Новости за 04.05.2020

Коршиносон дар умури сохтмону обанбор сабаби рахнаи садди обанбори Сардобини Узбекистонро коррупсия, инҳисор ва дуздӣ номиданд. "Агар ҳангоми бунёди иншоот дуздӣ сурат нагирад ва онро бар асоси нақша созанд, ягон сад дар натиҷаи аввалин шамол рахна нахоҳад шуд. Нақшаи дуздӣ дар ин гуна сохтмонҳо одӣ аст. Барои намуна, агар барои бунёди сад 1000 метри мукааб хок лозим бошад, 500 метри мукааб харҷ мекунанд. Бо масолеҳи дигари сохтмонӣ низ чунин муносибат хоҳад шуд", - гуфт як мутахассиси соҳа ба шарти ифшо нашудани номаш. Читать дальше...

Муовини шаҳрдори Бишкек Татяна Кузнетсова 4 май дар нишасти хабарӣ гуфт, эҳтимол аст, аз 11 май вуруд ба пойтахти Қирғизистон танҳо дар асоси натиҷаи озмоиши коронавирус иҷозат дода шавад. "Шаҳрдорӣ имкони маҳдуд кардани вуруди одамон ва нақлиёт ба Бишкекро дар сурати аз 11 май бекор шудани вазъи фавқулода баррасӣ дорад. Барои даромадан ба пойтахт натиҷаи санҷиш муҳим аст", - изҳор дошт ӯ. Ба гуфтаи ӯ, ҳамчунин масъалаи пурзӯр кардани карантин ва ташкили постҳо дар минтақаҳои аҳолинишине баррасӣ мешавад... Читать дальше...

Пайдо шудани коронавирус, бо суръати баланд паҳн шудани он дар саросари олам сабаб гашт, ки як силсила калима ва истилоҳот ҳарчӣ бештар дар забони расонаҳо ва мардум садо диҳанд. Бархе аз онҳо нав, аммо бархи дигар барои пизишкону парасторон ошноянд.

Дар Қазоқистон муҳлати даъвати баҳории сарбозон ба артиш ба далели паҳншавии вируси корона то моҳи август тамдид шуд. Дар ин бора фармони президенти он кишвар Қосимҷомарт Тоқаев содир шудааст. "Мардони аз 18 то 27-сола, ки ҳаққи озод будан аз артишро надоранд, ба хизмати фаврии сарбозӣ дар Неруҳои мусаллаҳ, Вазорати корҳои дохилӣ, Кумитаи амнияти миллӣ, Хадамоти давлатии ҳифзи Қазоқистон дар моҳҳои март-август ва сентябр-декабри соли 2020 даъват карда шаванд", - омадааст дар фармон. Сакен Жусупов... Читать дальше...

Миралӣ Раҷабзода, сардори раёсати тандурустии вилояти Хатлонро бо шубҳаи, ба гуфтаи манобеъ, бемории илтиҳоби шуш бистарӣ кардаанд. Афроди наздик ба ӯ мегӯянд, Раҷабзода рӯзҳои ахир таби баланд дорад. Айни замон хабар дода мешавад, ки ронандаи ӯ зери карантин аст. Мақомот расман дар ин бора шарҳе надодаанд.  Ба иттилои расмӣ, дар вилояти Хатлон беш аз 400 нафар бо нишонаҳои илтиҳоби шуш бистарӣ карда шудаанд. Дар миёни онҳо ду хабарнигор низ ҳастанд, ки мегӯянд, шароити табобату нигоҳдорияшон "чандон хуб нест". Читать дальше...

Комиссияи марказии интихобот ва раъйпурсӣ (КМИР)-и Қазоқистон хабар дод, ки муҳлати салоҳияти вакилии Дариға Назарбоева, духтари президенти пешин Нурсултон Назарбоев дар Сенати ин кишвар ба поён расид. Ба огаҳии КМИР, "4 май дар ҷаласаи ин ниҳод қарор дар бораи қатъи мандати вакили Сенати порлумони Қазоқистон Дариға Назарбоева қабул карда шуд". Дафтари президенти Қазоқистон Қосимҷомарт Тоқаев ҳам рӯзи 2-юми май гуфт, Тоқаев "салоҳияти Назарбоеваро қатъ намуд". Президенти Қазоқистон рӯзи шанбе... Читать дальше...

Ҷавонони афғон, ки мехостанд марзи Эронро убур кунанд, мегӯянд, марзбонони эронӣ бо таҳдиди марг онҳоро ба рӯд тела намуданд.

Беш аз 60 шаҳрванди Тоҷикистонро, ки дар миёни онҳо донишҷӯёни барномаҳои "Флекс" ва "Фулбрайт" низ ҳастанд, дар як парвози чартерӣ ё ғайринақшавӣ аз Амрико ба Душанбе фиристоданд. Манобеъ мегӯянд, ҳавопаймо рӯзи севуми май аз фурудгоҳи байналмилалии Даллас (Dulles International Airport) ҳаракат кард. Ба қавли мусоҳибони мо, "ҳавопаймо бо ташаббус ва дастгирии Вазорати корҳои хориҷии Амрико ва кӯшишҳои сафорати Тоҷикистон ташкил шуд. Аз мусофирон ҳаққи парвоз гирифта намешавад." Вале, ба иттилои манобеъ... Читать дальше...

Як табиби шӯъбаи ёрии таъҷилӣ дар вилояти Воронежи Русия, ки шикоят кард, бо вуҷуди гирифторӣ ба коронавируси нав ӯро маҷбур кардаанд, ки кор кунад, аз табақаи дуввум афтодааст. Табибон мегӯянд, ки вазъаш бисёр сангин аст. Александр Шулеров, саввумин табибест, ки баъди хуруҷи COVID-19 дар Русия ба таври шубҳабарангез аз тирезаи шифохона меафтанд. Ҳамкорони Шулеров ва намояндагони ситоди минтақавии мубориза бо COVID-19 мегӯянд, ӯ рӯзи 2-уми май аз табақаи дуввуми шифохонае дар шаҳри Новая Усман афтод... Читать дальше...

Вазорати тандурустии Тоҷикистон эълон кард, ки рӯзи 4-уми май шумори гирифторони коронавирус дар кишвар ба 230 кас расид. То ин дам се нафар аз бемории ҳамагир фавтидаанд.

Вазорати маориф ва илми Тоҷикистон гуфт, донишҷӯёнеро, ки то ин дам пули шартномаи таҳсилро пурра пардохт накардаанд, аз донишгоҳ намеронад. Эҳсони Хушбахт, сухангӯи вазорат, рӯзи 4-уми май гуфт, ин имтиёз ба донишҷӯён то замони "хуб шудани вазъ дар кишвар ва бартараф шудани коронавирус" дода мешавад. Ба қавли ӯ, вазири маориф дар ин бора ба раҳбарони мактабҳои олии кишвар низ дастур додааст. "Имрӯз насупоридани маблағи шартномаи таҳсили донишҷӯ набояд садди роҳи ҷамъбасти сессияи тобистона гардад. Читать дальше...

Сокинони шаҳри Кӯлоб даҳсолаҳост мунтазиранд, кай мақомот, рӯди Тебалайро соҳилбандӣ мекунад, то Худое накарда зери оби он намонанд. Маҳмудҷон Раҳматзода дар ин бора нақл мекунад.

Маҷлиси намояндагони Тоҷикистон ба қонуни кишвар дар бораи синамо иловаеро ворид кард, ки тибқи он бояд синну соли тамошобини ин ё он филм аломатгузорӣ шавад.

Дар Хатлон мақомдорон мегӯянд, касе гирифтори коронавирус нест.

Баъд аз эътирофи мавҷудияти COVID-19 дар Тоҷикистон, бархе аз пизишкону хабарнигорон барои муборизаи ҷиддӣ бо ин бемории ҳамагир ва сабукӣ додан ба мардуму соҳибкорон дар шароити коронавирус пешниҳодҳои худро ироа карданд.

Мақомоти Афғонистон рӯзи 3-уми май ба ҷустӯҷу ва берун кашидани ҷасадҳои гурӯҳе аз муҳоҷироне оғоз карданд, ки ба навиштаи матбуоти дохилӣ, посбонони марзи Эронро онҳоро ба рӯдхона андохтаанд. Расонаҳои Афғонистон мегӯянд, ки сарҳадбонони эронӣ муҳоҷиронро, ки мехостанд, аз вилояти Ҳирот ба қаламрави Эрон бигзаранд, ба рӯдхона партофтаанд, то монеи вуруди онҳо ба қаламрави кишвар шаванд. Вазорати умури хориҷии Афғонистон рӯзи 2-уми май бо нашри як баёнияе гуфт, ки гузоришҳо доир ба ин ҳодисаро таҳқиқ мекунад. Читать дальше...

Акбаршоҳ Искандаров, раиси пешини Шӯрои олии Тоҷикистон, бо нишонаҳои бемории илтиҳоби шуш дар яке аз бемористонҳои Душанбе бистарӣ карда шудааст. Пайвандони Искандаров гуфтанд, ба ҳуҷраи хобаш ворид шудан иҷозат нест ва танҳо тавассути телефон суҳбат мекунанд.

Майк Помпео, рӯзи 3-уми май ба телевизиони Эй Би Си дар Амрико гуфт: “Аломатҳои зиёде мавҷуданд, ки нишон медиҳанд, аз озмоишгоҳи Вуҳан берун омадааст.” Ӯ ба хуруҷи вирус ишора кард, ки охири соли гузашта дар Чин пайдо шуд ва бештар аз 247 ҳазор нафар, аз ҷумла 67 ҳазор нафарро дар Амрико кушт. Ӯ дар ин мусоҳиба аз рӯзи 30-уми апрел хулоса дар бораи сунъӣ набудани вирусро зери суол бурд, аммо вақте хабарнигор гӯшзад, ки ин хулосаи ниҳодҳои иттилоотии Амрико аст, баргашт ва гуфт, бовар дорад, ки онҳо хато накардаанд. Читать дальше...

Доналд  Трамп, раиси ҷумҳури Амрико гуфт, умедвор аст, кишвараш то охири сол ваксина ба зидди  коронавируси навро ба даст меорад, ҳарчанд мутахассисон гуфтаанд, ки танҳо озмоиши ваксина на камтар ах як солро мегирад, чӣ расад ба истеҳсоли саноатии он. Доналд Трамп, ки мехоҳад, дар интихоботи имсолаи раиси ҷумҳур дигарбора пирӯз шавад, саъй дорад, фаъолиятҳои иқтисодӣ дар Амрико аз сар гирифта шавад, чун ба сабаби қатъи кори бисёре аз арсаҳо, иқтисоди кишвар рӯ ба таназзул овард, миллионҳо нафар бекор монданд. Читать дальше...

Собирҷон Собиров, сардухтури бемористони вилоятии Суғд, аз мақомаш сабукдӯш карда шудааст. Як манбаъ дар бемористон гуфт, "ин кор рӯзи шанбеи 2-юми май сурат гирифт". Ҳоло ба ҷойи ӯ Баҳодур Муъминовро таъин кардаанд. Муъминов то ин дам сардухтури бемористони касалиҳои сироятӣ дар Хуҷанд буд.  Маъруфҷон Ҳоҷибоев, муовини сардори Раёсати тандурустии Суғд ва раҳбари ситоди мубориза бо COVID-19 дар вилоят гуфт, дар ин бора хабар надорад.  Собирҷон Собиров рӯзи 4-уми май дар суҳбат бо хабарнигори "Азия-Плюс" гуфтааст... Читать дальше...

Дар пайи нигаронии муштариён аз набуди имкон барои бозпас гардонии қарзҳои бонкӣ, Бонки миллии Тоҷикистон эълон кард, ба баъзе қарздороне, ки вазъи молиявии мушкил доранд, имтиёзҳо пешбинӣ мешавад.

Як гуруҳ аз сокинон дар наворе рӯзи 4-уми май ба Радиои Озодӣ шикоят карданд, ки наздикони беморашонро наметавонанд дар шифохонаҳо ҷой кунанд. Онҳо мегӯянд, ба сабаби пур будани бемористонҳо маризонро ба Комплекси сайёҳии ноҳияи Варзоб фиристоданд, вале дари онҷоро низ ба рӯяшон накушоданд. Мақомот дар ин бора чизе нагуфтаанд.  Дар навор дида мешавад, чанд мошини сокинон ва чаҳор мошини "Ёрии таъҷилӣ" дар пушти дари Комлекси сайёҳии ноҳияи Варзоб истодаанд. Яке аз заноне, ки дар онҷо буд, дар навор мегӯяд... Читать дальше...

Паёмаке, ки ҳафтаи гузашта ба дасти сокинон расид, бисёриҳоро дар мавриди табодули иттилоъ оид ба коронавирус нигарон кардааст. Дар он паёмак гуфта шудааст, мақомот суҳбатҳои телефонии мардумро пурра сабт карда, навиштаҳои корбаронро дар фазои маҷозӣ назорат менамоянд.

Дар Украина шумори мубталоёни COVID-19 ба тақрибан 12 ҳазор нафар расидааст. Беш аз якуним ҳазор кас аз ин бемории ҳамагир шифо ёфта, ҳудуди сесад нафар ҷон бохтаанд. Бист дарсади сироятшудагон дар ин кишвар пизишкон ҳастанд. Онҳо ба гурӯҳи осебпазир шомиланд.

Дар Украина шумори мубталоёни COVID-19 ба тақрибан 12 ҳазор нафар расидааст. Беш аз якуним ҳазор кас аз ин бемории ҳамагир шифо ёфта, ҳудуди сесад нафар ҷон бохтаанд. Бист дарсади сироятшудагон дар ин кишвар пизишкон ҳастанд. Онҳо ба гурӯҳи осебпазир шомиланд.