Новости за 11.02.2020

Се созмони ҳомии ҳуқуқ аз ҳукумати Тоҷикистон хостаанд, Далер Шарифов, хабарнигори мустақили тоҷикро, ки бо иттиҳоми ифротгароӣ боздошт шуд, фавран аз зиндон раҳо кунад.  Созмони Авфи Байналмилал, Ҳамкории Байналмилалӣ Барои Ҳуқуқи Инсон ва Кумитаи Норвегии Ҳелсинки, рӯзи 11-уми феврал бо нашри як баёнияи муштарак ҳамчунин аз мақомот хостаанд, тазмин бидиҳанд, ки бо Далер Шарифов бадрафторӣ сурат намегирад ва шиканҷа намешавад. Хабарнигори 31-соларо рӯзи 28-уми январ дастгир карданд ва ӯро дар... Читать дальше...

Як гуруҳи ҳуқуқшиносони Созмони Милал баъди таҳқиқи парвандаҳои 11 узви Ҳизби мамнуи наҳзати исломӣ ба ин натиҷа расидаанд, ки ҳукумати Тоҷикистон бар хилофи уҳдадориҳои байналмилалиаш дар бораи ҳуқуқи инсон онҳоро дастгир кардааст. Дар хулосаи Гуруҳи кории таҳқиқи боздоштҳои худсарона, ки рӯзи 11-уми феврал дастраси матбуот шуд, омадааст, “Возеҳ аст, ки ангезаҳо барои боздошт ва зиндонӣ кардани 11 узви Ҳизби наҳзати исломӣ дар воқеъ истифодаи онҳо аз ҳаққашон барои озодии баён ва озодии гирдиҳамоӣ будааст.” СММ аз ҳукумат хостааст... Читать дальше...

Оҷонсии мубориза бо фасод дар Тоҷикистон 5 корманди зиндонҳоро бо иттиҳоми ришваситонӣ ба ҷавобгарии ҷиноӣ кашидааcт. Намояндагони оҷонсӣ рӯзи 11-уми феврал дар Душанбе гуфтанд, ки ин афрод барои иваз кардани низоми адои ҷазо аз зиндониён ришва хостаанд. Қутбиддин Сафарзода, сардори раёсати тафтишотӣ дар оҷонсӣ баъд аз нишасти хабарӣ дар суҳбат бо Радиои Озодӣ гуфт, кормандони муассисаҳои ислоҳӣ ба қаллобӣ ва гирифтани пора муттаҳам мешаванд. Таҳқиқи парвандаҳояшон хотима ёфтааст ва онҳоро барои баррасӣ ба додгоҳ фиристодаанд. Читать дальше...

Бо даъвати Шавкат Мирзиёев, раиси ҷумҳури Узбекистон донишҷӯёни ин кишвар дар донишгоҳҳои Тоҷикистон дастҷамъона тарки таҳсил мекунанд, то омӯзиши худро дар муассисаҳои ватанашон идома диҳанд. Танҳо дар Донишгоҳи омӯзгории Тоҷикистон беш аз 2,5 ҳазор донишҷӯй аз ин кишвари ҳамсоя таҳсил мекарданд. Зоҳиран на ҳамаи донишҷӯёни узбекистонӣ аз ин тасмими ҳукумати худ розӣ ҳастанд ва мегӯянд чандон майли идомаи таҳсил дар ватани худро надоранд.​ Бархе аз масъулини донишгоҳҳо ин амрро мухолифи қоидаҳои таълимӣ медонанд. Читать дальше...

Боздошти 5 нозири маҳбас бо иттиҳоми фасод.

Донишҷӯёни узбек тарки Тоҷикистон мекунанд.

46 тоҷикистонӣ аз Вуҳани Чин баргаштанд.

Мушкили дарёфти замин барои сохтмони манзил, вале на барои пулдорон.

Бердибек Сафарбоев, ҳокими вилояти Ҷамбили Қазоқистон гуфт, дар пайи ҳаводиси фоҷиабори деҳоти ноҳияи Кордай, ки боиси марги 10 сокин ва даҳҳо маҷруҳ шуд, "бисёр"-и одамон ба Қирғизистон фирор карданд. "Давоми ду рӯз наздики 8 ҳазор шаҳрванд дубора ба Қазоқистон баргаштанд",-гуфт вай. Ҳоким афзуд, дар натиҷаи низои байни дунгантаборон ва қазоқҳо дар ноҳияи Кордай, 19 корманди пулис зарар дидааст. Сафарбоев гуфт, айни ҳол вазъ "муътадил" аст. "Сар аз дирӯз ҳамаи мактабҳо ва боғчаҳо, мағозаҳо дубора... Читать дальше...

Садри ҷадвали раддабандиро, ки муддатҳои тулонӣ Ҷон Ҷонси амрикоӣ соҳиб буд, тарк кард ва ин зинаро ҳамакнун Нурмуҳаммадов соҳиб шуд

Ба арзёбии Оҷонсии омори Тоҷикистон ҳар чаҳорумин тоҷикистонӣ шомили табақа ва ё қишри миёна аст ва сатҳи зиндагии худро метавонад миёнҳол тавсиф кунад. Ба ҳисоби ин ниҳод, шахсе дар Тоҷикистон ба қишри миёнҳол шомил аст, ки дар як моҳ беш аз 356 сомонӣ харҷ кунад. Аз рӯи ин меъёр 24 дарсади аҳолии Тоҷикистон ба қишри миёна шомил ҳастанд. Аммо агар ин меъёр бо мизони табақаи миёнаи ҷаҳонӣ қиёс шавад, қишри миёнаҳоли Тоҷикистон дар берун камбизоат ба шумор мераванд. Дар арзёбии некӯаҳволии мардум... Читать дальше...

Шумораи қурбониёни коронавирус дар Чин аз 1000 нафар гузашт. Мақомоти Чин мегӯянд, ки теъдоди гирифторон ба ин вирус ба беш аз 42 ҳазор нафар расидааст. Дар ҳамин ҳол, Созмони ҷаҳонии тандурустӣ мегӯяд, ки рӯзҳои 11-12 феврал барои ҳамоҳанг кардани талошҳои байналмилалӣ ба ҳадафи муқобила бо ин вирус, як нишасти байналмилӣ доир мекунад. Нишасти Созмони ҷаҳонии тандурустӣ дар ҳоле баргузор мешавад, ки омори нави қурбониёни ин вирус рӯ ба афзоиш аст ва рӯзи душанбеи 10-уми феврал бар асари ин беморӣ 108 нафар ҷон бохтанд. Читать дальше...

Дар идораи марказии ҳизби ҳокими "Нур Отан"-и Қазоқистон рӯзи 10-уми феврал сокинони минтақаҳои мухталифи он кишвар ҷамъ омада, гуруснашинӣ эълом карданд. Ба гуфтаи сокинон, додгоҳҳо қарори ноодилона содир кардаанд ва онҳо бозбинии парвандаҳоро талаб доранд. Эътирозгарон дар даст шиорҳои "Гуруснашинӣ" доштанд ва ҳамзамон бархе аз онҳо дар ҷабинҳояшон низ ин шиорро баста буданд. Ҷамъомадагон дар сӯҳбат бо хабарнигорон гуфтанд, далели эътирози онҳо "ҳукмҳои ноодилона"-и додгоҳҳо аст. 42 эътирозгар... Читать дальше...

Сокинони минтақаҳои ҷанубию шарқии Туркманистон дар марз бо Афғонистон мегӯянд, шабона садои тир шунида мешавад ва вақтҳои охир ҳолатҳои рӯбарӯ шудан бо ҷангиёни мусаллаҳе ҳам афзоиш ёфтааст, ки марзи ин кишварро убур мекунанд. Дар ин бора хабарнигори бахши туркмании Радиои Озодӣ 9-уми феврал бо истинод ба сокинони Калаимори ноҳияи Сарҳадободи Туркманистон иттилоъ дод. Деҳаи Калаимор тақрибан дар 40-километрии дидбонгоҳи марзии Сарҳадобод ҷойгир аст. "Ин минтақаҳо камаҳолиянд. Чупонҳо борҳо бо афғонҳо рӯбарӯ шуданд. Читать дальше...

Алишер Усмонов, миллиардери узбектабори Русия ба осорхонаи олимпии Лозанне манифести асосгузори бозиҳои муосири олимпӣ барон Пер де Кубертенро туҳфа кард. Дар ин бора сомонаи Кумитаи байналхалқии олимпӣ иттилоъ медиҳад. Соли гузашта ин манифест дар музоядае бо арзиши 8 миллиону 800 ҳазор доллар фурӯхта, аммо аз харидор ном бурда нашуда буд. Ҳамакнун муайян шуд, ки онро Алишер Усмонов харидааст. Манифести 14-саҳифаии дастнавис, ки соли 1889 навишта шудааст, матни идеяи Кубертенро дар бар мегирад. Читать дальше...

Дар Додгоҳи ноҳияи Юнусободи шаҳри Тошканд 10-уми феврал баррасии парвандаи сардори пешини Институти пажӯҳишҳои стратегӣ ва байниминтақавии назди президенти Узбекистон Рафиқ Сайфулини 61-сола пушти дарҳои баста оғоз шуд. Парвандаи Сайфулинро Додгоҳи низомии Узбекистон баррасӣ дошта, ӯ ба "хиёнат ба давлат" айбдор мешавад. Дар баробари Сайфулин ҳудуди 10 низомии дигари узбек низ дар курсии айбдорӣ бо иттиҳоми ҷосусӣ ба нафъи Русия, ифшои сирри давлатӣ ва ҷиноятҳои дигар нишастаанд. Дар миёни онҳо... Читать дальше...

Дар Бозиҳои XXXII тобистонаи олимпӣ, ки аз 24-уми июл то 9-уми августи имсол дар пойтахти Ҷопон – Токио – доир мегардад, беш аз 11 000 варзишгар аз 206 кишвар барои 339 маҷмӯи медалҳо оид ба 33 намуди варзиш мубориза хоҳанд бурд. Вале варзишгарони тоҷик ҳанӯз ба Олимпиадаи Токио-2020 роҳхат нагирифтаанд, дар ҳоле ки дар байни кишварҳои Осиёи Марказӣ Қазоқистон 24 роҳхат (гуштии озод – 4, камонварӣ – 4, варзиши сабук – 2, гуштии занона – 2, гуштии юнониву румӣ – 2, панҷҳарбаи муосир – 2, шиноварӣ ... Читать дальше...

Дастаи мунтахаби футзали Тоҷикистон бо раҳбарии сармураббӣ Александр Дзабирадзе, мутахассиси гурҷӣ, барои баргузор кардани ду бозии дӯстона бо тимҳои мунтахаби Арабистони Саудӣ (12-уми феврал) ва Кувайт (13-уми феврал) ба Даммом расид. Мунтахаби миллии футзали Тоҷикистон баъди анҷоми мусобиқаи  байналмилалӣ («SAT International Futsal Championship 2020») дар Тайланд аз Бангкок ба Даммом омад. Ёдовар мешавем, мунтахаби Тоҷикистон дар мусобиқаи байналмилалӣ дар Тайланд бозиҳоро ба тимҳои Эрон бо ҳисоби 2:3... Читать дальше...

Вазорати умури дохилии Афғонистон мегӯяд, бар асари ҳамлаи интиҳории рӯзи 11-уми феврал дар наздикии Донишгоҳи низомии Маршал Фаҳим дар Кобул, ду ғайринизомӣ ва чаҳор сарбоз ҷон бохта, 12 тани дигар захмӣ шудаанд. Ин ҳамла соатҳои тақрибан 7-и субҳи сешанбе рух додааст.  Вазорати дифои Афғонистон низ бо нашри як эъломия гуфтааст, ки ин ҳамлаи интиҳорӣ дар миёни мардум сурат гирифтааст. Вазорати дифои Афғонистон дар бораи маҳали дақиқи ҳодиса чизе нагуфтааст, аммо як манбаъи амниятӣ, ки нахост номаш гирифта шавад... Читать дальше...

Нозирони байналмилалие, ки рӯзи 1-уми март ҷараёни интихоботи порлумонии Тоҷикистонро назорат мекунанд, зоҳиран қонуншиканӣ ва тақаллубкориҳоеро мебинанд, ки дар ду даҳаи гузашта дидаанд. Гузоришҳои нозирони Созмони Амният ва Ҳамкории Аврупо дар бораи чаҳор интихоботи порлумонӣ нишон медиҳад, ки мақомот дар рӯзи интихобот барои пирӯз кардани ҳизби ҳоким ҳамеша як "дастуруламал"-ро истифода бурдаанд. Усули асосӣ ва аввал. Пур кардани қуттиҳои раъйдиҳӣ Пур кардани қуттиҳои раъйдиҳӣ асосан пинҳон... Читать дальше...

Дар робита ба ҳаводиси рӯзҳои 7-8 феврал дар ноҳияи Кордай, ки боиси марги 10 нафар ва захмӣ шудани даҳҳо тани дигар шуд, мақомоти Қазоқистон 25 парвандаи ҷиноӣ боз карданд. Дар ин бора Бердибек Сафарбоев, муовини сарвазири Қазоқистон рӯзи душанбеи 10-уми феврал хабар дод. Ба гуфтаи вай, парвандаҳо бо моддаҳои "бетартибии оммавӣ, даъват ба бетартибии оммавӣ, куштор, авбошӣ, истифодаи хушунат нисбати намояндаи давлат, маҳвсозии амвол ва омодасозии ғайриқонунии аслиҳа", боз шудаанд. "Вазифаи асосӣ - пайдо кардани ташкилкунандагон... Читать дальше...

Ҳукумати Туркманистон тасмим дорад, ки қурби манати туркманиро дар баробари доллари амрикоӣ тағйир диҳад. Дар ин бора як манбаъ аз Бонки марказии Туркманистон 10-уми феврал хабар дод. Ба гуфтаи манбаъ, интизор меравад, қурби нави 1 доллари амрикоӣ дар Туркманистон 8 ё 10 манат муайян карда шавад. Қурби расмии асъори хориҷӣ дар Туркманистон, ки аз сӯи Бонки марказии ин кишвар таъйин мешавад, бори охир соли 2015 расман тағйир ёфта буд. Он замон арзиши 1 доллар 3,5 манат муайян шуд. Табодули нақдинаи асъори хориҷӣ аз соли 2016 манъ аст. Читать дальше...

Сокинони деҳаи Согондуи ноҳияи Алайи Қирғизистон зидди коркарди кони ангиште эътироз доранд, ки дар наздикии деҳаи онҳо қарор дорад. Сокинон мегӯянд, коркарди кон ба муҳити зист зиён мерасонад: дарахтҳо бурида мешаванд ва оби дарёи Гулҷо ифлос мегардад. "Ин ҷойҳо чарогоҳ ба ҳисоб меравад, сар аз моҳи март мо аспҳоро инҷо меорем. Мо аз ибтидо зидди коркарди кон будем. Обро ҳам ифлос мекунанд",-гуфт Миртемир Раҳмонбердиев, як сокини маҳаллӣ. Замир Молдокулов, раиси ноҳияи Алай бо эътирозгарон мулоқот кард. Читать дальше...

Як шаҳрванди Узбекистон ҳангоми берун бурдани 300 ниқоби тиббӣ аз Қирғизистон боздошт шудааст. Шаҳрванди 19-солаи Узбекистонро дар гузаргоҳи "Маданият-автодорожний"-и Қирғизистон дастгир кардаанд. Ҳангоми бозҷӯӣ аз ҷомадони ӯ ниқобҳои тиббӣ пайдо кардаанд. Марзбонон ӯро ба кормандони пулис таслим кардаанд. Қирғизистон дар пайи ошкор ва паҳн шудани коронавирус дар Чин аз 3 феврал содироти як қатор дору ва ниқобҳои тиббиро манъ кард. Ба дорухонаҳо тавсия шуд, ки ба ҳар як шаҳрванд аз 20 ниқоб бештар нафурӯшанд. Читать дальше...

Муовини вазири умури хориҷии Русия Александр Панкин дар суҳбат бо хабаргузории "Россия сегодня" гуфт, аз Узбекистон ё кишвари дигаре барои пайвастан ба Иттиҳоди иқтисодии Авруосиё (ИИАО) дархости расмӣ дарёфт накардаанд. "Шарикони узбек дар суҳбатҳо бо мо тасдиқ мекунанд, ки пайвастани Узбекистон ба ИИАО як қатор ҷанбаҳои мусбатеро дорад. Аз ҷумла, дастрасӣ ба бозори ягона, нерӯи корӣ, хидматрасонӣ, сармоя, ҳамчунин ба тавонмандии сармоягузорӣ, ҳамлу нақл ва технологии иттиҳод фароҳам хоҳад шуд",-изҳор доштааст дипломати рус. Читать дальше...