба эҳтимоли зиёд, бо фиристодани гуруҳи хурди коршиносон иктифо хоҳанд кард. ODIHR дар интихоботи порлумонии моҳи март низ гуруҳи хурди коршиносонро ба Тоҷикистон фиристода буд, вале дар интихоботҳои гузашта нозирони дарозмуддаташ иштирок мекарданд. Лорен Барановска, ноиби сухангӯи ODIHR... Читать дальше...

"Дилаш ба мардум сӯзад, одил бошад ва халқро дарк кунад." Ин тасвири президенте аст, ки чанде аз раҳгузарон дар Душанбе гуфтанд, мехоҳанд дар сари қудрат бубинанд.

«Дилаш ба мардум сӯзад, одил бошад ва халқро дарк кунад.» Ин тасвири президенте аст, ки чанде аз раҳгузарон дар Душанбе гуфтанд, мехоҳанд дар қудрат бубинанд.

Рӯзи 21-уми сентябр дар ИМА шумори ҳалокшудаҳо бар асари COVID-19 ба 200 ҳазор нафар наздик шуд. Ин дар ҳолест, ки президент Доналд Трамп ишора кардааст, ки бадтарин рӯзҳо пуштисар  мешавад. Ҳар рӯз ба ҳисоби миёна дар ИМА 800 нафар қурбони коронавирус мешавад. Ин омор аз нишондодҳои миёнаҳои моҳи апрел, ки он замон ба ҳисоби миёна 2800 нафар ҷон медод, камтар аст. Дар ҳамин ҳол дар Аврупо тарс аз авҷгирии мавҷи дуюми паҳншавии вируси нав дар Испания, Фаронса ва Бритониё пайдо шудааст ва дар ин... Читать дальше...

Вазирони хориҷаи Иттиҳоди Аврупо дар ҷаласаи рӯзи 21-уми сентябр дар Брюссел натавонистанд сари масъалаи таҳрими Беларус ба иттифоқи назар даст ёбанд. Қибрис ба таҳрими алайҳи Беларус мухолифат нишон дод ва талаб кард, ки ИА инчунин алайҳи Туркия иқдом кунад. Қибрис бо Анкара сари масъалаи марбут ба истихроҷи газ дар шарқи баҳри Миёназамин ихтилофи назар дорад. Масдуд шудани овоздиҳӣ танҳо аз роҳи ветои як кишвари узвро як заъфи низоми дипломатии ИА меноманд. Ин мавзӯъ ҳамакнун дар ҷаласаи сарони... Читать дальше...

Дастаи мунтахаби наврасони то 16-солаи футболи Тоҷикистон дар доираи омодагӣ ба қаҳрамонии Осиё, ки қисми ниҳоии мусобиқа ба соли оянда гузаронида шуд, бо раҳбарии сармураббӣ Аҳлиддин Турдиев дар бозии аввали дӯстона бар мунтахаби наврасони Узбекистон (U-16) бо ҳисоби 1:0 ғолиб омад. Бозии дӯстонаи мунтахаби наврасони Тоҷикистон бо ҳамсолонашон аз Узбекистон рӯзи душанбе, 21-уми сентябр, дар варзишгоҳи «20-солагии Истиқлолияти Тоҷикистон»-и Хуҷанд доир гардид. Голи ягонаро Хусрав Тоиров дар дақиқаи 38-ум ба самар расонд. Читать дальше...

Ҳукумати Тоҷикистон бо мақомоти Русия шароити харидани ваксинаи зидди бемории COVID-19-ро баррасӣ мекунад. Дар ҳоле ки худи ваксина ҳанӯз ҳамаи зинаҳои озмоишро нагузаштааст. Русия рӯзи 11-уми август эълон кард, ки ваксинаи зидди COVID-19-ро расман сабт кардааст, вале як идда пажӯҳишгарон ба коромад будани он шубҳа доранд. Як мақомои баландпояи Вазорати тандурустӣ ва ҳифзи иҷтимоии Тоҷикистон рӯзи 21-уми сентябр дар суҳбат бо Радиои Озодӣ гуфт, "айни замон миёни Тоҷикистон ва Русия ба сари ваксина музокирот идома дорад". Читать дальше...

24 сентябр дар варзишгоҳи "20-солагии Истиқлолияти Тоҷикистон"-и шаҳри Хуҷанд бозии дуюми ин дастаҳо баргузор мешавад

Дар панҷ вилояти Қазоқистон талафоти сартосарии мурғҳои хонагӣ ба қайд гирифта шудааст. Мақомоти он кишвар мегӯянд, ҳадди ақал дар се вилоят зукоми мурғ таъйид шудааст. Дар ин бора рӯзи 21 сентябр мақомоти Қазоқистон хабар доданд. "То имрӯз дар 26 ноҳияи 5 вилояти кишвар талафоти мурғи хонагӣ сабт шудааст. Шумори умумии мурғҳои талафшуда 12 ҳазору 926 сарро ташкил медиҳад. Талафот дар фабрикаи мурғпарварии вилояти Қазоқистони Шимолӣ ҳам сабт шуд. Дар ин фабрика 41 ҳазор мурғ талаф шудааст",-гуфт Гулмира Исоева... Читать дальше...

Зебунисо Қутбиддинова, ҳамсари шоири маъруфи тоҷик марҳум Лоиқ Шералӣ шаби гузашта дар сини 77-солагӣ дар шаҳри Душанбе даргузашт. Ба гуфтаи наздиконаш, чанд вақти ахир ӯ аз фишорбаландӣ ранҷ мебурд. Комрон Ҳамроев, домоди ин хонадон ба Радиои Озодӣ гуфт, ки тибқи васияти худи Зебунисо Қутбидинова, ӯро барои хоксупорӣ ба зодгоҳаш Панҷакент интиқол доданд. Қарор аст маросими ҷанозаи ӯ имруз баргузор шавад. Зебунисо Қутбиддинова муаллимаи забон ва адабиёт буд ва дар солҳо дар мактабҳои пойтахт ба шогирдон аз ин фан дарс мегуфт. Читать дальше...