Новости за 20.07.2020

Вазорати тандурустии Тоҷикистон гуфт, дар як шабонарӯзи гузашта 43 мавриди нави сирояти бемории COVID-19 -ро ошкор кардаанд  ва  дар умум  дар кишвар 6921 кас ба ин беморӣ гирифтор шудаанд. Дар баёнияи расмии вазорат аз рӯзи 20-уми июл, ки дар вебсайти он нашр шуд, омадааст, аз ҳисоби беморон 5629 нафар, ё бештар аз 81 дар сади он шифо ёфтаанд. Коронавируси нав ба гуфтаи вазорат то кунун ҷони 57 нафарро гирифтааст. Мутахассисон мегӯянд, ҳарчанд суръати сирояти беморӣ дар Тоҷикистон суст шуда... Читать дальше...

Даври панҷуми қаҳрамонии футболи Тоҷикистон миёни дастаҳои  занона, ки 19-уми июл доир гардид, ҳамчун пурголтарин даври мусобиқаи имсола ба шумор меравад. Дар панҷ бозӣ 49 гол зада шуд, ки ба як бозӣ 9,8 гол рост меояд. Се бозии даври панҷум бо ҳисоби бузург хотима ёфт. “Зебонисо”-и Душанбе дар меҳмонӣ ба дарвозаи “Равшан”-и Кӯлоб 18 голи беҷавоб зад.“Хатлон”-и Бохтар дар майдони худ бар дастаи “Панҷшер”-и Ҷалолиддини Балхӣ бо ҳисоби 17:1 пирӯз шуд. “Зебо”-и ноҳияи Дӯстӣ дастаи меҳмон - “Чашма”-и Шаҳритусро бо ҳисоби 11:0 шикаст дод. Читать дальше...

Президенти Кумитаи Байналмилалии Олимпӣ (КБО) Томас Бах эълом дошт, ки ба давраи дувум хоҳад рафт. Интихоботи раҳбари КБО эҳтимолан дар ҷаласаи ин созмон, ки баҳори соли 2021 дар Афина доир мегардад, баргузор хоҳад шуд. "Агар шумо, аъзои КБО, хоҳед, пас ман омодаам, ки ба давраи дувуми президентии ин созмон бирасам ва ба шумо ва ҳаракати олимпӣ, ки онро дӯст медорем, чаҳор соли дигар хидмат намоям”, - гуфт Бах зимни нишасти матбуотӣ дар шабакаи КБО, ки дар YouTube намоиш дода шуд. Кумитаи иҷроияи... Читать дальше...

Интизор меравад, ки имсол қимати таҳсил дар бахшҳои шартномавии баъзе аз донишгоҳҳои Тоҷикистон ва мактабҳои хусусӣ то 8 дарсад афзоиш ёбад. Ҳудуди 30 дарсади аҳолии Тоҷикистон камбизоат дониста мешаванд ва хонаводаҳое, ки фарзандонашон бо пул таҳсил мекунанд, нигарон шудаанд, ки боло рафтани қимати таҳсил ба ҷайби онҳо зарба мезанад. Дилшод донишҷӯи соли чоруми яке аз донишгоҳҳои иқтисодии Тоҷикистон аст ва дар бахши шартномавӣ таҳсил мекунад. Ӯ дар сол беш аз 5 ҳазор сомонӣ пули таҳсил месупорад, ки бародарони муҳоҷираш мефиристанд. Читать дальше...

Додгоҳи олии Тоҷикистон ба 24 сол ҳукми зиндони Раҷабалӣ Одинаев, раиси ширкати "Умед-88" 4 соли дигар зам карда, дар ниҳоят ӯро барои 28 сол равонаи зиндон намудааст. Шермуҳаммади Шоҳиён, раиси додгоҳ рӯзи 20-уми июл ҳангоми як нишасти хабарӣ дар Душанбе гуфт, ба раиси  "Умед-88"  аз рӯи иттиҳомоти нав- “тасарруфи молу мулки давлатӣ ва дигар ҷиноятҳои иқтисодӣ” ҳукми ниҳоӣ содир гардид. Бар асоси ин ҳукм, Раҷабалӣ Одинаев ба 28 соли зиндон маҳкум шудааст.  Мавқеи Раҷабалӣ Одинаев ба ҳукми наваш то ҳанӯз барои мо маълум нест. Читать дальше...

Ҷунайдулло Сангов, сокини маҳаллаи Навободи пойтахт, ҳар шом ба оромгоҳ меравад ва сари гӯри духтарчаи ҳаштсолааш, ки чанд моҳ пеш фавтид, дуо мекунад. Ба гулу дарахтон об медиҳад ва манзили охирати фарзандашро обод нигоҳ медорад. Аммо чанд рӯз пеш дидани саҳнаи кандани қабристон бо экскваторҳо  падарро ноором кард. Ҷунайдулло мегӯяд, кандани гӯристон ва берун овардани устухонҳо, кори дуруст нест. Раҳбари муассисаи давлатии "Раёсати оромгоҳҳо"-и шаҳри Душанбе гуфт, ҳеҷ қабреро накандаанд, баръакс устухонҳоеро... Читать дальше...

Ҳоло номаълум аст, ки Эмомалӣ Раҳмон бо чӣ барномае ба интихоботи президентии ноябри имсол вориди корзор мешавад.

Мақомоти тоҷик "махфӣ" будани парвандаи маъруф ба "ихвониҳо"-ро рад карданд. Вакилони гумонбаршудагон қаблан дар суҳбат бо Радиои Озодӣ гуфта буданд, ки парванда зери муҳри "махфӣ" баррасӣ мешавад, биноан, ҳаққи додани маълумотро надоранд. Шермуҳаммади Шоҳиён, раиси Додгоҳи олии Тоҷикистон рӯз 20-уми июл зимни нишасти хабарӣ гуфт, баррасии парвандаи "ихвониҳо", "махфӣ" нест. Ба гуфтаи ӯ, дар ҳоли ҳозир барраси парвандаи 103 тан гумонбаршудаҳо  дар додгоҳ идома дорад. Ба гуфтаи оқои Шоҳиён, ду нафари муттаҳамон шаҳрвандони хориҷӣ мебошанд. Читать дальше...

Заминкобии экскаватор дар поёни қабристон, онҳоеро, ки азизонашон дар оромгоҳи Навобод канори Душанбе хок шудаанд, нигарон кардааст. Бо оғози корҳои сохтмонӣ ва хоккании экскватор чанд порчаи устухони дафншудагон берун омадаанд.

Кай таъмиру бозсозии шоҳроҳи Душанбе-Бохтар хотима меёбад?

Боздошти 5 афсари милисаи минтақаи Кӯлоб аз тарафи идораи мубориза бо фасод.

Тоҷикистон дар марз бо Қирғизистон дурбин мегузорад.

Баъди муноқишаи гурӯҳии муҳоҷирони тоҷику қирғиз дар шаҳри Екатеринбург, ки рӯзҳои 18 ва 19-уми июл сар зад, ҳоло вазъ ором аст ва раҳбарони ҷамъиятҳои миллӣ талош доранд пеши роҳи ин гуна ҳодисаҳоро бигиранд.

Президенти Украина Владимир Зеленский ба Фаронса дода шудани гузориши марбут ба ҳавопаймои суқуткардаи украинӣ дар Эронро истиқбол кард. Ин иттило аз қуттиҳои сиёҳи ҳавопаймои ширкати байналмилалии ҳавоии Украина гирифта шудааст, ки дар як ҳодисаи моҳи январ аз ҷониби мушаке суқут дода шуд ва дар натиҷа боиси кушта шудани 176 нафар сарнишини он гардид.  Муфаттишони фаронсавӣ рӯзи 20 июл гуфтанд, ки пеш аз ҳама сабтҳои диктофони утоқи халабонҳо ва баъди он маълумоти марбут ба парвоз таҳқиқ мешавад. Читать дальше...

Баъди муноқишаи гурӯҳии муҳоҷирони тоҷику қирғиз дар шаҳри Екатеринбург, ки рӯзҳои 18 ва 19-уми июл сар зад, ҳоло вазъ ором аст ва раҳбарони ҷамъиятҳои миллӣ талош доранд пеши роҳи ҳама гуна ҳодисаҳоро бигиранд. Ин аввалин муноқишаи байни намояндагони ҷамъиятҳои миллӣ дар Екатеринбург дар пасманзари пандемияи коронавирус мебошад. Вебсайти "Росбалт" мегӯяд, "замоне ки пулис ба ҷои ҳодиса ҳозир шуд, ҳама наврасон фирор карданд ва ҳеҷ касеро боздошт карда натавонистанд".​ Фаррух Мирзоев, раҳбари ҷамъияти тоҷикон ва Гулшан Долонбаева... Читать дальше...

Қаҳрамони олимпӣ, камонвари беҳтарини Тоҷикистон Зебинисо Рустамова на танҳо шоҳид, балки иштирокчии рӯйдодҳои асосии варзишӣ ва фарҳангии солҳои 80-ум ва Бозиҳои олимпии Маскав аст

Донишмандони Бритониё бо таҳлили иттилооти як замимаи телефонӣ ва серистифодаи маълумот дар бораи COVID-19 шаш навъи ин бемориро ошкор кардаанд.

Дар маркази шаҳри Киев дар рӯзи куштори журналисти маъруф ва мунаққиди ҳукумати Русия лавҳаи хотираи  Павел Шеремет гузошта шуд. Ин журналисти мунаққиди Русия зодаи Беларус буд, вале солҳои пеш аз маргаш ба шаҳри Киев кӯчида дар Украина зиндагиро ихтиёр карда буд. Ин хабарнигори “Украинская правда” рӯзи 20 июли соли 2020 замоне, ки хонаашро тарк карда ба сӯи як шабакаи радио – ҷои дигари кориаш равона мешуд, аз таркиши мошинаш кушта шуд.  Лавҳаи хотираи Павел Шеремет ба шакли як пора коғазе ифода... Читать дальше...

Раҳбарони Иттиҳоди Аврупо баъди се рӯзи бенатиҷаи тасдиқи буҷаву барномаи ёрии иқтисодии давраи коронавирус ҷаласаи худро рӯзи 20 июл ҳам идома медиҳанд.  Ин ҳамоиш қарор буд ду рӯз идома кунад, вале дар талоши даст ёфтан ба созиш рӯзи 19 июл қарор шуд маҷлис як рӯзи дигар тамдид шавад. Баҳсу баррасиҳо бисёр доғ гузашт ва президенти Фаронса Эммануэл Макрон ба раҳбарони Австрия ва Ҳолланд таҳдид кард, ки ҷаласаро тарк мекунад. Шарл Мишел, раиси маҷлис ба  раҳбарони 27 кишвари аврупоӣ гуфт, ки то ҳол... Читать дальше...

Рӯзи 20 июл Покистон маъракаи эмкунӣ бар зидди фалаҷи атфолро аз сар гирифт. Маърака дар ҳоле шурӯъ мешавад, ки кишвар дар умқи бӯҳрони беҳдоштии коронавирус қарор дорад ва дар гузашта кормандони машғули эмкунӣ мавриди ҳамла қарор гирифтанд. Қарор аст маъракаи зидди фалаҷи атфол се рӯз идома кунад ва ба қавли мақомот, дар чаҳорчӯби он 800 ҳазор кӯдак  воксинаи зидди бемориро дарёфт кунад. Мақомоти маҳаллӣ аз полис дархост карданд, ки амнияти кормандони беҳдоштро таъмин кунанд. Раъно Муҳаммад Сафдар... Читать дальше...

Оҷонсии мубориза бо фасод ба зидди 5 афсари милиса дар минтақаи Кӯлоб бо иттиҳоми ришвахорӣ, қаллобӣ, сӯистифода аз ваколат ва сохтакорӣ парванда боз кардааст.

Дарбори Саудӣ рӯзи 20 июл гуфт, ки шоҳ Салмон бо дарди илтиҳоби талхадон ба беморхонае дар Риёз интиқол дода шуд. Хабаргузории расмии Саудӣ гуфт, ки  шоҳи 84-сола “имрӯз ба беморхонаи Шоҳ Файсал дар Риёз барои анҷоми чанд озмоиши марбут ба холесистит интиқол дода шуд”. Дар Арабистони Саудӣ одат нест, ки ҷомеаро дар бораи вазъи сиҳҳатии шоҳи кӯҳансол огаҳ кунанд. Дар изҳорот шарҳи аз ин бештар  дода намешавад. Шоҳ Салмон аз соли 2015 ба ин сӯ дар сари қудрат мебошад. Нахуствазири Ироқ Мустафо Козимӣ... Читать дальше...

Низоми додгустарии Эрон гуфт, ки ҳукми марги мардеро иҷро карданд, ки ба ИМА ва Исроил дар бораи фармондеҳи Сипоҳи посдорони инқилоби исломӣ (СПИИ) иттилоъ дод ва бар асоси ин Қосими Сулаймонӣ иттилоъ кушта шуд. Сомонаи “Мизон” рӯзи 20 июл гуфт, ки “ҳукми қатли Маҳмуд Мусавӣ-Маҷд субҳи рӯзи душанбе ба ҷо оварда шуд. Ин шахс барои ҷосусӣ, ки боиси хиёнат ба кишвараш шудааст, ба қатл расид”. Моҳи июн мақомоти эронӣ  гуфтанд, ки Мусавӣ-Маҷд иттилоъ дар бораи макони будубоши Қосими Сулаймонӣ, фармондеҳи... Читать дальше...

Президенти ИМА Доналд Трамп нахост натиҷаҳои як пурсишро эътироф кунад, ки бар асоси он номзади демократҳо Ҷо Байден аз ӯ пеш гузаштааст ва онро як “дурӯғ” номид.  Трамп дар мусоҳибаи телевизионӣ ба Fox News  рӯзи 19 июл гуфт, “ман бояд бубинам. Бинед... ман бояд бинам”. Як пурсиши ABC News/Washington Post мегӯяд, ки  мизони маҳбубияти Байден аз Трамп 15 дарсад болотар аст. Трамп гуфт, ки чандин пурсиши афкори умум, ки то ҳол анҷом шуда, Байденро маъруфтар аз Трамп нишон медиҳад, “тақаллуб” аст. Читать дальше...

Ҳукумати Русия меъёри дубора оғоз кардани парвозҳои байналмилалиро муайян кардааст. Мувофиқи меъёри таъинкардаи ҳукумати Русия, бо кишварҳое, ки дар 14 шабонарӯзи охир ба ҳисоби миёна камтар аз 40 ҳолати беморӣ COVID-19 бар сари 100 ҳазор аҳолӣ доранд, парвозҳои байналмилалиро боз мекунанд. Русия ҳамчунон суръати афзоиши сироятёбии шаҳрвандон ба "COVID-19"-ро ба инобат мегирад, ки камтар аз 1 фоиз дар як шабонарӯз бояд бошад. Бино бар омори расмие, ки мақомоти тандурустии Тоҷикистон эълон мекунанд... Читать дальше...